1 Waŋganymirriyu *SamuelDjamiyul marrtjina †SaulDjolwa bunana, ga waŋana nhanukala bitjarra, “Garrayyunydja nherrara ŋurruŋu nhunana buŋgawanydja nhanukalayŋuwu ŋayi miṯtjiwu yolŋu'‐yulŋuwunydja ‡IsraelYitjuralpuyŋuwunydja. Ŋäka dhuwala dhäruk ŋunhi ŋayi yukurra Garray God ganydjarr‐ḏumurru wal'ŋu Waŋarr waŋa nhuŋu gam'. 2 Märraŋa dhuwala nhuŋuway miriŋunha miṯtjinha, ga marrtjiya bala §AmalekYamalikpuyŋuwala, ŋarranydja yurru dhä‐ḏir'yunna walalanha ŋunhiyi Yamalikpuynhanydja, bumana dhawar'maramana walalanha, liŋgu walala yätjkuŋala ŋarrakuway malanha. 3 Nhuma yurru buŋanydja dhawar'maraŋana yanana warrpam'thurrana, buŋanydja walalanha warrpam'nha yanana dhawar'maraŋana ḏarramuwurrunha ga dhäykawurrunha ga djamarrkuḻi'nha, ga biyakayi bili buŋayi wäyinnhanydja walalanha, buliki'nha ga wiripunha wäyinnha walalanha, warrpam'nha yanana dhawar'maraŋana buŋana.” Bitjarra ŋayi yukurrana waŋananydja Garray Djolwala.
10-11 Bala ŋayi Garraynydja waŋana Djamiyulwala bitjarrana, “Nhäkuna ŋarra ŋunhi djarr'yurruna Djolnhanydja bala giŋgunydja? Ŋayinydja yawungu bilyun warray ŋarrakala, ga yaka warray malthun ŋarrakuwaynydja dhärukku.” Djamiyulnydja wirrkina ŋayaŋu‐yätjthina, wirrkina wal'ŋu, ga munha‐ŋupara ŋayi yukurrana bukumirriyaŋala Djolwunydja. 12 Ga goḏarr'nha, munhakumirrina ŋayi gaŋgathina bala djar'tjaryurruna ḻarruŋalana nhanŋu Djolwuna. Bala ŋayinydja ŋula yolthu ḻakaraŋala warray nhanbala Djolwa bitjarra warray. “Ŋäthili yana ŋayi marrtjina bala bukulili ŋunha *CarmelGämullili, ga ŋunhalayi ŋayi Djolyu ŋal'‐ŋalmaraŋala guṉḏa malanha nherra'‐nhirrara, märr yurru yukurra yolŋu'‐yulŋuyu birrka'yun yukurra yurru ŋanya Djolnha, ga ḻakarama yurru ŋanya yukurra ŋunhi ŋayinydja yindina buŋgawa; buṉbuŋala ŋayi guṉḏanydja malanha nherra'‐nhirrara, ga yurruna ŋayi marrtjina bala †GilgalGilkallilinydja wäŋalili.”
13 Bala yana ŋayi Djamiyulnydja djar'tjaryurrunana balayi ŋunhamala Gilkallili wäŋalili, ga ŋunhalana ŋayi Djolnhanydja maḻŋ'maraŋala, ga dhunupa ŋayi waŋanana Djol Djamiyulnhana bitjarra, “Garrayyu nhuna guŋga'yundja yurru Djamiyul. Liŋguna ŋarra djämana ŋunhiyi liŋgu ŋunhi ŋayi Garrayyu ḻakaraŋala ŋarraku.”
14 Ga ŋayi Djamiyulnydja waŋana, “Yurru ŋarra ŋäma yukurra dhika buliki'nha walalanha ḻoḻthunminyara, ga rirrakay ŋarra yukurra wäyinnha bembinha ŋämayi ŋäthinyara.”
15 Ga ŋayi Djolyunydja buku‐ruŋiyina waŋana bitjarra, “Ŋarrakala ŋuruŋu ḏarramuyu djaw'‐djawyurruna ŋunhiyi wäyinnha walalanha ŋulaŋuru Yamalikpuyŋuwala. Walala yawungu bumanydja guḻku'nha warray, bumanydja walala warrpam'thun yawungu, ga ŋunhiyi ŋayathamanydja walala marrtji walŋamirrinydja märr‐ḻurrkun'nha, märr walala yurru bathanna wekama Garraywuna nhokalaŋuwuna Waŋarrwu.”
16 Ga Djamiyulnydja waŋana nhanŋu bitjarrana, “Ma' mukthurrana. Ŋarra nhuŋu yurru ḻakaramana ŋunhi ŋayi yawungu Garrayyu yukurra ḻakarama ŋarrakala.”
17 Bala ŋayi Djamiyulnydja waŋana bitjarra, “Nhenydja mak yukurrana dhuwala guyaŋinyaramina yanapi nhe yaka wal'ŋu dharrpal yolŋu ŋi', ŋula nhä ḻakaranhamina nhe yukurrana guyaŋinyamina nhunapinyay nhe ŋäthili, yurru nhe dhuwala djarr'yunaranydja nhanukiyinguŋu Godkuŋu warray, ŋayipi warray nhuna djarr'yurruna, ga ŋayipi nhuna nherrara ŋurruŋu ŋuriki Yitjuralpuyŋuwunydja. 18 Ga ŋayinydja waŋana nhuna bunharawu bukmakkunharawu yana warrpam'thunarawu ŋuriki yätjmirriwunydja gal'ŋu miṯtjiwu Yamalikpuyŋuwunydja. 19 Nhäku warray nhe yakanydja nhanŋu malthurruna dhärukku? Nhäku nhe djaw'‐djawyurruna ḻatju'mirrinydja wal'ŋu ŋunhi nhuŋuwaynydja nhe djuḻuḻ'maraŋala? Garraynydja ŋunha yakana galŋa‐ŋamathina nhokala, ŋaramurryinana ŋunhi ŋayi nhuŋu yulŋunydja.”
20 “Yuwalkkumaŋga ŋarra yukurra dhuwala malthun Garraywunydja,” bitjarra ŋayi Djolnydja waŋana. “Bunha ŋarra yawungu ŋunha ya' Yamalikpuyŋunha miṯtjinha, bukmakkunhana yana dhawar'maranha, ga waŋganynhana yana ŋarra walŋakunha walalaŋgu ŋurruŋunhanydja. 21 Ga ŋarrakala ḏarramuwurruyu ŋuruŋu yaka yawungu bunha ŋunhiyi djana'‐ḏilkurrunhanydja wäyinnha walalanha, yana walala walŋa gänha lili, mundhurrwu wekanharawu, bathanarawu Garraywu.”
22 Ga Djamiyulyunydja dhä‐wirrka'yurruna buku‐ruŋiyinmaraŋala bitjarra, “Nhäku dhika yuwalktja Garray ḏukṯuk? Bay' nhaltjan? Ŋayi nhuŋu ḏukṯuk nhe yurru malthun nhanŋuway? . . . märrama nhanŋuway dhäruk? Bay' nhaltjan dhika? . . . nhe yurru yana wekama mundhurr nhanŋu? Ŋunhi nhe ŋuli bathan mundhurr wekama nhanŋu, ŋunhiyinydja ŋamakurru' warray, ga dhiyaku dhuwala yuwalktja wal'ŋu Garray ḏukṯuk nhuŋu; ŋayi ḏukṯuk nhe yurru nhanŋuway yana märrama dhäruk yuwalkkuma wal'ŋu. 23 Ŋunhi nhe ŋuli yukurra ŋurru‐wininydhirri nhanŋu, ŋunhiyinydja mirithirrina yätjnha, rrambaŋikumana ŋunhinhana ŋunhi nhe ŋuli yukurra marrŋgitjthu djäma. Ga ŋunhi nhepi ŋuli buku‐wanaŋ'thun ga buŋgawa ḻakaranhamirri be, ŋunhiyinydjayi ga wirrkina yätj, bitjanna liŋguna yanana bitjan ŋuli nhe yukurra buku‐ŋal'yun ŋuriki goŋbuywu waŋarrwu. Nhe ŋurrkaŋala Garraywunydja dhäruk, ga ŋayinydja bitjarrayi yana liŋgu nhunanydja ŋurrkaŋala, yakana nhe yurru weyindja buŋgawa yukurra nhina ŋuruku Godkalaŋuwunydja malawu.”
24 Ga Djolnydja waŋana buku‐ruŋiyinmaraŋala bitjarra, “Yuwalknha yana ŋarra yätjthinanydja. Ŋarra yaka malthurruna Garraywu dhärukku. Beyaṉiyina ŋarra ŋunhi ŋarrakalaŋuwu ḏarramuwurruŋgu, bala ŋarra djämana walalaŋgala ḏukṯukkurru. 25 Bäy‐ḻakaraŋa ŋarraku. Gul' ŋali marrtji bala Gilkallilina, bala buku‐ŋal'yun Garraywuna.”
26 Ga Djamiyulnydja buku‐ruŋiyinmaraŋala waŋana, “Ŋarranydja yurru yakana marrtji nhipala malthun. Nhe ŋurrkaŋala Garraynha, ga ŋayinydja nhunanydja ŋurrkaŋalayi.”
27 Bala ŋayi Djamiyul ŋanydjaḻa'yurruna marrtjinyarawuna, bala ŋayinydja marrtjina Djolyunydja mulkana nhanbala girri' warray baṯ bitjarra, bala ŋayi marrtjina barr'yurrunana. 28 Ga Djamiyulnydja ŋanydjaḻa'yurruna, ga waŋana Djolwala bitjarra, “Bitjarrayi yana liŋgu Garrayyu barr'maraŋala burrwarrpunuŋala nhanŋuway ŋayi yolŋu'‐yulŋunha nhokala goŋŋurunydja. Ŋayi yurru wekama walalanha wiripuŋuwalana ḏarramuwala goŋlili, märr ŋayina yurru walalaŋgu dharray ŋamathamana wal'ŋu. 29 Garraynydja yukurra dhuwala waŋa ŋuli yuwalkkuma yana, yakana ŋayi ŋuli bothirrinydja waŋa. Yaka dhuwala ŋayinydja balanyara bitjan yolŋu; yaka ŋayi ŋuli djambi nhanŋuway ŋayi ḻiya. Ŋayinydja ŋuli djämana‐wala yana nhaltjan ŋayi ŋuli waŋa, yakana ŋayi ŋuli ŋula djambinydja.”
30 Ga Djolnydja buku‐ruŋiyinmaraŋala waŋana bitjarra, “Yuwalknha yanana ŋarra ŋayaŋu‐yätjkuŋalanydja, yurru ŋunha yolŋu'‐yulŋuyu Yitjuralpuyŋuyunydja nhämana yukurra ya'. Buku‐djulŋi, malthurrana ŋarraku, bala ŋali yurru buku‐ŋal'yun Garraywuna.” 31 Bala yana Djamiyulnydja malthurrunana nhanbala Djolwa bala Gilkallilina, ga ŋunhalana ŋayi Djol buku‐ŋal'yurrunanydja yukurrana Garraywu.
32 Ga Djamiyulnydja waŋana bitjarra, “Go gäŋa lili be Yamalikpuyŋunha buŋgawanha ya' ŋarrakala, be nhuma walŋakuŋala ŋanya.” Bala walalanydja ŋanya gäŋalana lili ŋunhiyi giŋnhanydja Djamiyulwalana, ga ŋayinydja ŋunhi buŋgawanydja wirrkina beyaṉiyina. 33 Bala ŋayi Djamiyulnydja waŋanana ŋurikalayi giŋgala bitjarrana, “Nhokalay mandjawakthu nhe yukurrana bumara yolŋunha walalanha guḻku'nha, ga nhe djaw'‐djawyurruna bumara yumurrku'nha walalaŋgiyingala ŋäṉḏi'mirriŋuwala goŋŋuru, ga dhuwalanydja yurru nhepina rakunydhirri.” Bala ŋayi bumarana ŋanya rakunyguŋalana.
34-35 Bala ŋayi Djamiyulnydja marrtjina roŋiyinana nhanukiyingala wäŋalilina, ga yakana ŋayi biyapulnydja nhäŋala Djolnha, yurru bitjarrana liŋguna ŋayi yukurrana galŋa‐yätjthinana nhanŋu Djolwu yulŋunydja. Ga Garraynydja wirrkina wuyurruna ŋunhi ŋayi nherrara Djolnha buŋgawakuŋala Yitjuralpuyŋuwu.
<- DJAMIYULWALAŊUWUY DHÄWU 14DJAMIYULWALAŊUWUY DHÄWU 16 ->