2
Waajibittii
1 Ani akka daraaraa lafa Sharoniitii fi
akka daraaraa dhooqa keessaa ti.
Waajibichi
2 Jaalalleen tiyya dubartoota oddu'utti
akka daraaraa qoree odduu jiruu ti.
Waajibittii
3 Jaalalleen kiyya dargaggoota oddu'utti,
akka muka appili'ii ka baddaa keessa jiruu ti.
Ani gaaddisa isaa jala tee'iisatti hin gammada;
midhaan isaalle afaan kiyyatti hin mi'owa.
4 Inni gara mana gammadaa na geesse;
beessisi jaalala isaa na irra jira.
5 Ani jaalala isaatiin qabame waan gaggabeef,
midhaan woyni'ii nyaachisa'aatii na jabeessa'a;
midhaan muka appili'iitiin na gammachiisa'a.
6 Harki isaa bitaachi mataa kiyya jala adoo jiraataa;
harki isaa middichi adoo na hanqafataa.
7 Ee dubartoota Yerusaalemii,
haga inni fedhuma ifiitiin ka'utti,
jaalallee kiyya tirtirsitanee akka hin dammassine,
ani maqaa jilibaa yookiin gadansa badda'aatiin,
isin magannifadha.
Faaruu Lammeesso'oo
Waajibittii
8 Kunoo, jaalalleen kiyya,
gaarota irra u'utaalaa,
koobota irra burraaqaa dhufuun qoonqoo dhage'a.
9 Jaalalleen kiyya jilibaa yookiin
ilmoolee gadansaa fakkaata.
Kunoo inni dalleya mana keennaa duuba dhaabbata;
qowa dalleyaatiin,
fodda'aan gara keessaa ilaaliisatti jira.
10 Jaalalleen kiyya natti dubbatee,
«Jaalallee tiyya, dansittii tiyya!
Koy, woliin ideenna.
11 Kunoo, ganni dabareera;
bokkeenni roobuu lakkisee caameera.
12 Daraaraan baquu jalqabeera;
yennaan faaruu faarfatanu geetteerti;
qoonqoon saphaliisaa lafa teenna keessatti
dhage'anteerti.
13 Harruun midhaanotteerti;
woyniille daraartee uddootteerti.
Jaalallee tiyya, dansittii tiyya!
Ka'i, woliin ideenna» naan jedhe.
Waajibichi
14 Ee, saphaliisa tiyya,
ta holla dhakaa keessaa,
ta addee dhokata gaara keessaa,
fuula keeti natti mudhisi;
qoonqoo teeti na dhageessis;
qoonqoon teeti natti tolti;
fuulli keeti natti miidhaga.
15 Jeedalootaa fi ilmoolee jeedalootaa
worra woynii teenna ta daraariisatti jirtu
nu duraa balleessu, nuu qaba'a.
Waajibittii
16 Jaalalleen kiyya, kiyyuma;
anille ta isaa ti;
inni daraaraa dansaa keessa horii tissa.
17 Ee jaalallee kiyya! Adoo boruun hin dayya'in,
aduun adoo hin bayin,
akka jiliba'aa yookiin
akka ilmoolee gadansaa,
gaara bu'aa bayii qabu irra