saloppe garsa baggara

oosettizayssas

ubbaas wodey dees.

wodey dees;

hayqqanaaskka wodey dees.

tokkanaas wodey dees;

shoddanaaskka wodey dees.

ashshanaaskka wodey dees.

laallanaas wodey dees;

gimbanaaskka wodey dees.

miiccanaaskka wodey dees.

kayottanaas wodey dees;

qasse ufayettishe guppanaaskka wodey dees.

shuch shiishshanaaskka wodey dees.

Idimettanaas wodey dees;

shaakettanaaskka wodey dees.

agganaaskka wodey dees.

Shiishshi oykkanaas wodey dees;

kessi olanaaska wodey dees.

sikkanaaska wodey dees.

Co7u gaanaas wodey dees;

haasayanaaskka wodey dees.

ixxanaaskka wodey dees.

Olas wodey dees;

saron daanaaskka wodey dees.

9 Histtiin oosanchchay ba dafetti daaburdayssafe ay wodhe demmanee? 10 Tani qasse asaa nayti daaburdi ooththana mala Xoossi immida toohoy keehi deexo gididayssa be7adis. 11 Ubbaa miish iza woden woden lo7eththidi ooththides. Xoossi asaa wozinan mernateth woththides; gidikkoka Xoossi ooththidayssa ubbaa koyroppe wurseth gakkanaas asi ubbaa eranaas dandayenna. 12 Hessa gishshas asi ba de7o layththan lo7o ooso ooththizayssafenne ufayssizaaz ooththizaazappe aadhdhiza hara miishshi bayndayssa tani eradis. 13 Qasse asas izas iza daaburaas waaga gidizay miidinne uyidi bana ufayssizayssa; hessika izas Xoossafe imettida imota.

14 Xoossay ooththidayssi ubbay mernaas de7anayssa ta erays; izi ooththidayssa bolla gujjanaas woykko izappe guuththanaas dandayettenna. Xoossi hessa ooththiday asay iza bonchchana malassa.

hayssafe kasekka dizayssa;

sinththafe hananayssi

benikka dizayssa;

Xoossi kase aadhdhidayssa

zaari koyees.

hara miish be7adis;

pirda sohon

makkallateththi dees;

suure pirda sohon geney dees.

«Ubbaa yo7ossinne oosos

wodey diza gishshas

Xoossi xillozanne wordanchchaza

pirdas shiishshana»

gaada qoppadis.

18 Qasse tani ta wozinan, «Asi mehe mala gididayssa istti erana mala Xoossi paaccees. 19 Asa qaadaykka meheyssa mala; nam7aa qaadaykka issino; issoy hayqqiza mala hankkoyssika hayqqees; nam7aaska issi qommo peenoy dees; hessa gishshas izi meheppe dummatenna; hessika hada. 20 Nam7ayka issi soho beettes; nam7ayka biittafe medhettida gishshas biittan simmeettes. 21 Histtiin asaa shemppoy pude salo kezizayssa, meheta shemppoyka duge biittan gelizayssa oonee erizay?» gaada qoppadis.

22 Hessa gishshas asi ba ooththida ooson ufayssafe hara aadhdhiza miishshi bayndayssa ta be7adis; hessika asas imettida qaada; izi hayqqidaappe guye oosettida oosota iza zaari ehidi bessanay oonee?

<- Eranchchata Maxaafa 2Eranchchata Maxaafa 4 ->