1 ዱቢን ዋኤ ይሁዶተ ብየ ግብጥ ኬሰ ጄቹንስ ምግዶል፣ ተህጳንሄስ፣ ሜምፊሲፊ ጰጥሮስ ኬሰ ጅራተን ሁንዳ ዱበቱ ኩን አከነ ጄዼ ገረ ኤርምያስ ዹፌ፤ 2 “ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦ እስን በዲሰ ጉዳ አን ዬሩሳሌሚፊ መጋላወን ይሁዳ ሁንደት ፍዴ ሰነ አርግተኒርቱ። ኩኖ፣ እሳን ሀርአ ኦነኒሩ፤ ነምን ቶኮዩ እሳን ኬሰ ህንጅራቱ፤ 3 ኩንስ ሰበቢ ሀምነ እሳን ሆጄተኒቲፍ ተኤ። እሳን እጣነ ኣርሱፊ ዋቆተ እሳን ዮካን እስን ዮካን አቦቲንኬሰን ህንቤክን ብራ ዋቄፈቹዻን ዼከምሳፍ ነ ከካሰን። 4 አንስ፣ ‘ዋን ጅብሲሳ አን ህንጃለትኔ ከነ ህንሆጄትና!’ ጄዼ ተጃጅልቶተኮ ራጆተ አሙማ አመ እሳንት ኤርጌ። 5 እሳን ገሩ ህንዸጌፈትኔ ዮካን ጉረ ህንኬንኔፍ፤ እሳን ሀምነሳኒራ ህንዴብኔ ዮካን ዋቆተ ብራቲፍ እጣነ ኣርሱ ህንዺፍኔ። 6 ከናፉ ዼከምስኮ ሶዳችሳን ሱን ዸንገለኤ መጋላወን ይሁዳቲፊ ዳንዲወን ዬሩሳሌምረት ቦበኤ፤ እሳንስ አኩመ ሀርአ ተኤ ጅሩ ከነ ንበርበዳአን፤ ንኦነንስ።

7 “አመስ ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦ እስን ማሊፍ ዺራፊ ዱበርቲ፣ እጆሌፊ ዳእመን ይሁዳራ ኩተኒ በዲሰ ጉዳ አከና ኦፍት ፍዱዻን ሀምባ መሌ ኦፍ ሀምብፍቱ? 8 እስን ማሊፍ ብየ ግብጥ፣ ለፈ ኬሰ ጅራቹፍ ዹፍተንት ዋቆተ ብራቲፍ እጣነ ኣርሱዻን ዋኑመ ሀርክኬሰን ሆጄቴን ዼከምሳፍ ነ ከካፍቱ? እስን ኦፉመ በሌስተኒ ሰቦተ ለፈራ ሁንደ ግዱት ዋን አባርሳቲፊ ዋን ፈፋ ኦፍ ጎቱ። 9 እስን ሀምነ አቦቲንኬሰን፣ ሞቶትን ይሁዳቲፊ ኒቶትንሳኒ ሆጄተን፣ አከሱመስ ሀምነ እስኒፊ ኒቶትንኬሰን ብየ ይሁዳቲፊ ዳንዲወን ዬሩሳሌምረት ሆጄተን ሰነ ንእራንፈተኒ? 10 እሳን ሀመ ሀርኣት ገድ ኦፍ ህንቀብኔ ዮካን ነ ህንሶዳትኔ ዮካን ሴረኮቲፊ ቀጄልፈመኮ ከን አን ፉለኬሰኒፊ ፉለ አቦቲኬሰኒ ዱረ ካኤ ሰነ ዱካ ህንቡኔ።

11 “ከናፉ ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦ አን በዲሰ እስንት ፍዱፊ ይሁዳ ሁንደ በሌሱፍ ኩተዼረ። 12 አን ሀምባ ይሁዳ ከኔን ብየ ግብጥ ዸቀኒ አች ጅራቹ ሙርቴፈተን ነንበሌሰ። እሳን ሁንድ ግብጥት ዹሙ፤ እሳን ጎራዴዻን ኩኩፉ ዮካን ቤላን ዹሙ። ጥና ጉዳንሳኒ ጎራዴዻን ዮካን ቤላን ዱአ። እሳን ዋን አባርሳቲፊ ዋን ሶዳ፣ ዋን የካቲፊ ዋን ፈፋ ተኡ። 13 አን አኩመ ዬሩሳሌምን አደቤ ሰነ ወረ ግብጥ ኬሰ ጅራተንሌ ጎራዴዻን፣ ቤላፊ ዸእቻን ነንአደበ። 14 ሀምባ ይሁዳ ከኔን ብየ ግብጥ ኬሰ ጅራቹ ዸቀን ኬሳ ነምን ምልቁ ዮካን ብየ ይሁዳ ከን አች ጅራቹፍ ሀወን ሰነት ዴብኡ ቶኮዩ ህንጅሩ፤ በቀቶተ ቶኮ ቶኮ መሌ እሳን ህንዴብአኒቲ።”

15 ኤርገሲስ ነሞትን አከ ኒቶትንሳኒ ዋቆተ ብራቲፍ እጣነ ኣርሰን ቤከን ሁንዲፊ ዱበርቶትን አች ቱረን፣ ወሉመት ወልዳን ጉዳን ቶኮፊ ነሞትን ብየ ግብጥ ኬሰ ጰጥሮስ ጅራተን ሁንድ ኤርምያሲን አከነ ጄዸን፤ 16 “ኑ ዱቢ አት መቃ ዋቀዮቲን ኑት ዱበቴ ሰነ ህንዸጌኙ! 17 ኑ ዋን ንሆጄትነ ጄኔ ሁንደ ዹጉማን ንሆጄትነ፦ አኩመ ኑፊ አቦቲንኬኘ፣ ሞቶትንኬኛፊ ቆንዳልቶትንኬኘ መጋላወን ይሁዳቲፊ ዳንዲወን ዬሩሳሌምረት ጎኔ ሰነ ኑ ሞትቲ ሰሚቲፍ እጣነ ንኣርስነ፤ ዽባዩስ ንዽባፈትነ። ኑ ዬሮ ሰነት ኛተ አከ መሌ ባይኤ ቀብነ ቱሬ፤ ሃለ ቶላ ኬሰ ጅራትኔ መሌ ህንሚዸምኔ። 18 ኤርገ ሞትቲ ሰሚቲፍ እጣነ ኣርሱፊ ዽባዩ ዽባፈቹ ዺፍኔ ገሩ ኑ ጎራዴፊ ቤላን ዹማ ጅረ መሌ ሆማ ህንአርገኔ።”

19 ዱበርቶትንስ ከነረት፣ “ዬሮ ኑ ሞትቲ ሰሚቲፍ እጣነ ኣርስኔ ዽባዩሌ ዽባፈኔፍ ሰነ አከ ኑ ፈኪ እሼቲን ኬኪ ቶልችኔ ዽባዩ ዽባፈኑፍ ዽርሶትንኬኘ ንቤኩ ምቲ?” ጄዸን።

20 ኤርምያስ ኡመተ ዴቢ እሳፍ ኬና ቱሬ ዺራ ዱበርቲ ሁንዳን አከነ ጄዼ፤ 21 “ዋቀዮ ዋኤ እጣነ እስኒፊ አቦቲንኬሰን፣ ሞቶትንኬሰኒፊ ቆንዳልቶትንኬሰን፣ ሰብን ብየቲስ መጋላወን ይሁዳቲፊ ዳንዲወን ዬሩሳሌም ኬሰት ኣርስተን ሰና ያደቴ ገራት ህንቀበትኔ? 22 ዬሮ ዋቀዮ ሆጂኬሰን ሀማፊ ዋን ጅብሲሳ እስን ሆጄተን ሰነ አርጌ ኦብሱ ደዸቤት ብይኬሰን አኩመ አመ ጅርቱ ከነ ዋን አባርሳቲፊ ኦነ ዱዋ ነምን ኬሰ ህንጅራትኔ ተኤ ሀፌ። 23 ሰበቢ እስን እጣነ ኣርስተኒ ዋቀዮት ጩቡ ሆጄተኒፊ እሳፍ አጀጀሙ ድደኒፍ ዮካን ሴረሳ ዮካን ለብሲሳ ዮካን ቀጄልፈመሳሌ ዱካ ቡኡ ድደኒፍ በላን ኩን አኩመ እስን አመ አርግተን ከነ እስንት ዹፌ።”

24 ኤርምያስስ ሰበ ሁንዳፊ ዱበርቶተ ሁንዳን አከነ ጄዼ፤ “እስን ሰብን ይሁዳ ወር ብየ ግብጥ ኬሰ ጅራተን ሁንድ ዱቢ ዋቀዮ ዸገኣ። 25 ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦ እስኒፊ ኒቶትንኬሰን ዋን፣ ‘ኑ ዹጉማን ወሬገ ዋቅቲ ሰሚቲፍ እጣነ ኣርሱፊ ዽባዩሌ ዽባፈቹፍ ወሬግኔ ሰነ ንጉትነ’ ጄተንት ዋዳ ገልተን ሰነ ሆጂዻን አርግሲፍተኒርቱ።

“ኤጋ እቱመ ፉፋቲ ዋን ዋዳ ገልተን ሰነ ራወዻ! ወሬገኬሰንስ ጉተዻ! 26 እስን ይሁዶትን ብየ ግብጥ ኬሰ ጅራተን ሁንድ ገሩ ዱቢ ዋቀዮ ዸገኣ፦ ዋቀዮ አከነ ጄዸ፤ ‘አከ ነምን ይሁዳዻ ዹፌ ብየ ግብጥ ኬሰ ኤሰዩ ጅራቱ ቶኮዩ ለመተ መቃኮ ህንዾፍኔ ዮካን፣ “ዹጋ ዋቀዮ ጎፍትቸ ጅራታ” ጄዼ ህንከከትኔን አን መቃኮ ጉዳዻን ነንከከዸ። 27 አን ዋን ሀማፍ እሳን እላላን ጅረ መሌ ዋን ቶላፍ እሳን እላላ ህንጅሩቲ፤ ይሁዶትን ብየ ግብጥ ኬሰ ጅራተን ሀመ ሁንድሳኒ በርበዴፈመንት ጎራዴፊ ቤላን ዹሙ። 28 ወር ጎራዴ ጀላ ምልቀኒ ብየ ግብጢ ገረ ይሁዳት ዴብአን አከ መሌ ጥኖ ተኡ። ጋፈስ ሀምባወን ይሁዳ ከኔን ብየ ግብጥ ኬሰ ጅራቹፍ ዹፈን ጉቱን አከ ዱቢንኮቲፊ ከንሳኒ ኬሳ ከን ኤኙ ፊጣን በኡ ንቤኩ።

29 “ ‘አከ አን እዶ ከነት እስን አደቡ ወን ኩን መለቶ እስኒፍ ተአ፤’ ጄዸ ዋቀዮ፤ ‘ኩንስ አከ እስን አከ ዱቢንኮ ዹጉማን እስኒን ሞርሜ ዻበቱ ቤክተኒፍ።’ 30 ዋቀዮ አከነ ጄዸ፦ ‘አን አኩመ ዜዴቅያ ሞትቸ ይሁዳ ደበርሴ ዲነ ሉቡሳ ገላፈቹ በርባዱት ኔቡከድኔዘር ሞትቸ ባብሎንት ኬኔ ሰነ ፈረኦን ሆፍራ ሞትቸ ግብጥሌ ደበርሴ ዲኖተሳ ወረ ሉቡሳ ገላፈቹ በርባደንት ነንኬነ።’ ”

<- ኤርምያስ 43ኤርምያስ 45 ->