75
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “Waak u Halhaliarai.” A ninge na lotu ta Asap.
1 [a]God, het tanga tahut taam,
het tanga tahut, kanong augu ken hutet.
Ira tunotuno diet hinawas ta ira num tamat na melmel na gingilaan na kinarup.
2 [b]U tange bia, “Iau puo ira pakana bung ing ira linge na hanuat.
Iau at nong iau la kurkure ira matanaiabar ma ra taktakodas.
3 [c]Ing no ula hanuo ma ira uno matanaiabar diet dedar,
iau at nong iau sukal hadadas ie.
4 Iau tange tar ta ira ut na latlaat, ‘Waak muat ra latlaat,’
ma ta ira ut na sakena, ‘Waak muat hamines ira amuat baso.
5 Waak muat hamines ira amuat baso uram ra ula mawe.
Waak muat sa butbut huo.’ ”
6 Taie tikai merau tano kasakes i la pupuruk hut, bia meram tano kasakes i la sungsuguh,
bia merau ra hanuo bia, i tale bia na raun haut tiga tunotuno.
7 [d]Iesen God aie nong i la harkurai taar.
I bul hasur tikai ma i raun haut tiga mes.
8 [e]Tiga gingop ie ke hono limana no Watong,
ma i hung ma ira namnamien na wain.
I burange se tar, ma ira ut na sakena tano ula hanuo diet na mame bakut.
9 Iesen iau balik, iau ni hinawas palai hathatikai.
Iau ni inge na pirhakasing tupas no God tane Iakop.
10 [f]Iau ni paas hasur ira baso adiet ira ut na sakena,