14 ኣይሁዳታ ዎሳ ኬꬃ ሃላቃዚካ ሳምባታ ጋላስ ፓꬂዳይሳስ ዬሱሳ ቦላ ሃንቄቲዲ ኢዛኮ ዪዛ ዴሬዛ፥ «ኦሶስ ቤሲዛ ኡሱፑን ጋላሳቲ ዲዛ ጊሻስ ሄ ኦሶ ጋላሳታን ዪዲ ፓጺቴ ኣቲን ሳምባታ ጋላስ ዮፒቴ» ጊዴስ። [a]
15 ጎዳይካ ዛሪዲ፥ «ኢንቴኖ ቆꬌፔ ቆሞን ሃሳይዛይቶ! ኢንቴ ጊዶፌ ኢሳዴይ ባ ቦራ ዎይኮ ባ ሃሬ ሳምባታ ጋላስ ባሶን ቃሼቲዳሶፔ ቢርሺዲ ሃꬄ ኡሻናስ ኤፊ ኤሬኔ? 16 ሂስቲን ሃና ማጫሳያ ኣብራሃሜ ና ጊዳዳ ታማኔ ኦስፑን ላይꬅ ኩሜꬅ ጻላኤይ ቃቺን ዲዛሶፔ ሳምባታ ጋላስ ቢርሼታናስ ኢዚስ ቤሴኔ?» ጊዴስ። 17 ዬሱሲ ሂዝጊ ኦይቺዳ ዎዴ ኢዛራ ኤቄቲዛይቲ ዉሪካ ዬላቲዳ፤ ጊዶ ኣቲን ዴሬይ ዉሪካ ኢዚ ኦይቺዳ ማላሊሲዛ ኦይሻን ኡፋዬቲዴስ።
18 ቃሴካ ዬሱሲ ዛሪዲ፥ «ጾሳ ካዎቴꬂ ኣይ ሚሳቲዜ? ታ ኢዞ ኣዛራ ሌሚሶ? 19 ኢሲ ኣሲ ሳናፊጬ ጌቴቲዛ ሚꬃ ኣይፌ ባ ጋዴን ቶኪን ሞካ ዲጫዳ ጊታ ጊዲን ካፎቲ ኢዚ ሃጋ [b] ጊዶን ዱሳሶ ጊጊሳና ጋካናስ ዲጪዳ ሳናፊጬ ሚꬅ ሚሳታዉስ» ጊዴስ።
20 ቃሴካ፥ «ጾሳ ካዎቴꬅ ኣዛራ ሌሚሶ? 21 ኢሲ ማጫሲ ሙኑቃ ጫሊሳናስ ዳሮ ꬊሌራ ዋላኪዳ ጉꬃ ኢርሾ ሚሳታዉስ» ጊዴስ።
22 ሄሳፌ ጉዬ ዬሱሲ ዬሩሳላሜ ቢሼ ካንꬂ ቢዛ ካታማኒኔ ጉታታን ኣሳ ታማርሲሼ ኣꬊሺን፥ 23-24 ኢሳዴይ ኢዛኮ ሺቂዲ፥ «ጎዶ! ፒርዳፌ ጉꬃ ኣሳቲ ጻላ ኣታኔ?» ጊ ኦይቺዴስ። ኢዚካ ዛሪዲ፥ «ጹንꬃ ፔንጌይራ ጌላናስ ባጼቲቴ፤ ዳሮቲ ጌላናስ ኮዬቴስ ሺን ኢስታስ ሃኔና። 25 ኬꬃ ጎዳይ ዴንዲዲ ባ ካሬ ጎርዲ ጊዲን ኢንቴ ካሬን ኤቂዲ፥ ‹ጎዶ! ካሬ ዶያርኪ!› ጊዲ ፔንጌ ቆጻና ሺን ኢዚ ዛሪዲ፥ ‹ኢንቴ ኦናኮኔ ኣዋፔ ዪዳኮ ታ ኢንቴና ኤሪኬ› ጋና ጊዴስ።
26 «ኢንቴካ ኢዛስ ዛሪዲ፥ ‹ኑኒ ኔናራ ኢሲፌ ሚዶሲኔ ኢሲፌ ኡዪዶስ፤ ኑ ዱቡሻን ኔ ኑና ታማርሳዳሳ› ጋና።
27 «ኢዚካ ዛሪዲ፥ ‹ኢንቴና ኢንቴ ኦናኮኔ ኢንቴ ኣዋፔ ዪዳኮ ታ ኢንቴና ኤሪኬ፤ ኢንቴ ማካላቲ ዉሪካ ታፔ ሃኪቴ› ጋና ጊዴስ። [c]
28 «ኢንቴ ኣብራሃሜ፥ ዪሳቃ፥ ያቆቤኔ ናቤታ ኡባታ ጾሳ ካዎቴꬃን ቤኢዛ ዎዴ ኢንቴ ካሬን ዬጌቲ ኣቲኮ ሄ ዎዴ ኢንቴስ ዬሆኔ ኣቻ ጋርጬች ጊዳና። [d] 29 ኣሳይ ኣርሼይ ሞኪዛ ባጋፌኔ ዉሊዛ ባጋፌ ፑዴሃፔኔ ዱጌሃፔ ዪዲ ጾሳ ካዎቴꬃ ማዳን ኡታና። 30 ሄኮ ጉዬን ዲዛይታፔ ባጋይቲ ሲንꬄ ኣꬋና፥ ሲንꬃን ዲዛይታፔ ባጋይቲ ጉዬ ኣꬋናይቲ ዴቴስ» ጊዴስ። [e]
32 ዬሱሲ ኢስታስ፥ «ታኒ ቡሮ፥ ‹ሃቺኔ ዎንቶ ዳይዳንꬃታ ኣሳፔ ኬሳና፤ ሃርጊዛይታካ ፓꬃና፤ ሄꬓንꬆ ጋላስ ታ ቆፋሶ ታ ጋꬃና› ጊዴስ ጊዲ ሄ ዎራካናስ ዮቲቴ። 33 ጊዶ ኣቲን ናቤይ ዬሩሳላሜፔ ሃራሶን ሃይቃናስ ቤሶንታ ጊሻስ ሃቺኔ ዎንቶ ዎንቶፔይንካ ታ ሲንꬄ ቡስ ጉጃና።
34 «ሃኔ ዬሩሳላሜ ናቤታ ዎꬊዛሬ! ኔኮ ኪቴቲዳይታ ሹቻራ ጫዲዛሬ! ኩቶይ ባ ጪዬታ ባ ቄፌ ጋርስ ሺሺዛ ማላ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኣካይ ጋዳሳ። 35 ሄኮ ኢንቴ ኬꬃይ ካይዚዴስ፤ ታ ኢንቴስ ዮታይስ፥ ‹ጎዳ ሱንꬃን ዪዛዴይ ኣንጄቲዴስ› ኢንቴ ጋና ዎዴይ ጋካናሼ ናምኣንꬆ ታና ቤዬኬታ» ጊዴስ። [f]
<- ሉቃሳ ሚሺራቾ 12ሉቃሳ ሚሺራቾ 14 ->