ዬꬃ ማጻፋ 11

11

ዳዊቲ ዛማሬታ ካቦስ ዬጺዳ ማዛሙሬ

1 ጎዳይ ታኒ ባቃታ ኣቲዛሶ፤

ሂስቲን ኢንቴ ታና ኣይስ፥

«ኔኒ ካፎ ማላ

ፑዴ ዙማ ቦላ ባቃታ» ጌቲ?

2 ናጋራንቻቲ ዎዚና ጌሻታ

ꬉማን ጫዳናስ

ባንታ ዎንዳፌ

ዳፊ ኦይኪዳ።

3 ዮቻ ሹቺ [a] ዎዲዛ ዎዴ፥

ጺሎይ ኣይ ኦꬃናዉ

ዳንዳይዜ?

4 ጎዳይ ባ ጌሻ

ኬꬃን ዴስ፤

ሳሎን ባ ኣራታን ኡቲዲ

ኣሳ ቤኤስ፤

ኢዛ ኣይፌቲ

ኣሳ ፒልጊ ጼሌቴስ።

5 ጎዳይ ጺሎታኔ

ናጋራንቻታ ፒልጊ ጼሌስ።

ጊዶ ኣቲን ጌላቴꬂኔ

ማካላቴꬅ ሲቂዛይታ

ኢዚ ኬሂፔ ኢጼስ።

6 ጎዳይ ኢታታ ቦላ

ኤጺዛ ታማ ቦንቆኔ

ዲኔ ታማ ቡኪሳና።

ꬋይሲዛ ጎቴ ጫርኮን

ኢስታ ቃጻያና።

7 ጎዳይ ጺሎ ጊዲዳ ጊሻስ

ጺሎቴꬃ ኦሶ ዶሴስ።

ሱሬ ኣሳቲ ኢዛ ሲንꬅ ቤያና።

<- ዬꬃ ማጻፋ 10 ዬꬃ ማጻፋ 12 ->

a ዮቻ ሹች፡ ዮቻ ሹች ጊዛይሳ ኢሲ ኢሲ ባጋ ጋሞꬆ ቃላን ማጋላ ሹች፥ ሃራቲ ቃሴ ባሳ ጊሺን ሄሲካ ኣማራꬆ ቃላራ ማሳራቴ ጌቴቴስ።