6
ዎዚናፔ ጊዶንታ ማሮቴꬅ
1 ዴሬዚ፥ «ሃ ዪቴ፥
ኣኔ ጎዳኮ ሲሞስ!
ኢዚ ኑና ሜንꬂዳ ማላ
ኢዚካ ኑና ዛሪዲ ኮላና፤
ኢዚ ኑና ማዱንꬂዳ ማላ
ዛሪዲካ ኢዚ ኑ ማዱንꬃ
ፓꬃና።
2 ናምኡ ጋላሳታፔ ጉዬ
ኢዚ ኑና ቤጎꬃና፤
ሄꬓንꬆ ጋላስ
ኢዚ ኑና ዴንꬃና፤
ኑኒካ ኢዛ ሲንꬃን
ፓጻ ዳና።
3 ኣኔ ኑኒ ጎዳ ኤሮስ!
ኑ ኢዛ ሎኤꬂ ኤራናስ
ኣኔ ሚኔቶስ!
ኢዚ ዎንታ ፖኦ ማላ
ኑስ ቆንጫና፤
ቢታ ካልሲዛ ኣሱራ ኢራ ማላኔ
ባልጎ ኢራ ማላ
ኢዚ ኑኮ ያና» ጌስ።
4 ጎዳይ፥ «ኤፍሬሜ ኣሳቶ!
ዩሁዳ ኣሳቶ!
ታ ኢንቴና ዎስቲኮ ሎኦ?
ኢንቴ ታና ሲቂዛ ሲቆይ
ማላዶ ሻራ ማላኔ
ማላዶ ጻዛ ማላ
ጮ ቲምኢ ጊ ኤሶን ꬋዬስ።
5 ሄሳ ጊሻስ
ታኒ ታ ናቤታ ባጋራ
ኢንቴና ቃንጼሬꬃዲስ፤
ታ ዶናፔ ኬኢዛ ቃላን
ታ ኢንቴና ዎꬋዲስ።
ታ ፒርዳይካ ኢንቴ ቦላ
ዎልቃንꬃ ማላ ፖኢዴስ።
6 ታኒ ያርሾፌ ኣꬃዳ ማሮቴꬅ ዶሳይስ።
ጹጌቲዛ ያርሾፌ ኣꬃዳ
ጾስ ኤሮ ዶሳይስ። [a]
7 ኢስቲ ቃሴ ካሴ ኣዳሜ
ጌቴቲዛሶን
ታናራ ጌሊዳ
ጫቆ ቃላ ላሊዳ፤
ሄንካ ኢስቲ ታናን
ኣማኔቲቤቴና።
8 ጋላኣዴይ ሱꬃን ሞሬታዱስ፤
ኢታ ኣሳታ ዱሳሶ ጊዳዱስ።
9 ፓንጋቲ ኣሴ ዎꬋናስ
ዛማዲዛ ማላ
ቄሴቲካ ዙፔቲዲ ሄሳꬆ ኦꬄቴስ።
ጌዴ ሴኬሜ ኤፊዛ ኦጌ ቦላካ
ናጊ ናጊ ኣስ ዎꬌቴስ፤
ዬላቺዛ ኢታ ሚሽ
ኦꬄቴስ።[b]
10 ዲዢጊንꬂዛ ኢታ ሚሽ
ኢስራኤሌን ቤያዲስ፤
ኤፍሬሜይ ኤቃስ ጎይኖኒኔ
ላይማቴꬃን ቱኒዴስ።
11 «ኢንቴኖ ዩሁዳ ኣሳቶ!
ታ ኢንቴና ቃጻያና ጋላስ