1 ካዎ ሂዝቂያሲ ሄሳ ሲዪዲ ባ ማይኦ ዳኪዴስ፤ ማቃ ማይኢዲ ጾሳ ኬꬅ ጌሊዴስ። 2 ሄሳፌካ ካዎቴꬃ ኬꬃን ኣዛዚዛ ኤልያቄሜይ፥ ጻፌ ሼቢናይኔ ዋና ቄሴቲ ማቃ ማይኢዲ ኣሞጼ ና ናቤ ኢሳያሳኮ ባና ማላ ኡባ ኪቲ ዬዲዴስ። 3 ኢስቲካ ኢዛስ፥ «ሂዝቂያሲ፥ ‹ሃና ጋላሳያ ሜቶ፥ ሚሬኔ ካዉሻቴꬃ ጋላስ፤ ሃና ጋላሳያ ናይ ዬሌታናስ ኣያ ኬሃ ሚጻታሼ ዬላ ዬጋናስ ዎልቃ ꬋይዳ ጋላሳ። 4 ዴኦ ጾሳ ካዉሻናስ ባ ጎዳ ኣሶሬ ካዎይ ዬዲዳ ጋዳዋ ቃላ ኡባካ ጎዳ ኔ ጾሳይ ሲዪዳ ጊዳና፤ ኢዚ ሲዪዳ ቃላ ጊሻስ ጎዳ ኔ ጾሳይ ኢዛ ሃንቃና ማላ ኔኒ ሼምፖራ ፓጻ ዲዛ ኣሳስ ጾሳ ዎሳርኪ!› ጊዴስ» ጊዳ።
5 ካዎ ሂዝቂያሳ ሹሜቲ ኢሳያሳኮ ዪዳ ዎዴ፥ 6 ኢሳያሲ ኢስታስ፥ «ኢንቴ ኢንቴ ጎዳስ፥ ‹ጎዳይ ኔስ ኣሶሬ ካዎ ኦሳንቻቲ ታ ቦላ ጫሻ ቃላ ሃሳይዳይሳ ሲያዳ ባቦፋ፤ 7 ታኒ ኢዛ ቦላ ሄሳ ማላ ኣያና ዬዳና፤ ኢዚካ ዎሬ ሲዪዲ ጉዬ ባ ዴሬ ሲሚ ባና፤ ኢዚ ሄን ማሻን ሃይቃና ማላ ታ ኢዛ ኦꬃና› ጊ ዮቲቴ» ጊዴስ።
8 ኦላንቻታ ጋዳዋዚካ ኣሶሬ ካዎይ ላኪሼፔ ዴንዲ ቢዳይሳ ሲዪዲ ጉዬ ሲሚዴስ፤ ካዎዚ ሊቢናራ ኦሌቲሺን ዴሚዴስ።
9 ሄ ዎዴ ቶጵያ ዴሬ ዬሌታ ጊዲዳ ጊብጼ ካዎ ቲራቄይ ኢዛ ኦላናስ ዩሳ ቦላ ዲዛይሳ ሴናኪሬሜይ ሲዪዴስ፤ ሄሳ ጊሻስ ዛሬꬂዲ ሂዝቂያሳኮ ቃስታኔታ ቦላ ዳብዳቤ፥ 10 «ኢንቴ ቢዲ ዩሁዳ ካዎ ሂዝቂያሳስ፥ ‹ኔ ኢዛን ኣማኔቲዛ ጾሳይ ዬሩሳላሜይ ኣሶሬ ኩሼን ኩንዱኩ› ጊዲ ኔና ባሌꬆፎ። 11 ሃይሳፌ ካሴ ኣይዴካ ኣሶሬ ካዎቲ ዴሬ ኡባ ቦላ ኣይ ኦꬂዳኮ ኔ ሲያዳሳ፤ ኢዚ ኢስታ ሙሌራ ꬋይሲዴስ፤ ሂስቲን ኔኒ ኬሳ ኤካዳ ኣታናዝ ኔስ ሚሳቲዜ? 12 ካሴ ታ ኣዋቲ ꬋይሲዳ ካዎቴꬃታ ጎዛኔን፥ ካራኔን፥ ኤራፋሴን ሄሳꬆካ ታላሳሬን ዲዛ ኤዴኔ ኣሳታ ኢስታ ኤቃ ጾሳቲ ኢስታ ኣሺዶ? 13 ሃማቴ ካዎቲኔ ኣርፋዴ ካዎቲ ሃኢ ኣዋን ዲዞ? ሴፋርዋይሜ ካታማ ካዎዚ ኣዋን ዲዜ? ቃሴካ ሄና ካዎይኔ ኢዋ ካዎቲ ሃኢ ኣዋን ዲዞ?» ጊ ኪቲዴስ።
17 «ኣቤት ጎዳዉ፤ ኣሶሬ ካዎቲ ሃይታ ካዎቴꬃታኔ ኢስቲ ቢታ ቱሙካ ꬋይሲዳ፤ 18 ኢስታ ኤቃ ጾሳታካ ታማን ዬጊ ጹጊ ꬋይሲዳ፤ ኢስቲካ ኣሳ ኩሼን ሚꬃፌኔ ሹቻፌ ኦሴቲዳይታ ኣቲን ጾስ ጊዴቴና። 19 ሃኢካ ጎዳዉ ኑ ጾሳዉ! ኔኒ ጻላ ጾሳ ጊዲዳይሳ ሃ ቢታ ቦላ ዲዛ ካዎቴꬃቲ ኤራና ማላ ኢዛ ኩሼፔ ኑና ኣሻ» ጊ ዎሲዴስ።
20 ሄሳፌ ጉዬ ኣሞጼ ና ኢሳያሲ ካዎ ሂዝቂያሳስ ሃይሳፌ ካሊ ዲዛ ኪታ ዬዲዴስ። «ጎዳ ኢስራኤሌ ጾሳይ፥ ‹ኣሶሬ ካዎ ሴናኪሬሜ ቦላ ኔ ዎሲዳ ዎሳ ታኒ ሲያዲስ› ጊዴስ። 21 ሄሳ ጊሻስ ጎዳይ ኢዛ ቦላ ዮቲዳ ቃላይ ሃይሳ።
29 «ሂዝቂያሳ! ሄሳስ ማላታይ ሃይሳፌ ካሊዛይሳ፤
32 «ጎዳይ ኣሶሬ ካዎ ጊሻስ፥
35 ሄ ጋላሳ ኦማርስ ጎዳ ኪታንቻይ ኬዚዲ ኣሶሬ ኣሳይ ዱንካኒ ኡቲዳሶሆን 185,000 ኣስ ዎꬊዴስ፤ ዎንቴꬃ ጋላስ ኣሳይ ዴንዲሺን ሄራ ኡባን ኣሃይ ኩሚዴስ። 36 ኣሶሬ ካዎ ሴናኪሬሜይ ሄፔ ዴንዲ ቢዴስ፤ ጉዬ ናናዌ ሲሚ ቢዲ ሄን ኡቲዴስ።
37 ኢሲ ጋላስ ኒስራኬ ጌቴቲዛ ባ ኤቃ ጾሳ ኬꬅ ጌሊዲ ኢዚ ሄን ጎይኒሺን ኢዛ ናይቲ ኣዲራሜሌኬይኔ ሳርሳሬይ ኢዛ ማሻን ሲፊ ዎꬊዳ፤ ሄፔ ኬሲ ኤኪዲ ኣራራቴ ጋካናስ ባቃቲዳ፤ ኢዛ ና ኣሴራዶኔይ ኢዛሶሆን ካዎቲዴስ።
<- 2ካዎታ ማጻፋ 182ካዎታ ማጻፋ 20 ->- a ኬሳ 25፡22