95
1 [a]Mai, dahat gi inge ma ra gungunuama tano Watong,
dahat gi kup ma ra pirhakasing tupas no udahat Haatkis na harhalon.
2 [b]I bilai bia dahat na haan tupas ie ma dahat na tanga tahut saakit uram ho ie,
ma dahat na pirlat nabanei ma ra ninge.
3 [c]Kanong warah, no Watong aie no tamat na God,
no tamat na King saakit ta ira god bakut.
4 No ula hanuo bakut i kis taar tano limana,
hatahun leh ta ira salil tuk ta ira uluno ira uladih auno.
5 [d]Auno no tes, kanong aie nong ga gil ie,
ma ira iruo limana ga huul no pise.
6 [e]Mai, dahat gi siantudu ma ra urur wara lotu tupas ie,
dahat gi singa bukunkek menalua tano Watong nong ga pakile dahat,
7 [f]kanong aie no udahat God,
ma dahat ira matanaiabar ing i la nesnes mur,
ira matanaiabar menapu tano uno harbalaurai.
Ing bia muat hadade no ingana katin,
8 [g]waak muat hadadas ira bala muat hoing muat ga gil aram Meriba,
ma hoing muat ga gil ta iakano ra bung aram Masa tano hanuo bia.
9 [h]Ira hintubu muat diet ga manga walar iau kaia,
sukmaal bia diet ga nes ira nugu gingilaan tupas diet.
10 [i]Ga haruat ma ra ihat na sangahul na tinahon iau ga ngalngaluan taar ta kaike ra matanaiabar.
Ma iau ga tange bia, “Ira bala diet iakanong ra matanaiabar i la hanhan talur iau,
ma diet pai palai tano mangana ngaas iau sip bia diet na mur.”
11 [j]Io kaik, iau ga ngalngaluan, iau gaam hasasalim bia,