2 DJAMIYULWALAŊUWUY DHÄWU 2

1 Ga Daypitthu dhä‐wirrka'yurruna bitjarra gam' Garraynha, “Nhaltjanna dhika ŋarra yurru yulŋunydja? Marrtjiŋga ŋarra yurru yulŋunydja? . . . ga waŋgany ŋunha wäŋa märrama, bala dharraynha ŋarra yurru yukurra ŋurukuyi? . . . makarrŋura wäŋaŋura *JudahDjuda?”

Ga Garraynydja waŋana yoraŋala, “Yo, gatjuy nhe marrtjiyana, ga märraŋa ŋunhi wäŋanydja †Yiprunbuy, ŋurikiyinayi nhe yukirriya djäkanydja.”

2-4 Bala yuwalkthi Daypittja marrtjinana, ga dhut‐gay nhinana Yiprunlilina. Ga yolŋu'‐yulŋu ŋurukuy makarrwuy wäŋawuy Djudawuynydja, walalanydja marrtjina ḻuŋ'maranhaminana Yiprunlilina wäŋalili, withiyara ŋanya Daypitnhana, ga ŋunhalana walala ḻiya‐ŋämira Daypitnhanydja weyika'yuna, buŋgawakuŋalana, ŋayi yurru buŋgawayirri ŋurikina walalaŋgu Djudapuyŋuwuna bäpurru'wu.

8-9 Yurru waŋgany ḏarramu yäku ‡2:8–9 AbnerYapana ŋurru‐warryunarayŋu miriŋuwu Djolwalaŋuwu miriŋuwu, nayinydja garr'yurruna Djolwu gäthu'mirriŋunha §2:8–9 IshboshethYitjputjinha, bala walala marrtjinana buḏapthurruna *2:8–9 JordanDjodanbuyŋu mayaŋ'ku, bala ŋanyana Yapananhana nherrara Djolwu gäthu'mirriŋunha ŋurruŋukuŋalanydja giŋguŋalana, ŋayina yurru ŋurruŋuyirri ŋuriki wiripuŋuwunydja bäpurru'wu †2:8–9 IsraelYitjuralpuyŋuwu, ga ŋuliwitjandhinydjayi dhukarrkurru walala guḻk‐guḻkthunmaraŋalana Godkunydja ŋunhi miṯtjinha yolŋu'‐yulŋunha bitjarra märrma'kuŋalana miṯtji.

10—4:12

Yo, märrma' dhuŋgarra Yitjputjinydja yukurrana dhärrana buŋgawa Yitjuralpuyŋuwunydja, yurru ŋayi ŋunhi yaka ŋamakurruny'tja buŋgawa, bala yana märrma'na ḏarramu marrtjina lili, ga bumaranydja ŋanya rakunyguŋalana, ga ŋunhi ŋayi Daypitthu ŋäkulanydja ŋurikiyyi, bala yana ŋayi mirithinana wal'ŋu ŋaramurryinanydja, ŋoynha manapara dhärrana, bala yana ŋayi bumarana murrkay'kuŋalana ŋunhinydja maṉḏanha ŋunhi maṉḏa bumara murrkay'kuŋala Djolwu gäthu'mirriŋunha.

<- 2 DJAMIYULWALAŊUWUY DHÄWU 1 2 DJAMIYULWALAŊUWUY DHÄWU 3 ->