1 ሄሳፌ ጉዬ ታ ኢዛራ ዋꬋ ዋꬋናስ ጉፌ ሚሳቲዛ ሾምቦቆይ ታስ ኢሜቲዴስ። ታስ ሂዝጌቲዴስ “ኔኒ ዴንዳዳ ፆሳ ኬꬃዛኔ ጊዶ ኪፊሌታ ዋꬋ! ሄን ጎይኒዛያታ ታይባ። *ሂዚ 40፡3፤ ዛካ 2፡1-2 2 ፆሳ ዎሳ ኬꬃፌ ካሬራ ጮ ዲዛሶዛ ኣጋጋ። ሄሲ ኣይዛቤታስ ኢሜቲዳሶ ጊዲዳ ጊሽ ኔ ኢዛ ዋꬎፋ። ኣይዛቤቲ ጌሻ ካታማዮ ኦይዱ ታማኔ ናምዑ ኣጊና ጋካናስ ዬꬊ ሃራና። *ሉቃ 21፡24 3 ታ ማርካ ናምዓቲ ካዮ ማይዖ ማይዒዲ ኢሲ ሺያኔ ናምዑ ፄታኔ ኡሱፑን ታሙ ጋላስ ጋካናስ ቲንቢቴ ዮታና ማላ ታ ኢስታስ ዎልቃ ኢማና።”

4 ሄይቲ ቢታ ጎዳ ሲንꬃን ኤቂዛ ናምዑ ዎጋራ ሚꬃቲኔ ኢስታ ቦላ ፆምፔ ዎꬂዛ ናምዑ ባላታ። *ዛካ 4፡3፥11-14 5 ኦኒካ ኢስታ ቆሃናስ ኮይኮ ኢስታ ዱናፔ ታማይ ኬዚዲ ኢስታ ሞርኬታ ፁጋና። ኢስታ ቆሃና ኮዪዛዴንቲ ዉሪ ሃይቃናይ ሄሳ ማላና። 6 ኢስቲ ቲንቢቴ ዮቲዛ ሄ ጋላሳታን ኢራይ ቡኮንታ ማላ ሳሎ ጎርዳናስ ማታይ ኢስታስ ዴስ። ሄሳꬆካ ሃꬃታ ሱꬃን ላማናስ ኮይኮካ ሃራ ኣይ ማላ ቦሻንካ ቢታ ሾጫናስ ዎልቃይ ኢስታስ ዴስ። *2ካዎ 17፡1፤ ኬሳ 7፡17-19፤ 1ሳሜ 4፡8

7 ኢስቲ ባ ማርካቴꬃ ዉርሲዳፔ ጉዬ ሂርኪ ጪማ ኦላፌ ኬዚዛ ዶዓይ ኢስታራ ኦሌቲዲ ኢስታ ፆናናኔ ዎꬋና። *ዳኔ 7፡7፥21፤ ኣጁ 13፡5-7፤ 17፡8 8 ኢስታ ኣሃይ ሌሚሶራ ሶዶሜኔ ጊብፄ ጌቴቲዛ ጊታ ካታማይን ጮ ዴንባን ዚንዓና። ሂና ካታማያ ካሴ ኢስታ ጎዳይ ኢዚን ካቄቲዳሶዮ። *ኢሳ 1፡9-10 9 ዱማ ዱማ ቆሞቲኔ ዱማ ዱማ ዛርኬቲ፥ ዱማ ዱማ ቃላን ሃሳዪዛይቲኔ ዴሬቲ ሄꬑ ጋላሲኔ ባጋ ጋካናስ ኢስታ ኣሃ ፄላናኔ ሄ ኢስታ ኣሃይ ሞጌቶንታ ማላ ዲጋና። 10 ሄይቲ ናምዑ ናቤቲ ካሴ ቢታ ቦላ ዲዛ ኣሳ ዋይሲዳ ጊሽ ሃዒ ቃስ ቢታ ቦላ ዲዛ ኣሳይ ሃ ናቤቲ ሃይቂዳ ጊሽ ኡፋዬታና። ሄ ኡፋይሳስ ባዓሌ ኦꬂዲ ኢሶይ ኢሳስ ዬስ ኢማና። 11 ጊዶ ኣቲን ሄꬑ ጋላሲኔ ባጋይ ኣꬊዳፔ ጉዬ ኢስታስ ሼምፖ ኢሚዛ ፔኖይ ፆሳ ኣቻፌ ዪዲ ኢስታ ኣሃን ጌሊዴስ። ኢስቲካ ባ ቶሆን ኤቂዳ ኢስታ ቤዪዳ ኣሳይ ዳሮ ባቢዴስ። *ሂዚ 37፡10 12 ሄሳፌ ጉዬ ሄ ናምዑ ናቤቲ “ሃ ፑዴ ኬዚቴ!” ጊዛ ቃላ ሳሎፔ ሲዪዳ። ኢስታ ሞርኬቲ ኢስታ ፄሊሺን ኢስቲ ሻራራ ፑዴ ሳሎ ኬዚዳ። *2ካዎ 2፡11 13 ሄ ሳቴዪንካ ዎልቃማ ቢታ ቃꬂ ሃንዴስ። ሄ ካታማስ ታማፌ ኢሲ ኩሼይ ላሌቲዴስ። ቢታ ቃꬃ ጋሶን ላፑን ሺ ዴሬይ ሃይቂዴስ። ሃይቆንታ ኣቲዳ ኣሳይ ቃስ ዳሮ ባቢዴሲኔ ሳሎ ፆሳካ ቦንቺዴስ። *ኣጁ 6፡12፤ 16፡18

14 ኣዬ ኣና! ጊዛ ቃላ ናምዓንꬆዚ ኣꬊን ሄꬓንꬆዛ ዋሶይ ኤሶን ጋካና።

15 ላፑንꬆ ኪታንቻይካ ባ ዛዬዛ ፑኒዴስ። ሳሎን ቃስ “ኣላሜ ካዎቴꬂ ኑ ጎዳ ፆሳሲኔ ኪርስቶሳስ ጊዲዴስ። ኢዚካ ሜርናፔ ሜርና ጋካናስ ካዎታና” ጊዛ ጊታ ቃላይ ሲዬቲዴስ። *ኬሳ 15፡18፤ ዳኔ 2፡44፤ 7፡14፥27 16 ፆሳ ሲንꬃን ባ ኣልጋ ኣልጋ ቦላ ኡቲዳ ናምዑ ታማኔ ኦይዱ ጪማቲካ ባ ሊጴን ጉፋኒዲ ፆሳስ ጎይኒዳ። 17 ቃሴካ