56
ፊሊስጼሜ ኣሳይ ጌቴ ካታማን ዳዊቴ ኦይኪዳ ዎዴ ዳዊቲ ዛማሬታ ካቦስ ዬጺዳ ዬꬃ፤ «ሃሆሶን ዲዛ ዎላ ቦላ ኡቲዳ ሃራጴዮ» ጌቴቲዛ ዲꬃ ጊጊሶን ሺቂዳ ዎሳ
1 ኣቤት ጾሳዉ!
ኣሳይ ታና ኡንኤꬄስ፤
ታ ሞርኬቲ ታና
ኡባ ዎዴ ዬዴꬄቴስ፤
ሄሳ ጊሻስ ኔ ታስ ቃꬌታ።
2 ታ ሞርኬቲ ኡባ ጋላስ
ታና ዬዴꬄቴስ፤
ዳሮቲ ኦቶሬቴꬃን ታና ኦሌቴስ።
3 ታና ባቢሲዛ ዎዴ
ታ ኔናን ኣማኔታይስ።
4 ታኒ ጾሳን
ኣማኔቲዛ ጊሻስ ባቢኬ፤
ኢዚ ኢሚዳ
ሂዶታ ቃላ
ጊሻሲካ
ኢዛ ጋላታይስ፤
ታ ጾሳን ኣማኔታይስ፤
ኣሲ ታና ኣይ ኦꬃኔ?
5 ኡባ ጋላስ ታ ሞርኬቲ
ታፔ ሞሮ ዴማናስ
ዎጼቴስ፤
ኢስቲ ኡባ ዎዴ
ታና ቆሃናስ ዞሬቴቴስ።
6 ሺቂዲ ታ ቦላ ማቄቴቴስ፤
ዛማዲ ኡቲዲ ታና ካሌቴቴሲኔ
ታ ጌዶን ኤቄቴቴስ፤
ታና ዎꬋናስካ ኮዬቴስ።
7 ጾሶ! ኢስታ ኢታቴꬃ ጊሻስ
ኢስታ ዬዶፋ፤
ሄ ካዎቴꬃታ
ኔ ሃንቆን ካዉሻ።
8 ኔኒ ታ ዬሆ ቤያዳሳ፤
ታ ኣፉንꬃ ማካዳሳ፤
ኡባቲካ ኔ ማዝጋባን
ጻፌቲዳ።
9 ታኒ ኔና ጼይጊዛ ዎዴ
ታ ሞርኬቲ ጉዬ ሲሜቴስ፤
ጾሲ ታናራ ዲዛይሳ
ታኒ ሄሳን ኤራይስ።
10 ታ ኢዛ ቃላ ጋላቲዛ ጾሳን፥
ታ ኢዛ ቃላ ሳቢዛ ጎዳን፥
11 ታኒ ሄ ጾሳን
ኣማኔቲዛ ጊሻስ ባቢኬ፤
ኣሲ ታና ኣይ ኦꬃኔ?
12 ኣቤት ጾሳዉ!
ታኒ ኔስ ኣዲና ኣዲኔታዲስ፤
ታ ኣዲኔቶይሳ ጋላታ ያርሾ
ኔስ ጋꬃና።[a]
13 ኔኒ ታ ሼምፖዮ ሃይቆፔ
ታ ቶሆታ ꬉጴፔ ኣሻዳሳ።
ሄሳ ጊሻስ ኢዚ
ሼምፖራ ፓጻ ዲዛይታስ
ፖኢሲዛ ፖኦን
ጾሳ ሲንꬃን