Eebbifamuu Nama Qajeelaa
Faarfannaa 112
1 Haalleluuyaa.
Namni Waaqayyoon sodaatu,
kan ajaja isaatti baayʼee gammadu eebbifamaa dha.
2 Sanyiin isaa lafa irratti jabaa taʼa;
dhaloonni tolootaa ni eebbifama.
3 Qabeenyii fi badhaadhummaan mana isaa keessa jira;
qajeelummaan isaas bara baraan jiraata.
4 Nama tolaa fi arjaadhaaf,
gara laafessaa fi qajeelaaf,
dukkana keessatti iyyuu ifni ni baʼa.
dukkana keessatti iyyuu ifni ni baʼa.
5 Nama arjaa fi nama waa namaa liqeessuuf,
nama hojii isaa qajeelummaadhaan adeemsifatuuf
waan gaariitu taʼa.
waan gaariitu taʼa.
6 Dhugumaan inni gonkumaa hin raafamu;
namni qajeelaan bara baraan yaadatama.
7 Inni oduu hamaa hin sodaatu;
garaan isaas Waaqayyoon amanachuudhaan
jabaatee dhaabata.
jabaatee dhaabata.
8 Garaan isaa hin raafamu; hin sodaatus;
dhuma irrattis diinota isaa moʼata.
9 Inni ni bittinneesse; hiyyeeyyiifis ni kenne;
qajeelummaan isaa bara baraan ni jiraata;
gaanfi isaas ulfinaan ol qabama.
10 Namni hamaan waan kana argee aara;
ilkaan isaa qara; baqees ni bada;