138
Devit ga pit iakan ra ninge.
1 Nng 95:3; 97:7Watong, iau ni pirlat ugu ma no nugu nilon bakut.
Iau ni inge ira num pirharlat ra matmataan ta diet ira kaba god.*Ari diet lik bia no kukuraina i hoken, bia ira tamat na king ta ira kantri diet ga tange bia a god diet ma a malalar hoken bia diet kis hulungai aram ra mawe ra matmataan ta God. Ma ari diet lik bia i ianga uta ira god ing kaike ra kantri diet git lotu tupas, ma diet kis hulungai huo.
2 1Kng 8:29Iau ni tudu ma urur menalua tano num halhaliana hala na lotu
ma ni pirlat no hinsaam
utano num harmarsai ma no num tutun na magingin,
kanong u te hatamat no hinsaam ma no num nianga na kunubus
naliu ta ira linge bakut.
3 Ing iau ga tataau, u ga taram iau.
U ga hadadas ma u ga habalaraan iau.
4 Watong, i bilai bia ira king bakut tano ula hanuo diet na pirlat ugu
ing diet na hadade ira nianga mekaia tano haam.
5 I bilai bia diet na inge garaan ira gingilaan tano Watong,
kanong no minarine no Watong i tamat.
6 Jm 4:6; 1Pt 5:5A tutun bia no Watong ie kenam naliu, iesen i la nes mur tar at ira maris.
Iesen ira ut na latlaat, i nunure mon diet mekaia tapaka ta ing i la kis taar kaia.
7 KBk 7:5A tutun bia iau haan narako ra tinirih,
iesen u balaure bat tar at no nugu lon.
U tur bat ira ngalngaluan ta ira nugu ebar ma ira iruo limaam.
U kap pukus iau ma no dadas na kata na limaam.
8 Pi 1:6No Watong na pakile haruatne asa ing ga lik utagu.
Watong, no num harmarsai na kis hathatika.
Waak u waak kapis ira pinapalim ing ira iruo limaam dir te hatahun tar.
<- Ninge 137Ninge 139 ->
- ~2~ Ari diet lik bia no kukuraina i hoken, bia ira tamat na king ta ira kantri diet ga tange bia a god diet ma a malalar hoken bia diet kis hulungai aram ra mawe ra matmataan ta God. Ma ari diet lik bia i ianga uta ira god ing kaike ra kantri diet git lotu tupas, ma diet kis hulungai huo.
138:2: 1Kng 8:29
138:6: Jm 4:6; 1Pt 5:5
138:7: KBk 7:5
138:8: Pi 1:6
138:1: Nng 95:3; 97:7