13 ሶሎሞን ሞትች ጢሮስት ነመ ኤርጌ ሁራምን ፍችሲሴ፤ 14 ሃት ሁራም ሃዸ ህዬሳ ከን ጎሰ ንፍታሌም ቱርቴ፤ አባንሳሞ ነመ ጎሰ ጢሮስ ከን ኦጉማ ሆጂ ናሲ ቀቡ ቱሬ። ሁራም ኩን ነመ ኦጉማ ጉዳ ቀቡ ከን ሆጂ ናሲ ሁንደ ኬሰት ሙጠትኖ ቀቡ ቱሬ። እንስ ገረ ሶሎሞን ሞትቻ ዹፌ ሆጂ እሰት ኬነሜ ሁንደ ሆጄቴ።

15 ሂራም ኡቱባ ናሲ ለመ ከኔን ቶኮን ቶኮንሳኒ ዹንዹመ ኩዸ ሰዴት ኦል ዼረተኒ ዹንዹመ ኩዸ ለመ ፉርደተን ሆጄቴ። 16 ፊጤ ኡቱባወን ሰናረ ካኡዻፍስ ናሲ በቅፈሜራ ጉቱ ለመ ቶልቼ፤ ቶኮን ቶኮን ጉቱ ሰናስ ዹንዹመ ሸን ሸን ኦል ዼረተ ቱሬ። 17 ኤርገሲስ ጉቱወን ፊጤ ኡቱባወንራ ሰናፍ ፎንጫ ወል ኬሰ ሎፈሜ አከ ግንግልቻት ሆጄተሜ ለመ ቶልቼ፤ ቶኮ ቶኮ ጉቱ ሰናቲፍስ ግንግልቻ ቶርበ ቶርበቱ ቆደሜ። 18 እንስ ጉቱወን ፊጤ ኡቱባወኒረ ጅረን ሰነ ሚዸግሱፍ ጄዼ ቶኮ ቶኮ ግንግልቻ ሰናት ናኔሴ ቶረ ለማን ሮማኖተ ቶልቼ። ቶኮ ቶኮ ጉቱወኒቲፍስ አከሱመ ቶልቼ። 19 ጉቱወን ገርዳፎ ኬሰ ፊጤ ኡቱባወኒረ ጅረንስ ደራራ ፈካተኒ ዹንዹመ አፉር አፉር ኦል ዼረቱ ቱሬ። 20 ጉቱወን ፊጤ ኡቱባወን ለማኒረ ኩታ ወጪቲ ፈካቱ ከን ግንግልቻወንት ኣኑን ገረራ ሮማኖተ ዽበ ለመቱ ቶራን እት ናነኤ ቱሬ። 21 እንስ ኡቱባወን ሰነ ገርዳፎ መነ ቁልቁሉማ ዱረ ዸዻቤ። ኡቱባ ከራ ክባቲን “ያኪን” ከን ከራ ካባቲንሞ “ቦኤዝ” ጄዼ። 22 ጉቱወን ፊጤ ሰነረ ጅረን ደራራ ፈካቱ ቱረን። ሆጂን ኡቱባወንራስ አከሲን ዹሜ።

23 እንስ ስቢለ በቅፈሜራ ጋኒ ጌንጎ አፋንሳ ቀርቀረ ቶኮ ሀመ ቀርቀረ ካኒት ዹንዹመ ኩዸን በልአቴ ዹንዹመ ሸን ኦል ዼረቱ ቶልቼ። ናኖንሳስ ፉኞዻን ሰፈረሜ ዹንዹመ ሶዶመ ተኤ። 24 ህዺሳ ጀላንስ ዹንዹመ ቶኮ ቶኮረት ዊሌ ኩዸን ኩዸንቱ ናኔፈሜ ቱሬ። ውሌወን ሱንስ ጋኒ ሰነ ወጅን ተሬ ለማን ወሉመት በቅፈመኒ ሆጄተመን።

25 ጋንችስ ኮሮሚ ኩዸ ለመ ከኔን እሳን ኬሳ ሰዲ ገረ ካባት፣ ሰዲ ገረ ዽኣት፣ ሰዲ ገረ ክባት፣ ሰዲሞ ገረ በኣት ገረገለንረ ዻበቴ። ጋኒን ሱን ዱግደሳኒረ ዻበቴ ኤጌን ሁንደሳኒ ገረ ወለካት ገረገሌ ቱሬ። 26 ጋኒን ሱን ሀመ በሩ ሀርካ የበተ ቱሬ፤ ህዺንሳስ አኩመ ህዺ ኩባያ ዮካን ደራራ ሀዳ ፈካተ ቱሬ። እንስ ባዶሲ ኩመ ለመ ቀበተ ቱሬ።

27 አከሱመስ ባቱወን ናሲ ከኔን እዶ ቶኮ ሶቾኡ ደንደአን ኩዸን ቶልቼ፤ ቶኮን ቶኮንሳኒ ዹንዹመ አፉር አፉር ለፈረ ዼረተኒ በልእነ ዹንዹመ አፉር አፉሪቲፊ ኦል ዼርነ ዹንዹመ ሰዲ ሰዲ ቀቡ ቱረን። 28 ሃል እት ባቱወን ኩኔን ሆጄተመንስ ከነ፦ እሳንስ ስቢለ በበልኣ ምችችላን መርፈሜ ቀቡ ቱሬ። 29 ስቢለወን ምችችላን መርፈመን ሰነረስ ፈኪ ሌንጨወኒ፣ ከን ጅቦታቲፊ ከን ኪሩቤሊቱ ቱሬ፤ ምችችለወን ሰነረስ አከሱመ ቱሬ። ፈኪ ሌንጨወኒቲፊ ጅቦተ ሰነ ጀላፊ ጉባንስ ፈኪ ደራራ ፎአማ ከን ስቢለ ቱመሜን ቶልፈሜ ቶኮቱ ቱሬ። 30 ቶኮን ቶኮን ባቱ ሰና ጎማ ናሲ አፉር አፉሪፊ ሶማ ናሲ ቀበ ቱሬ፤ ጎሌወን አፍረኒንስ ኡቱባወንቱ ቱሬ፤ ኡቱባወን ኩኔንስ በቅፈመኒ ደራራ ፎአማዻን ሚዸግፈመኒ ቶልፈመን። 31 ገረ ኬሰ ባቱ ሰናቲን ኡራ ጌንጎ ከን ዹንዹመ ቶኮ ገድ ፈጋቱቱ ቱሬ። ኡራን ኩንስ ጌንጎ ተኤ ጀልሳ ዹንዹመ ቶኮፊ ወለካ በልአተ ቱሬ። ናኖ ኡራሳት ዋን ሶፈሜ ፋዬፈሜ ቶኮቱ ቱሬ። ስቢል ባቱ ሰና በልኣን ሮገ አፉሪን ወል ቅጤ ቱሬ መሌ ጌንጎ ህንቱሬ። 32 ጎማወን አፍረን ሱን ስቢለ በበልኣ ጀለ ቱረን፤ ሶማን ጎማወኒስ ባቱ ሰናን ወልት ቀብሲፈሜ ቱሬ። በልእን ቶኮ ቶኮ ጎማ ሰናስ ዹንዹመ ቶኮፊ ወለካ ቱሬ። 33 ጎማወን ሱንስ አኩመ ጎማወን ጋሪት ሆጄተመን። ሶማንሳኒ፣ ህዺንሳኒ፣ ሆኮንሳኒቲፊ ሀንዹርሳኒ ሁንድኑ ስቢለ በቅፈሜራ ሆጄተሜ።

34 ቶኮ ቶኮ ጎሌወን ባቱ ሰና አፍረንረ ምችችለወን አፉርቱ ቱሬ፤ ምችችለወንሳስ ባቱዹመ ሰናን ወልት ሆጄተመን። 35 ፊጤ ባቱ ሰናረ ጌንጎ መረማ ዹንዹመ ወለካ ዼረቱ ቶኮቱ ቱሬ። ምችችለወኒፊ ስቢል በበልኣን ሱን ፊጤ ባቱ ሰናት ቀብሲፈመኒ ቱረን። 36 እንስ ምችችለወኒፊ ስቢለ በበልኣረት እዶ ሁንደት ፈኪ ኪሩቤሊ፣ ከን ሌንጮታቲፊ ከን ሙኬን ሜጢ ሶፌ ፈኪ ደራራ ፎአሜስ ናኖሳኒ ጉቱት መርሴ። 37 ሃል እን እቲን ባቱወን ኩርነን ሰነ ሆጄቴስ ከናዸ። እሳን ሁንድኑ ሃሉመ ቶኮን በቅፈመኒ ሆጄተመን፤ ወል ቅጣተኒስ ብፈ ቶኮ ቀባተን።

38 ኤርገሲስ ጫቢወን ናሲ ኩዸን ከኔን ቶኮን ቶኮንሳኒ ሰፈርቱ ባዶስ አፉርተመ ቀባቴ በልእንሳስ ዹንዹመ አፉር ተኡ ሆጄቴ፤ ቶኮ ቶኮ ባቱወን ኩርነን ሰናረስ ጫቢ ቶኮ ቶኮቱ ቱሬ። 39 እንስ ባቱወን ሰነ ኬሳ ሸን ከራ ክበ መነ ቁልቁሉማቲን፣ ሸንሞ ከራ ካበ መነ ቁልቁሉማቲን ዻቤ። ጋኒ ሰነሞ ከራ ክባቲን፣ ክበ በአ ጎሌ መነ ቁልቁሉማቲን ዻቤ። 40 እን ኦኮቴወን፣ ዋን ዳራን እቲን ሀማረሙፊ ጫቢወን እቲን ዺገ ፈጫሰንስ ንቶልቼ።