1 “ ‘ኬናን ነመ ቶኮ ዮ ኣርሳ ነጋ ተኤ፣ ነምች ሱንስ ከረ ሎኒ ኬሳ ሆሪ ቶኮ፣ ኮርመ ዮካን ዸላ ዮ ዽኤሴ፣ እን ሆሪ ህርእነ ህንቀብኔ ፉለ ዋቀዮ ዱረት ሃዽኤሱ። 2 ነምች ሱን መታ ኬናሳረ ሀርከሳ ሃካኡ፤ በልበለ ዱንካነ ወል ገኢ ዱረትስ ሃቀሉ። ኤርገሲሞ እልማን አሮን ሉቦትን ሱን ዺገ ሆሪ ሰነ እዶ ኣርሳ ሰነት ገመ ሁንዳን ሃፈጫሰን። 3 እንስ ኣርሳ ነጋራ ኣርሳ እብዳን ዋቀዮፍ ዽኤፈሙ ሃፍዱ፤ ኩንስ ሞረ ምአ ገራ ሀጉጉፊ ከን እት መጠኑ ሁንደ፣ 4 ከሌ ለማኒፊ ሞረ እሳንረ ጅሩ ከን ሙዺት ዽኣቱ፣ ሀጉጊ ትሩ ከን ነምች ከሌዻን ወልት ቀቤ ባሱ ፈአ። 5 ኤርገሲስ እልማን አሮን ዋን ከነ ኣርሳ እብዳን ዽኤፈሙ ከን ኡርጋንሳ ዋቀዮት ቶሉ ጎዸኒ እዶ ኣርሳረት ኣርሳ ጉበሙ ከን ቆራን ቦበኡረ ጅሩረት ሃጉበን።

6 “ ‘እን ዮ ቡሻዬ ኬሳ ሆሪ ቶኮ አከ ኣርሳ ነጋት ዋቀዮፍ ዽኤሴ፣ ኮርመ ዮካን ዸላ ህርእነ ህንቀብኔ ሃዽኤሱ። 7 እን ዮ ጦባላ ሆላ ዽኤሴ፣ ፉለ ዋቀዮ ዱረት ሃዽኤሱ። 8 ነምች ሱንስ መታ ኬናሳረ ሀርከሳ ካኤ በልበለ ዱንካነ ወል ገኢ ዱረት ሃቀሉ። ኤርገሲሞ እልማን አሮን ዺገ ሆሪ ሰና እዶ ኣርሳረት ገመ ሁንዳን ሃፈጫሰን። 9 እንስ ኣርሳ ነጋ ሰነራ ቀልመ እብዳን ዋቀዮፍ ዽኤፈሙ ሃፍዱ፤ ኩንስ ጮመሳ፣ ዱቦሳ ከን ለፌ ዱግዳት ዽኤፈሜ ኩተሜ ሁንደ፣ ሞረ ምአ ገራ ሀጉጉፊ ከን እት መጠኑ ሁንደ፣ 10 ከሌ ለማኒፊ ሞረ እሳንረ ጅሩ ከን ሙዺት ዽኣቱ፣ ሀጉጊ ትሩ ከን ነምች ከሌዻን ወልት ቀቤ ባሱ ፈእ። 11 ሉብን ሱንስ ዋን ከነ ኛተ ጎዼ እዶ ኣርሳረት ሃጉቡ፤ ኛትን ኩንስ ኣርሳ እብዳን ዋቀዮፍ ዽኤፈሙዸ።

12 “ ‘ዮ ኬናንሳ ሬኤ ተኤ፣ እን ፉለ ዋቀዮ ዱረት ሃዽኤሱ። 13 ነምች ሱን መታ ሬኤ ሰናረ ሀርከሳ ካኤ ፉለ ዱንካነ ወል ገኢ ዱረት ሃቀሉ። ኤርገሲሞ እልማን አሮን ዺገ ሆሪ ሰና እዶ ኣርሳረት ገመ ሁንዳን ሃፈጫሰን። 14 እንስ ዋን ዽኤሱ ኬሳ ኬና ከነ ኬና እብዳን ዋቀዮፍ ዽኤፈሙ ጎዼ ሃዽኤሱ፤ ኩንስ ሞረ ምአ ገራ ሀጉጉፊ ከን እት መጠኑ ሁንደ፣ 15 ከሌ ለማኒፊ ሞረ እሳንረ ጅሩ ከን ሙዺት ዽኣቱ፣ ሀጉጊ ትሩ ከን ነምች ከሌዻን ወልት ቀቤ ባሱ ፈእ። 16 ሉብን ሱንስ ዋን ከነ ኛተ ጎዼ እዶ ኣርሳረት ሃጉቡ፤ ኩንስ ኣርሳ ኡርጋኣ እብዳን ዽኤፈሙዸ። ጮምን ሁንድኑ ከን ዋቀዮት።

17 “ ‘እስን ጮመ ቶኮሌ ዮካን ዺገ ቶኮሌ ህንሶረትና፤ ወን ኩን ለፈ እስን ጅራተን ሁንደት ዸሎተ ዹፉፍ ጅሩ ኬሰት ሴረ ህንጌደረምኔዸ።’ ”

<- ሌዎተ 2ሌዎተ 4 ->