6 ዮሴፍ ጉያ እት ኣኑ ገነመ እሳን ብረ ዸቄ፤ ኩኖ ኡቱ ገደኒ ጅረኑስ እሳን አርጌ። 7 እንስ፣ “ፉልኬሰን ሀርአ ማሊፍ አከነ ዱከናአ?” ጄዼ ቆንዳልቶተ ፈረኦን ወረ እሰ ወጅን መነ ጎፍታሳ ኬሰ መነ ህዻ ቱረን ሰነ ጋፈቴ።
8 እሳንስ፣ “ኑ ለቹ አብጁ አብጆትኔ ነመ ኑ ሂኩ ዸብኔ” ጄዸኒን።
9 እት ጋፈተማን ዹጋቲ ሱን አከነ ጄዼ አብጁሳ ዮሴፍት ህመቴ፤ “አብጁኮ ኬሰት ኩኖ ሙከ ወይኒ ቶኮቱ ፉለኮ ዱረ ቱሬ፤ 10 ሙክት ወይኒ ሱንስ ደሜ ሰዲ ቀበ ቱሬ። እንስ አኩመ ለቴን ደራሬ፤ ሁርቡን እጀሳስ ንብልቻቴ። 11 ጦፎን ፈረኦን ነ ሀርከ ቱሬ፤ አንስ እጀ ወይኒ ፉዼ ጦፎ ፈረኦንት ጩንፌ ጦፎ ሰነ ሀርከ ፈረኦንት ኬኔ።”
12 ዮሴፍስ አከነ ጄዼን፤ “ሂካንሳ ከነ፤ ደሜወን ሰደን ሱን ጉያ ሰዲ። 13 ጉያ ሰዲ ኬሰት ፈረኦን መታኬ ኦል ቀበ፤ ታይታ ኬትስ ስ ዴብሰ፤ አኩመ ዬሮ ዹጋቲ ዽኤሳፊ ቱርቴ ሰነ አትስ ጦፎ ፈረኦን ሀርከሳት ንኬንተ። 14 ገሩ ዬሮ ስት ቶሉት ነ ያደዹ፤ ዋን ጋሪስ ና ጎዽ። ዋኤኮ ፈረኦንት ህሚቲ መነ ህዻ ከና ነ ባስ። 15 አነ ብየ እብሮታቲ ሀተኒ ነ ፍደኒቲ፤ ብየ ከነ ኬሰትስ አን ዋን ቦለ ከነ ኬሰ ነ ቡስሱ ቶኮሌ ህንሆጄትኔ።”
16 እት ጋፈተማን ቡዴና ሱንስ ዮሙ አከ ዮሴፍ አብጁ ሰናፍ ሂካ ጋሪ ኬኔ አርጌት ዮሴፊን አከነ ጄዼ፤ “አንስ አብጁ ቶኮን አብጆዼ፤ ኩኖ ጉንዶወን ቡዴና ሰዲ መታኮረ ቱረን። 17 ጉንዶ ኦል ኣኑረ ቡዴነ ጎሰ ገራ ገራ ከን ፈረኦኒፍ ቆጴፈሜቱ ቱሬ፤ ገሩ ስምብሮትን መቱመኮረት ጉንዶ ሰነ ኬሳ ኛቻ ቱረን።”
18 ዮሴፍሞ አከነ ጄዼ፤ “ሂካንሳ ከነ፤ ጉንዶወን ሰደን ሱን ጉያ ሰዲ። 19 ጉያ ሰዲ ኬሰት ፈረኦን መታኬ ኦል ቀበ፤ ሙከት ስ ረራሰ። ስምብሮትንስ ፎንኬ ንኛቱ።”
20 ጉያን ሰደፋን ጉያ እት ፈረኦን ዸለቴ ቱሬ፤ ፈረኦንስ ቆንዳልቶተሳቲፍ ጭዸ ቆጴሴ። እንስ እት ጋፈተማ ዹጋቲቲፊ እት ጋፈተማ ቡዴና ሰነ ፉለ ቆንዳልቶተሳ ዱረት ዽኤሴ፦ 21 እት ጋፈተማ ዹጋቲ ሰነ ሆጂሳት ዴብሴ፤ ነምች ጦፎ ሰነ አመስ ሀርከ ፈረኦንት ኬኔ። 22 እት ጋፈተማ ቡዴና ሰነ ገሩ አኩመ ዮሴፍ አብጁሳኒ ሂኬፍት ረራሴ።
23 ተኡስ እት ጋፈተማን ዹጋቲ ሱን ዮሴፍን ንእራንፈቴ መሌ እሰ ህንያደትኔ።
<- ኡመመ 39ኡመመ 41 ->