140
A nianga tupas no tunotuno nong i kure ira ut na ninge: Devit ga pit iakan ra ninge na lotu.
1 Watong, halangalanga iau sukun ira ut na sakena.
Tur bat iau sukun ira ut na halhaliarai
2 Snd 6:14; Ais 59:4ing diet pingit wara gil saksakena narakoman ta ira bala diet
ma diet hatut rom ta ira kaba bungbung.
3 Rm 3:13; Jm 3:8Diet haiaan ira karame diet hoing tiga moraan.
No malmalena gar na ha na sui ie ke ta ira palabulu diet.
4 Watong, balaure iau sukun ira lima diet ira ut na sakena.
Tur bat iau sukun ira ut na halhaliarai
ing diet harpingit kumaan wara hakuni ira kakigu.
5 Nng 35:7Ira ut na latlaat diet te suhe tar tiga kuun wara utagu.
Diet te hatudu ira udiet kuun murmur no nugu ngaas,
ma diet te kapis bat iau ma ira udiet kuun.
6 Nng 31:14Iau tange tano Watong bia, “Augu no nugu God.
Watong, hadade no nugu tintaau wara gaiena harmarsai.
7 Watong Kiskis, no nugu dadas na Ut na Harhalon,
u ga hakukuh bat no ulugu tano bung na hinarubu.
8 Est 9:25Watong, waak u bale leh ira sinisip ta ira ut na sakena.
Waak u bale leh ira udiet harpingit kumaan bia na hanuat tutun, diet kabi latlaat.
9 Nng 7:16Iau saring bia nu balu pukus diet ing diet tur luhutane iau
ma ira tamat na tinirih ira ha diet gate tange hawaat.
10 Nng 11:6Iau saring bia ira kalkalangaruan na haat na puko suur taar ta diet,
ma bia da se halaka diet uram tano iaah,
bia uram narako ta ira pikaia na lulur, diet pa naga taman tut hut baal.
11 Iau saring bia ira ut na hartutung bisbis diet pa na lon timaan kai tano pise,
ma bia a saksakena na bing ira ut na halhaliarai.
12 Nng 12:5; 35:10Iau nunure be no Watong i balaure bat ira maris ing diet tur ra harkurai
ma i la harharahut ira malahahin bia pa da kure hagahe diet.
13 Nng 16:11Tutun saakit bia ira ut na takodas diet na pirlat no hinsaam.