136
Eedon Yexxida Galata Mazamure
1 GODAA galatite! Izi kiya;
iza siiqoy mernaassa.[a]
2 Xoossata Xoossa galatite!
iza siiqoy mernaassa.
3 GODAA galatite!
iza siiqoy mernaassa.
4 Izi xalla gita malalisiza
miish ooththees;
iza siiqoy mernaassa.
5 Ba hiillateththan
salota medhdhides;
iza siiqoy mernaassa.[b]
6 Biittaa haaththa bollan miccides;
iza siiqoy mernaassa.[c]
7 Gita poo7ota medhdhides;
iza siiqoy mernaassa.
8 Arshey gallas
poo7ana mala ooththides;
iza siiqoy mernaassa.
9 Aginaynne xoolintteti
omars poo7isana mala
ooththides;
iza siiqoy mernaassa.[d]
10 Izi Gibxe biittan
bayrata wodhides;
iza siiqoy mernaassa.[e]
11 Isra7eele asaa Gibxeppe
kaaleththi kessides;
iza siiqoy mernaassa.[f]
12 Ba mino kusheninne
ba wolqqama qesen
hayssa ooththides;
iza siiqoy mernaassa.
13 Zo7o abba shaakki yeggides;
iza siiqoy mernaassa.
14 Isra7eele asaa
he abba giddora pinththides;
iza siiqoy mernaassa.
15 Gibxe kawonne iza olanchchata
Zo7o abban mitissides;
iza siiqoy mernaassa.[g]
16 Izi ba asaa bazzora kaaleththides;
iza siiqoy mernaassa.
17 Gita kawota shocides;
iza siiqoy mernaassa.
18 Wolqqama kawota wodhides;
iza siiqoy mernaassa.
19 Amooreta kawoza
Sihoone wodhides;
iza siiqoy mernaassa.[h]
20 Qasse Baasaane kawoza
Aage wodhides;
iza siiqoy mernaassa.[i]
21 Histtidi istta biitta
ba asaa laatissides;
iza siiqoy mernaassa.
22 Ba aylle Isra7eele laatissides;
iza siiqoy mernaassa.
23 Nuni kawuyida wode
izi nuna qoppides;
iza siiqoy mernaassa.
24 Nuna nu morkketappe ashshides;
iza siiqoy mernaassa.
25 Medheta ubbaas mizaaz immees;
iza siiqoy mernaassa.
26 Salo Xoossa galatite!