1 ናምኡ ኣሳቲ ባ ጋርሳን ፓላሜቲዲ ፒርዳሶ ቢኮ ቆሄቲዳይሳ ኔ ጺሎ፤ ቆሂዳይሳ፥ «ኔ ዎርዶ» ጊዲ ፒርዲዛይቲ ፒርዴቶ። 2 ቆሂዳይሲ ጋራፌቲ ቃጻዬታናስ ቤሲዛ ጊዲኮ ፒርዲዛይቲ ኢዚ ዛቁሊዲ ጋራፌታና ማላ ኣዛዜቶ፤ ሄሳፌ ጉዬ ሞራንቻይ ፒርዲዛይታ ሲንꬃን ባ ሞሮ ኬና ጋራፌቶ። 3 ኢዚ ኦይዱ ታሙቶ ሾጬቶ ኣቲን ሄሳፌ ኣꬎ ሾጬታናስ ቤሴና፤ ሄሳፌ ቦላራ ጋራፌቲኮ ኔ ኢሻዚ ኔ ሲንꬃን ካዉያና። [a]
4 ካꬅ ቦራን ቡካሼ ቡኪዛ ቦራ ዶና ቃቾፋ። [b]
7 ጊዶ ኣቲን ኢዚ ባ ኢሻ ማቼዮ ኣይሳናስ ኮዮንታ ኣጊኮ ኢዛ ካታማ ፔንጌን ኡቲዳ ጪማታኮ ባዳ፥ «ታ ኣዚና ኢሻይ ባ ኢሻ ሱንꬂ ኢስራኤሌን ዴኣና ማላ ኮዪቤና፤ ታና ኤኪኬ ጊዲ ታስ ኮሺዛ ሚሽ ኩንꬆንታ ኢጺዴስ» ጋዳ ማጋኑ። 8 ሄሳፌ ጉዬ ሄ ካታማዮ ካሌꬂዛ ጪማቲ ኣዴዛ ባኮ ጼይጊዲ ኢዛ ኦይቼቶ። ኢዚ ሃኢካ ማጫሳዮ ኤኮንታ ኢጺኮ፥ 9 ሄ ሃይቂዳይሳ ማቼያ ሄ ካታማዮ ካሌꬂዛ ጪማታ ሲንꬂ ሺቃዳ ሄ ኣዴዛ ቶሆፔ ኢሲ ጫማ ሾዳዳ ኢዛ ኣይፌሶን ጩች ጩታዳ፥ «ባ ኢሻስ ዜሬꬂ ዴኣና ማላ ኮዮንታ ኣሳ ቦላ ሃይሳ ማላ ካዉሻቴꬂ ጋካናስ ቤሴስ» ጉ።
10 ሄ ኣዴዛ ዛሬይ ኢስራኤሌ ኣሳ ጊዶን፥ «ኢዛ ቶሆፔ ጫማይ ሾዴቲዳዴ ሶ ኣሳታ» ጌቴቲ ካዉሻን ጼይጌቲሼ ዴኣና። [d]
13 ኣስ ባሌꬃናስ ጊታኔ ጉꬅ ጊዲዳ ናምኡ ቆሞ ጌዳራ ሚሺ ኔ ማታን ዶፖ። 14 ኣስ ባሌꬃናስ ኣዱሴኔ ቃንꬅ ጊዲዳ ናምኡ ቆሞ ዋꬋ ሚሺ ኔ ሶን ዶፖ። 15 ጎዳ ኔ ጾሳይ ኔስ ኢማና ቢታይን ኔኒ ኣዱሳ ዎዴ ዴኣና ማላ ኣማንꬂዛኔ ሊኬ ጊዲዳ ጌዳራ ሚሺኔ ዋꬋ ሚሺ ኔስ ዶ። 16 ጌዳራ ሚሻኒኔ ዋꬋ ሚሻን ዎርዶራ ኣስ ባሌꬂዛ ኣሳታ ኡባ ጎዳ ኔ ጾሳይ ኢጼስ። [e]