29
ዳዊቴ ማዛሙሬ
1 ኢንቴኖ ሳሎን ዲዛ ሜꬌታቶ!
«ቦንቾይኔ ዎልቃይ
ጎዳሳ» ጊዲ ዮቲቴ።
2 ጎዳ ቦንቾ
ሱንꬃ ጋላቲቴ፤
ኢዛ ጌሻቴꬃ ቴማስ
ጎዳ ጎይኒቴ። [a]
3 ጎዳ ጬንጉርሳይ
ሃꬃታ ቦላን ሲዬቴስ።
ቦንቾ ጾሳይ
ዳዳ ማላ ጉሜስ፤
ጎዳይ ጊታ ሃꬃታ ቦላን
ጉሜስ።
4 ጎዳ ጬንጉርሳይ ዎልቃማ፤
ጎዳ ጉንꬃይ፥
«ኔስ ሆላ!» ጊሲዛዛ።
5 ጎዳ ጬንጉርሳይ
ዚጋ ሚꬃ ሜንꬄሬꬄስ፤
ሊባኖሴ ዚጋታካ
ጎዳይ ሜንꬄሬꬄስ።
6 ሊባኖሴ ዙማ
ጋሎ ማራ ማላ ቡራቂሴስ፤
ሲሪዮኔ ዙማካ
ሜንꬃ ማላ ጺኪሴስ። [b]
7 ጎዳ ጬንጉርሳይ
ዎልቃንꬅ ፖፖልኡ ጌስ።
8 ጎዳ ጬንጉርሳይ
ባዞ ቃꬄስ፤
ጎዳይ ቃዴሴ ባዞ ቃꬄስ።
9 ጎዳ ጬንጉርሳይ
ዎላታ ቃꬄስ፤
ሚꬃ ሃይꬂካ ቆቆፌስ።
ኢዛ ኬꬃን ዴኢዛይቲ፥
«ቦንቾይ
ጎዳስ ጊዶ» ጌቴስ።
10 ጎዳይ ዲኦ ሃꬃ ቦላ
ባ ኣራታ ዎꬂዲ ኡቲዴስ፤
ጎዳይ ባ ካዎቴꬃ
ኣልጋን ኡቲዲ
ሜርናስ ሃሬስ።
11 ጎዳይ ባ ዴራስ ዎልቃ ኢሜስ።