1 [a]Muat na tanga tahut tano Watong, kanong a bilai ie.

2 [b]Tanga tahut ta God nong i tamat ta ira kaba god bakut.

3 Tanga tahut tano Watong nong i tamat ta ira kaba watong bakut.

4 [c]Aie sen mon i la gilgil ira tamat na pinapalim na kinarup.

5 [d]Aie nong ga gil no mawe ta ira uno minmintot at.

6 [e]Aie nong ga palase no pise aram naliu ta ira taah.

7 [f]Aie nong ga gil ira tamat na lulungo.

8 No kasakes i la kurkure no bung na kasakes.

9 No teka ma ira tiding diet la kurkure no bung.

10 [g]Aie nong ga bu bing ira matana bulu na tunaan ta ira Isip.

11 [h]Ma ga lamus hasur ira Israel merau nalamin ta diet ira Isip.

12 [i]Ga lamus hasur diet ma no dadas na limana.

13 [j]Aie nong ga paleng no Dardarana Tes nalamin.

14 Ma ga lamus ira Israel nalamin ta ira iruo palpal na tes.

15 Iesen ga hakango no king me Isip ma ira uno matana ubane tano Dardarana Tes.

16 [k]Aie nong ga lua ta ira uno matanaiabar nalamin tano hanuo bia.

17 Aie nong ga kato bing ira tamat na king.

18 [l]Ma ga bu bing ira dadas na king.

19 [m]Ga bu bing Sihon, no king audiet ira Amor.

20 [n]Ma ga bu bing Og, no king me Basan.

21 [o]Ma i ga tar se ira udiet pise ta ira uno matanaiabar bia diet na tinane leh.

22 [p]A haratinan ie taar tano uno tultulai Israel.

23 Aie nong pa ga lik luban dahat ing dahat ga kis na maris.

24 [q]Ma ga halangalanga dahat sukun ira udahat ebar.

25 Ma i la tamtabar ira tunotuno ma ira wawaguai bakut ma ra nian.

26 [r]Muat na tanga tahut tano God nong i kis taar aram ra mawe.