1Taarike Maxaafa 9

Di7eteththafe Simmida Isra7eele Asaa

1 Isra7eele asay ubbay ba yeleta zarkken zarkken xaafettides; ha taarikey Isra7eele Kawota Maxaafan xaafetti uttides.

Yuhuda asay ba nagara gaason Baabiloone biitta di7etti bides. 2 Di7etti bidasoppe Koyro simmidi bantta biittan uttidayti qeeseta, Leweta, Xoossa Keeththan wolqqa ooso ooththizaytanne Isra7eele asaappe guuththata.

3 Yuhuda zaretappe, Biniyaame zaretappe, Efreeme zaretappenne Minaase zaretappe guuththati Yerusalaamen de7ida.

Yuhuda Nayta Zarkke

4 Yuhuda naa Paareese zarkkefe Uutayey Yerusalaamen uttidaytas halaqa; Uutayey Amihuude naa; Amihuudey Imire naa; Imirey Baane naa.

5 Yuhuda naa Seelo zaretappe Asaayaynne iza nayti Yerusalaamen dizaytas halaqata.

6 Yuhuda naa Zaraahe zaretappe Yi7i7eeley Yerusalaamen dizaytas halaqa.

Yuhuda zareti qoodiin mulera 690.

Biniyaame Nayta Zarkke

7 Yerusalaamen de7ida Biniyaame zarkke halaqati hayssafe kaalli xaafettida;

Halaqa Saaluy Mashulaame naa;

halaqa Mashulaamey

Hoddaye naa;

halaqa Hoddayey Hasanu7e naa.

8 Halaqa Yibenayey Yirohaame naa.

Halaqa Eelay Uuze naa;

Uuzi Mikire naa.

Halaqa Mashulaamey

Shafaaxiya naa;

Shafaaxiya Era7u7eele naa;

Era7u7eeley Yibinaye naa.

9 Biniyaame zareta qooday mulera 956; heyti ubbay ba keeththa asatas halaqata.

Yerusalaamen De7ida Qeeseta

10 Yerusalaamen de7ida qeeseti hayssafe kaallidi xaafettidayta;

istti Yaddaya, Yoharibe, Yaakinenne

11 Xoossa Keeththan

halaqatida Azaariyaasa;

Azaariyaasi Kilqiyaasa naa;

Kilqiyaasi Mashulaame naa;

Mashulaamey Saadooqe naa;

Saadooqey Marayoote naa;

Marayootey Ahixuube naa.

12 Harati qasse Yirohaame naa Adayanne Adi7eele naa Ma7isaya; Yirohaamey Pashkure naa;

Pashkurey Malkiya naa.

Adi7eeley Yahizeere naa;

Yahizeerey Mashulaame naa;

Mashulaamey Mashilemite naa;

Mashilemitey Imere naa.

13 Banttaso asatas halaqatida qeeseti 1,760; hayti Xoossa Keeththan oosettiza oosos gakkida asata.

Yerusalaamen De7ida Leweta

14 Yerusalaamen de7ida Leweti hayssafe kaalli xaafettidayta;

Hashube naa Shama7ey

Meraare zarkke;

Hashubey Azirqaame naa;

Azirqaamey Hashaabiya naa.

15 Baqibaqire, Hereeshe, Galaalenne Maataaniya; Maataaniyay Mikka naa; Mikiyaasi Zikire naa; Zikirey Aasaafe naa.

16 Harati qasse Naxoofeta mooththatan uttida Abdiyunne Barakaye. Abdiyuy Shama7e naa;

Shama7ey Galaale naa;

Galaaley Edotaane naa.

Barakayey Aasa naa;

Aasi Hilqaana naa.

Xoossa Keeththa Penge Naagiza Zabeta

17 Xoossa Keeththa Penge naagiza zabeti Shaloome, Aqube, Xalmoone, Ahimaanenne istta dabbota; Shaloomey isttas halaqa. 18 Ha zereththati arshey mokkiza baggara diza kawo Penge geetettizasoza naageettes; hayssafe kase istti Leweti dunkaani uttidaso gelththiza penge naageettes.

19 Shaalumey Abiyaasaafe naaza Qoore naa; izi Qoraaha zarkke asa. Qoore zereththati kase Godaa Xoossa Dunkaane naagida mala Shaloomeynne Qoraaha zarkke gidida iza dabboti Xoossa Keeththa naageettes.

20 El7ezeere naa Finihaasi beni wode Qoraaha zarkketa halaqa; GODAY izara dees.

21 Qasseka Mashelemiya naa Zakaraasi Dunkaane penge naagees.

22 Pengaa naaganaas doorettidayti mulera 212; haytanti bantta kataman kataman qoodettidi xaafettida; istta zaretas ha aawateththaa immiday kawo Dawitenne nabe Sameela. 23 Hessa gishshas isttinne istta nayti Xoossa Keeththa dunkaane pengeza naageettes. 24 Zabeti arshey wulliza baggara, mokkiza baggara, pudeha baggaranne dugeha baggara eqqidi naageettes. 25 He katamatan diza istta dabboti laappunththa gallas laametti laametti naagishe istta maaddanaas bessees.

26 Penge naagiza zabeta halaqatappe oyddu Leweti Xoossa Keeththaa, iza giddon diza kifiletanne minjja keeththa aawateththan naageettes. 27 Xoossa Keeththa naagizaynne qasse maalado maalado kare doyzayti istta gidida gishshas heen aqeettes.

28 Isttafe guuththati Xoossa Keeththa oosos go7ettiza miishshata aawateththan naageettes; he miishshata kare kessiza wodenne soo gelththiza wode istti qoodeettes. 29 Qasse isttafe issoti issoti Xoossa Keeththa giddon go7ettiza hara miishshata, liiqo dhiilleza, woyne ushshaza, zayteza, exaanezanne sawota aawateththan naageettes. 30 Gido attiin qeeseta naytappe issoti issoti sawoza geeddari geeddari walakkeettes.

31 Qoore zarkkefe Shaloomes bayra naa Lewe Matitiyas yarsho uketh uukkanaas aawateththi dees. 32 Qa7aate zarkke gidida istta dabbotappe guuththatas Sambatan Sambatan xaraphpheeza bolla woththiza yarsho giigsana aawateththi dees.

33 Lewe zaretappe amarda halaqati Xoossa Keeththan yexxizayta; istti omarsinne gallas ooththiza gishshas hara ooso oosettenna; istti Xoossa Keeththa gibbe giddon diza keeththatan de7eettes.

34 Hayti ubbay Lewe qommotas halaqati bantta zarkken zarkken xaafettidi Yerusalaamen deettes.

Kawo Sa7oole Yeleta

(1Taari 8:29-38)

35 Geba7oone aawa Yi7i7eeley Geba7oone kataman de7ides; iza keeththa aayey sunththi Ma7ikko. 36 Izas bayra naazi Abdoone; iza kaaloti Xuure, Qiise, Ba7aale, Neere, Nadaabe, 37 Gadoore, Ahiyo, Zakaraasanne Miqiloote. 38 Miqilootey Shime7e yelides; isttika bantta dabbota matan Yerusalaamen de7ida.

39 Neerey Qiise yelides;

Qiisey Sa7oole yelides.

Saa7ooley Yoonataane, Malkeshu7a, Abinadaabenne

Eshiba7aale yelides;

40 Yoonataane nay Mariiba-Ba7aale;[a]

Mariiba7aaley Mikiyaasa yelides.

41 Mikiyaasa nayti Pitoone, Meleeke, Tere7anne Akaaze. 42 Akaazey Ya7ire yelides;

Ya7irey Alemeete, Azimootenne Zimire yelides;

Zimirey Mooza yelides;

43 Moozay Bini7e yelides;

Bini7ey Erafaya yelides;

Erafayay El7aasa yelides;

El7aasi Azeele yelides.

44 Azeeles usuppun attuma nayti deettes; heytikka Azirqaame, Bookere, Isma7eele, Sha7aariya, Abdiyunne Hanaane; hayti ubbay Azeele nayta.

<- 1Taarike Maxaafa 8 1Taarike Maxaafa 10 ->