Ran-u

Matiyu

Ogor-tu̱ mat-u̱r Ye̱so̱

(Ruka 3:23-38)

1 [a]Tun-to̱ to̱ dim-tu̱ u̱so-tu̱ u̱so-u̱t Ye̱so̱ Kiristi, wu̱ rwu̱ne̱ du̱gu̱ ko̱-u̱r Dawuda u̱ Ibrahi ne̱.

2 Ibrahi wa o̱ye̱ u̱so-u Ishaku.

Ishaku u̱so-u Yakubu.

Yakubu u̱so-u Yahuda, u̱ hu̱u̱b-tu̱ u̱r-matu̱ wa ne̱.

3 Yahuda u̱so-u Pe̱res u̱ Zera (ino-u e̱ wa o̱ye̱ Tamar).

Pe̱res u̱so-u Hezu̱ron.

Hezu̱ron u̱so-u Ram.

4 Ram u̱so-u Aminadab.

Aminadab u̱so-u Nasho̱n.

Nashon u̱so-u Saru̱mo̱n.

5 Saru̱mo̱n u̱so-u Boaz (wu̱ ino-u e̱ wa o̱ye̱ Rahab).

Boaz u̱so-u Obida (ino-u e̱ wa o̱ye̱ Rutu).

Obida u̱so-u Jesse.

6 Jesse u̱so-u Dawuda Faru̱k.

Dawuda u̱so-u Suremanu (wu̱ ino-u wa o̱o̱ge̱ ne̱ta Yuriya).

7 Suremanu u̱so-u Rehobowam.

Rehobowam u̱so-u Abija.

Abija u̱so-u Asa.

8 Asa u̱so-u Jehoshapat.

Jehoshapat u̱so-u Yoram.

Yoram u̱so-u Uziya.

9 Uziya u̱so-u Jotam.

Jotam u̱so-u Ahaz.

Ahaz u̱so-u Hezekiya.

10 Hezekiya u̱so-u Manase.

Manase uso-u E̱mo̱s.

E̱mo̱s u̱so-u Josiya.

11 Tu̱msu̱ Josiya u̱so-u Jekoniya u̱ hu̱u̱b-tu̱ u̱r-matu̱ wa ne̱, u̱ da-u̱ karma-ne̱ i Babira kabe̱ ne̱t-tu̱ Isra m-ha u̱du̱ m-to̱k u̱ dak-u̱ Babira.

12 Da-u̱ na kabu̱ e̱ m-ha u̱du̱ m-to̱k Babira,

Jekoniya wa o̱ u̱so-u She̱yartiye̱r.

She̱yartiye̱r u̱so-u Zerubaber.

13 Zerubaber u̱so-u Abihuda.

Abihuda u̱so-u Eriyakim.

Eriyakim u̱so-u Azo̱r.

14 Azo̱r u̱so-u Zado̱k.

Zado̱k u̱so-u Akim.

Akim u̱so-u Eriyuda.

15 Eriyuda u̱so-u Eriyaza.

Eriyaza u̱so-u Matana.

Matana u̱so-u Yakubu.

16 Tu̱msu̱ Yakubu wa o̱ye̱ u̱so-u Yusuhu, campa Me̱ri.

Me̱ri mate̱ Ye̱so̱ wu̱ na foge̱ Kiristi.

17 Du̱gu̱ da-u Ibrahi u̱ do̱'e̱ da-u Dawuda sara-to̱ o̱p u̱t-nas, du̱gu̱-du̱ Dawuda u̱ do̱'e̱ da-u̱ na kabe̱ Isra-ne̱ m-to̱k u̱ Babira, sara-to̱ o̱p u̱t-nas, du̱gu̱ ku̱n u̱ do̱'e̱ da-u Ye̱so̱ Kiristi sara-to̱ o̱p u̱t-nas.

Mat-u̱r Ye̱so̱

(Ruka 2:1-7)

18 Inya o̱ na mu̱tte̱ Ye̱so̱ Kiristi. Da-u̱ a u̱r-matu̱ Me̱ri eese̱ yadu̱ gu̱-u̱r Me̱ri u̱du̱ Yusuhu, se̱di kanda na ga-gu̱ u̱n u̱r-gu̱ na bit Me̱ri u̱t-me̱n ne̱ du̱gu̱-du̱ Yar-u u-Ru̱. 19 Ko̱ ba o̱ye̱ u̱zu̱ Yusuhu ne̱t u̱r-ka wa, wa za u̱ssa wa ya' Me̱ri m-'e̱ u̱ te̱k u̱t-ne̱t da, se̱ wa dorog u̱ jab-u̱ wa, wa yagu̱ wu̱n m-yasa.

20 Wa o̱ u̱ te̱k-u̱ dorog-u̱s se̱, se̱ wa-to̱m Wa-ko-uyan haan u̱du̱ ro u̱ bo', wa zu̱, <<Yusuhu wa'-u̱ Dawuda, a-bo̱ ho̱g u-gye̱r u̱ kab-du̱ Me̱ri wa shu̱'u̱t ne̱ta ró da, remu̱ zu̱ no̱mu̱ o̱ u̱ me̱n-u̱t wa du̱gu̱ Yar-u u-Ru̱ o̱. 21 Wa de̱ mat-du̱ ya-du̱ u̱r-campa, na do̱'e̱ te̱'u̱ wa u̱r-dim Ye̱so̱,[b] remu̱ zu̱ wa de̱ u̱ku̱r ne̱t-u̱t wa du̱gu̱ ba'as-u̱t e̱.>>

22 Tun-to̱ no̱m-to̱ u̱t-be̱e̱t na no̱mu̱g to̱ remu̱ no̱m-tu̱ Ru̱-u̱ ware̱ Wa-warru̱ rem-su̱ u-Ru̱ Ishaya u̱zu̱,

23 <<Gwu̱p-u̱ nape̱ campa da de̱ no̱m-du̱ u̱t-me̱n, wa de̱ mat-du̱ yadu̱ u̱r-campa na do̱'e̱ te̱ wa u̱r-dim Imanuwe̱r[c]>> no̱mu̱ dim-u̱r re̱ o̱ye̱, <<U-Ru̱ u̱r-kot u̱ na ne̱.>>

24 Da-u̱ Yusuhu yu̱ne̱ du̱gu̱ m-roog, se̱ wa no̱m no̱mu̱ wa-to̱m u-Ru̱ zu̱ye̱ wa no̱m, wa ku̱b Me̱ri m-mu̱ u-bu, wa shu̱'u̱t ne̱ta wa. 25 Se̱di wa tamu̱g m-roog u̱ wa ne̱ da se̱ da-u̱ wa mate̱ yadu̱ u̱r-campa. Yusuhu te̱'e̱ wa u̱r-dim Ye̱so̱.

Matiyu 2 ->