101
Dawite Mazamure
1 Tani ne siiqo gishshassinne
tuma pirda gishshas yexxana;
abeet GODAWU!
Tani nees galata mazamure yexxana.
2 Tani suure oge kaallana;
neni taakko awude yaanee?
Tani ta keeththan
suureteththan daana.
3 Tani ta ayfera
iita miish xeellike;
Xoossafe kare kezida asata
ooso ixxays;
tani isttara mulekka zuppetikke.
4 Wozina geellati taappe haakketto;
iitateththara taas
gaytoteththi deenna.
5 Geeman ba lagge zigirzayssa
tani sirphi ooththana;
otorettizayssinne ceeqettiza as
tani co7u ga aggike.
6 Istti tanara daana mala
biitta bolla de7iza
ammanettizayta
tani lo7o ayfen xeellays.
Suureteththan hemettiza asi
taas haggazana.
7 Cimo ooththizay oonikka
ta keeththan deenna;
wordo haasayzay
ta sinththan eqqenna.
8 Biittan de7iza iita as ubbaa
tani hach hach dhayssana;
iita ooththizayta ubbaa
tani GODAA katamappe