5 ዎንቴꬃ ጋላስ ኢስታ ሃላቃቲኔ ጪማቲ ቃሴካ ሙሴ ዎጋ ታማርሲዛይቲ ዬሩሳላሜን ሺቂዳ። 6 ኢስታ ቄሴታ ሃላቃ ሃናይኔ ቃያፋይ፥ ዮሃኒሲ፥ ኢስኪንዲሮሲኔ ቄሴታ ሃላቃሶ ኣሳይ ዉሪ ሄ ጋዳን ቤቲዳ። 7 ኢስቲካ ጴፅሮሳኔ ዮሃኒሳ ባ ጊዶን ኣꬂ ኤሲዲ “ሃይሳ ኢንቴ ኦꬂዛይ ኣዛ ዎልቃኔ? ዎይኮ ኦና ሱንꬃኔ?” ጊዲ ኦይቺዳ።
8 ሄ ዎዴ ጴፅሮሲ ፂሎ ኣያናን ኩሚዲ “ኢንቴኖ ዴሬ ሃላቃቶ! ዴሬ ጪማቶ! 9 ኢንቴ ሃች ሃ ቶሆ ሲላ ኣዴዛስ ኦሴቲዳ ሎዖ ኦሶይ ዋኒ ኢዚ ፓፂዳኮ ኢንቴ ኑና ኦይቺዛ ጊዲኮ፥ 10 ኢንቴ ካቂን ፆሲ ሃይቆፔ ዴንꬂዳ ናዚሬቴ ዬሱስ ኪርስቶሳ ሱንꬃን ኢዚ ፓፂዳይሳኔ ኢንቴ ሲንꬃን ኢዚ ኤቂዳይሳ ኢንቴካ ኢስራዔሌ ዴሬ ኣሳይ ዉሪ ሃይሳ ኤሪቴ። 11 ኢዚካ ኢንቴ ኬꬃ ሂላቲ ሌቂ ኣጊዳ ሹቻይ ጊንቤ ኬꬃስ ጉላ ቦላ ቦላራ ዎꬂዛ ሹች ጊዲዴስ። [b][c] 12 ኣቶቴꬂ ሃራ ኦናንካ ባ፤ ሳሎፔ ጋርሳ ባጋራ ኑ ኣሳ ናይቲ ኣታና ማላ ኑስ ኢሜቲዳይ ሃይሳፌ ሃራ ሱንꬂ ዴና” ጊዴስ።
13 ኣይሁዳታ ዱላታ ኣሳይካ ጴፅሮሲኔ ዮሃኒሲ ሄሳꬆ ፃሊ ሃሳዪዛይሳ ቤዪዲ ኢስቲ ታማሮንታ ኣስ ጊዲዳይሳ ኤሪዲ ማላሌቲዳኔ ኢስቲ ካሴ ዬሱሳራ ዲዛይታ ጊዲዳይሳ ኣኬኪዳ። 14 ሄ ፓፂዳ ኣዴዚ ኢስታራ ኤቂዲሺን ቤዪዳ ጊሽ ኢስታስ ሃራ ኦꬃናስ ጋሶይ ꬋዪዴስ። 15 ሄሳ ጊሽ ኢስታ ዱላታፔ ኬሳና ማላ ኣዛዚዳ። ሄሳፌ ቃሴካ ሺቄቲዲ ባ ጊዶን ዞሬቲዳ። 16 ባ ጊዶን “ሃይታ ኣሳታ ዎስቲኖ? ዬሩሳላሜን ዲዛ ኣሳይ ዉሪ ኢስታ ኩሼን ሃኒዳ ጊታ ማላታ ኤሪዴስ። ሄሳ ጊሽ ኑ ሃ ዮዖዛ ኣሳ ባሌꬃናስ ዳንዳዮኮ። 17 ጊዶ ኣቲን ሃይሲ ዮዖዚ ዴሬ ጊዶን ኬሂ ኣኮንታ ማላኔ ሃይቲ ኣሳቲ ናምዓንꬆ ሃይሳ ሃ ሱንꬃን ሃራ ኦናስካ ዮቶንታ ማላ ኢስታስ ሎዔꬂ ዮታና” ጊዳ።
18 ኢስታ ፄይጊዲኔ ሙሌካ ዬሱሳ ሱንꬃን ሃሳዮንታ ማላኔ ታማርሶንታ ማላ ኣዛዚዳ። 19 ጴፅሮሲኔ ዮሃኒሲ ቃሴ ዛሪዲ “ኑኒ ፆሳፌ ቦላራ ኢንቴስ ኣዛዜታናስ ቤሲዛኮኔ ኣኔ ኢንቴ ፆሳ ሲንꬃን ፒርዲቴ። 20 ኑኒ ኑ ቤዪዳይሳኔ ኑ ሲዪዳይሳ ሃሳያናፔ ጉዬ ጎኮ” ጊዳ።
21 ቃሴካ ኢስታ ቦላ ማንዲዲ ዬዲዳ። ጋሶይካ ሃንኮ ዴሬይ ዉሪ ሃኒዳ ዮዖዛ ጋሶን ዉሪካ ፆሴ ጋላቲዛ ጊሽ ኢስታ ቃፃያናስ ዳንዳይቤቴና። 22 ሄ ጊታ ማላታን ፓፂዳ ኣዴዛስ ላይꬂ ኦይዱ ታማፌ ቦላ።
23 ጴፅሮሲኔ ዮሃኒሲ ቃሾፔ ቢርሼቲዲ ጌዴ ባ ኣሳታኮ ሲሚዲ ቄሴታ ሃላቃቲኔ ዴሬ ጪማቲ ኢስታ ጊዳይሳ ዉርሲካ ዮቲዳ። 24 ኢስቲካ ሄሳ ሲዪዳ ማላ ባ ቃላ ꬎቁ ሂስቲዲ ኢሲፌ ፆሳኮ “ዎጋ ጎዳዉ! ኔኒ ሳሎኔ ሳዓ፥ ኣባኔ ኣባ ጊዶን ዲዛይታ ዉርሳ ሜꬋዳሳ። [d] 25 ኔ ኣሽካራ ኑስ ኣዋ ዳዉቴ ዱናራ ፂሎ ኣያናን
27 “ቱማፔ ሄርዶሲኔ ጳንፆሳ ጲላፆሲ ኢስራዔላታራኔ ሃራ ዴሬ ኣሳራ ሃኖ ካታማይን ኔ ዶራ ቲዪዳ ጌሻ ናዛ ዬሱሳ ቦላ ዮዖ ቃቻናስ ሺቄቲዳ። [e] 28 ሃይሳንካ ኔ ዎልቃኒኔ ኔ ሼኔን ካሴ ኔ ቆፒዳይሳ ኢስቲ ፖሊዳ። 29 ጎዶ! ሃዒካ ኢስታ ማንዴዛ ኔ ቤያ፤ ኑኒ ኔ ኣይሌቲ ኔ ቃላ ባቦንታ ኩሜꬃ ፃላቴꬃራ ዮታና ማላ ዳንዳዪሳ። 30 ፓꬃናስ ኔ ኩሼ ሚጫ። ኔ ና ጌሻዛ ሱንꬃን ጊታ ማላታ ኦꬃ” ጊዳ።
31 ኢስቲ ዎሲዳፔ ጉዬ ኢስቲ ዲዛሶይ ቃፂዴስ። ዉሪካ ፂሎ ኣያናን ኩሚዲ ፆሳ ቃላ ፃላቴꬃን ዮቲዳ።
36 ቆጲሮሴ ጌቴቲዛሶን ዲዛ ዮሴፌ ጌቴቲዛዴይ ኢሲ ሌዌ ባጋ ኣሲ ዴስ። ኢዚካ ሃዋሬታን “ባርናባሳ” ጌቴቲ ሱሚዴስ። ሄሳስ ቢርሼꬃይ “ሚንꬄꬆ ና” ጉሳ። 37 ኢዚካ ባ ጋዴ ባይዚዳ ሚሻ ኤሂዲ ሃዋሬታ ኩሼን ዎꬂዴስ።
<- ሃዋሬታ ኦሶ 3ሃዋሬታ ኦሶ 5 ->