45
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “Purpur.” Ira bulumur ta Korah diet ga pit iakan ra ninge na tinolen.
1 Tiga bilai na nianga i haguama no kaatigu
ing iau was murmur ira nianga ing iau pakat utano king.
No karamegu aie no linge na pinapakat tano keskes na ut na pakpakat.
2 Augu, u nanaas timaan ta ira tunaan bakut,
ma God gate kapal ira palabulum ma ra harmarsai,
kanong gate haidane hatikane ugu.
3 Hb 4:12; Ni 1:16; Ais 9:6Taline hadikdikit no num wise na hinarubu ukaia ra binabatim, augu no dadas na tunotuno.
Sigasigam ma ra melmel na minamarim.
4 Sef 2:3Ma ira num minamar nu hilau laah ma tiga hos bia u te petlaar wara bubu ira num ebar,
kanong ta ira burena ira tutun, no magingin na kis matien, ma no takodasiana magingin.
I tahut bia no kata na limaam na haminas ira gingilaan ing pai a malmaliana.
5 Nng 18:14I tahut bia ira num iaiaan na rumus na salok ira kaati diet ira ebar tano king.
I tahut bia ira matanaiabar ta ira kantri diet na puko napu ta ira kakim.
6 Hb 1:8,9God,*I haianga no king ta Israel. I kilam ie bia “God” kanong no king i tur ra matmataan ta ira matanaiabar ta Israel hoing tiga malalar ta God at. God no udiet lualua tutun, iesen no king no udiet lualua nong God ga hatur ie wara gaie diet kai ra ula hanuo. I hoing bia no king i kap no mauho ta God kai napu ra matmataan ta ira Israel. no num kinkinis na harkurai na kis hathatika.
No num takodasiana harkurai na kure no num kingdom.
7 U sip no taktakodas ma u malentakuane no saksakena.
Io kaik, God, aie no num God, i te hakisi haut ugu naliu ta ira num harsakata
ing i gilamis ugu ma no wel na gungunuama.
8 Ira num sigasigam bakut i sangsangin kala mismisien ma ra lamara naas ma ra lamara boiah.
Mekatiga ra ngasia diet ira watong ing di hamar ma ra linge di gil ma ra lako na wawaguai,
ira kinakel na ninge di ting mur, i haguama ugu.
9 Sol 6:8Nalamin ta ira num wasire na hahin u suko diet, ira nat na hahi diet ira king mah kaike.
Tano kata na limaam no kwin nong di hamar ie ma ra gol me Opir.
10 Rut 1:16,17Nat na hahigu, hadoda. Lilik timaan ma nu tar talingaam.
Lik luban ira num matanaiabar ma ira hinsakaam.
11 1Pt 3:6No king i te ngalabo tano num bilai na mangmangis.
Taram ie kanong aie no num watong.
12 Nng 87:4A hinasik me Taia na hanuat ma ra hartabar,
ma ira watong diet na silihe no num harkalak.
13 I melmel harsakit no nat na hahine no king kenam narako tano uno hala.
Di hi tikane no uno sigasigam ma ra gol.
14 Sol 1:4Di dungut matatarine ira kiniasine, io, di lamus tar ie tano king.
Ira uno lala na bulahin na harsakata, diet mur ie,
ma di lamus tar diet bakut taam.
15 Di lamus halaka diet ma ra gungunuama ma ra larlaro.
Diet haan laka tano ngasiana no king.
16 Ira natim tunaan diet na kap leh ira mauho ta ira am sus.
Nu hatamat diet haruat ho ira king kaia ta ira kaba hanuo bakut.
17 Mal 1:11Iau ni gil no hinsaam bia diet bakut ing diet na lon namur, diet pa na lik luban ie,
io kaik, ira kantri diet na pirlat ugu hathatika.
<- Ninge 44Ninge 46 ->
- ~5~ I haianga no king ta Israel. I kilam ie bia “God” kanong no king i tur ra matmataan ta ira matanaiabar ta Israel hoing tiga malalar ta God at. God no udiet lualua tutun, iesen no king no udiet lualua nong God ga hatur ie wara gaie diet kai ra ula hanuo. I hoing bia no king i kap no mauho ta God kai napu ra matmataan ta ira Israel.
45:9: Sol 6:8
45:10: Rut 1:16,17
45:11: 1Pt 3:6
45:12: Nng 87:4
45:14: Sol 1:4
45:17: Mal 1:11
45:3: Hb 4:12; Ni 1:16; Ais 9:6
45:4: Sef 2:3
45:5: Nng 18:14
45:6: Hb 1:8,9