144
Devit ga pit iakan ra ninge.
1 2Sml 22:35A pirharlat tupas no Watong, no nugu Haatkis,
nong i hausur ira iruo limagu wara kap rom
ma ira kaskas na limagu wara hinarubu mah.
2 Nng 18:2,39Aie no nugu God na harmarsai ma no nugu subaan na munmun,
no nugu dadas na balo ma no nugu Ut na Harhalon.
Aie no nugu bahbahit nong iau la barbarahit taar tana,
ma aie nong i paas hasur ira matanaiabar ma i bul diet napu tano nugu harkurai.
3 Nng 8:4; Hb 2:6Watong, asa tunat ira tunotuno, kaik u nes mur mehet? A linge bia mon mehet.
Wara bih u lik tar mehet ira tunotuno?
4 Ira tunotuno diet ngan hoing tiga pakana manmanasung mon.
Ira udiet bungbung na nilon na pataam gasien hoing tiga ududuh i hakakari habir laah.
5 Nng 18:9Watong, bul harbasiane no num mawe, ma nu hansur.
Sigire ira uladih waing diet naga mis.
6 Nng 18:14Tule hasur no hile ma nu pasak harbasiane ira ebar.
Lalapot ma ira num rumus, diet naga hilau.
7 Nng 18:16Sasangaha suur maram naliu.
Halangalanga iau ma nu halon iau sukun ira lima diet ira wasire ing pai Israel diet,
diet ing diet hoing ra dadas na taahit.
8 Lo 32:40; Nng 106:26Ira ha diet i hung ma ra harabota,
ma diet sasalim bia diet tange no tutun iesen diet harabota.
9 God, iau ni inge tiga sigar ninge ukatiga ho ugu.
Iau ni ting tiga haap nong a sangahul ira sitiring tana ma iau ni inge ukatiga ho ugu.
10 Nng 18:50; 2Sml 18:7Augu nong u la harubu sare ira king,
ma u halon Devit no num tultulai sukun no wise na hinarubu bingibing.
11 Halangalanga iau ma nu halon iau sukun ira lima diet ira wasire ing pai Israel diet.
Ira ha diet i hung ma ra harabota,
ma diet sasalim bia diet tange no tutun iesen diet harabota.
12 Sol 4:4; 7:4Io kaik, ira nuhet bulu na tunaan ing diet na marawaan, diet na ngan hoing ra daha di balaure ma i kubur timaan,
ma ira nuhet hinasik diet na ngan hoing ra kasong di takas wara hamar no hala tano king.
13 Ira nuhet suuh na bul nian na hung ma ira mangana nian.
Ira nuhet sipsip diet na manga kakaha,
ma diet na kaha sangahul na arip ta ira nuhet katon na pise.
14 2Kng 25:10,11; Jer 14:2Da hapusak ira nuhet bulumakau ma ra tamat na kinakap na nian.
Ira ebar diet pa na papat halaka tiga balo tano nuhet pise na hala,
ma ira matanaiabar diet pa na suah ma ra bunurut ta ira ngaas kenam narako.
15 A haraidaan na kis ta ira matanaiabar ing kaike ra linge i hanuat tutun ta diet.