୬ [a]ଅବ୍ରାହାମ୍ନେ ସାମୁଆଁ ମନେ ଡିଙ୍ଗ୍ପା । ସାସ୍ତର୍ନିଆ ଗୁଆର୍ବକେ “ମେଁ ଇସ୍ପର୍ ଡାଗ୍ରା ବିସ୍ବାସ୍ ଡିଙ୍ଗ୍କେ ବାରି ମେଃନେ ବିସ୍ବାସ୍ ସା ଇସ୍ପର୍ ଆମେକେ ଦାର୍ମିକ୍ ଡାଗ୍ଚେ ଗ୍ରଅନ୍ ଡିଙ୍ଗ୍କେ ।” ୭ [b]ଜାଣ୍ଡେଇଂ ବିସ୍ବାସ୍ ଡିଙ୍ଗ୍ଆର୍ଏ ମୁଇଂ ମେଇଂ ଆଃ ଅବ୍ରାହାମ୍ନେ ସତ୍ ବଁସ୍କୁଲ୍ ଆକେନ୍ ପେ ମ୍ୟାନେ ପଡ଼େଏ । ୮ ସିସେ ବାନ୍ ଦରମ୍ ସାସ୍ତର୍ନିଆ ଗୁଆର୍ ବକେ ଜେ ବିସ୍ବାସ୍ ବାନ୍ ଇସ୍ପର୍ ଅଣଜିଉଦି ରେମୁଆଁଇଂକେ ଡିଗ୍ ଦାର୍ମିକ୍ ଡାଗ୍ଚେ ସା ଆର୍ଏ । ଅବ୍ରାହାମ୍ ଡାଗ୍ରା ଆକେନ୍ ସାମୁଆଁ ପର୍ତୁମ୍ ବାସଙ୍ଗ୍ ଡିଂଲେଗେ । “ପେବାନ୍ ଇସ୍ପର୍ ମଞ୍ଚ୍ପୁର୍ନେ ସାପା ରେମୁଆଁଇଂକେ ଆସିର୍ବାଦ୍ ଡିଙ୍ଗ୍ଏ ।” ୯ ଅବ୍ରାହାମ୍ ବିସ୍ବାସ୍ ଡିଙ୍ଗ୍ଚେ ଆସିର୍ବାଦ୍ ବାଲେଃଗେ; ତେସା ଜାଣ୍ଡେଇଂ ବିସ୍ବାସ୍ ଡିଙ୍ଗ୍ଆର୍ଏ ମେଇଂ ସାପାରେ ମେଁ ରକମ୍ ଆସିର୍ବାଦ୍ ବାଆର୍ଏ ।
୧୦ ଜାଣ୍ଡେଇଂ ନିୟମ୍ ପାଲେନେ ଆଡ଼ାତ୍ରା ଆସା ବଆର୍ଏ ମେଇଂ ଅବିସାପ୍ନେ ବିତ୍ରେ ଜିବନ୍ କାଟେଆର୍ଏ । ମେଃଡାଗ୍ଲା ଦର୍ମ ସାସ୍ତର୍ନ୍ନିଆ ଗୁଆର୍ ବକେ “ମସାନେ ନିୟମ୍ ବଇଅରିଆ ଜା ସାପା ଗୁଆର୍ ବକେ ଜଦି ଜାଣ୍ଡେଡିଗ୍ ପୁରାପୁରି ବାବ୍ରେ ଆତେନ୍ ପାଲନ୍ ଆଡିଂଆର୍ ଣ୍ଡୁ ମେଁ ଇସ୍ପର୍ନେ ଅବିସାପ୍ନେ ଉଙ୍ଗ୍ଡେ ଡିଙ୍ଗ୍ଏ ।” ୧୧ ତେସା ଆକ୍ବା ନିମାଣ୍ଡା ବାବ୍ରେ ମ୍ୟାଃଡିଙ୍ଗ୍ଏ ନିୟମ୍ ଏତେ ମେଃଡିଗ୍ ରେମୁଆଁ ଇସ୍ପର୍ନେ ସାର୍ମୁଆଃନ୍ନିଆ ଦାର୍ମିକ୍ ଡିଙ୍ଗ୍ଆୟା ଆର୍ ଣ୍ଡୁ ମେଁ ଡାଗ୍ଲା ଦର୍ମ ସାସ୍ତର୍ନିଆ ଗୁଆର୍ ବକେ “ବିସ୍ବାସ୍ ବାନ୍ ଇସ୍ପର୍ ଡାଗ୍ରା ଦସି ଣ୍ଡୁ ଡାଗ୍ଚେ ମନେ ବାବେଡିଙ୍ଗ୍କ୍ନେ ରେମୁଆଁ ଆଃ ମାତର୍ ବ୍ରୁଆଏ ।” ୧୨ ମାତର୍ ନିୟମ୍ ଏତେ ବିସ୍ବାସ୍ନେ ମେଃଡିଗ୍ ସମ୍ପର୍କ ଣ୍ଡୁ । ରମିୟ ସାସ୍ତର୍ନିଆ ଗୁଆର୍ବକେ “ମୁଡ଼ି ରେମୁଆଁ ନିୟମ୍ ନିତି ନିୟମ୍ ସାପା ପାଲନ୍ ଡିଙ୍ଗ୍ଏ ମେଁ ବ୍ରୁଆଏ ।”
୧୩ ମାତର୍ କିସ୍ଟ ନେ ଆତ୍ଲା ଅବିସାପ୍ ବାଚେ ନିୟମ୍ନିଆ ଗୁଆର୍ବକ୍ନେ ଅବିସାପ୍ବାନ୍ ଆନେକେ ଆମ୍ବ୍ର ବକେ । ଦର୍ମ ସାସ୍ତର୍ନିଆ ଗୁଆର୍ବକେ “ଜା ସ୍ଲା ଡାଗ୍ରା ଡେଗ୍ଗଃଚେ ଗୁଏଃଏ ମେଁ ଇସ୍ପର୍ ବାନ୍ ଅବିସାପ୍ ବାଏ !” ୧୪ ଇସ୍ପର୍ ଅବ୍ରାହାମ୍କେ ଆଣ୍ଡିନେ ଆସିର୍ବାଦ୍ ବିନ୍ସା ପାର୍ମାନ୍ ଡିଙ୍ଗ୍ବଗେ ଅଣଜିଉଦିଇଂ ଡିଗ୍ ଡିରକମ୍ ଆତେନ୍ ବାୟା ଆର୍ଏ ଆତେନ୍ସା ଜିସୁ କିସ୍ଟ ଆକେନ୍ କାମ୍ ଡିଙ୍ଗ୍ବକେ । ତେସା ବିସ୍ବାସ୍ ଏତେ ନେ ଡିଗ୍ ଇସ୍ପର୍ ବିବକ୍ନେ ସାମୁଆଁ ଇସାବ୍ରେ ପବିତ୍ର ଆତ୍ମା ବା ନେୟାଏ ।
୧୯ ତେଲା ନିୟମ୍ ମେଃସା ବିବଆର୍ଗେ ? ରେମୁଆଁନେ ସତ୍ଣ୍ଡୁନେ କାମ୍ ସାପା ଆକେ ବିନ୍ସା ମେଃନେ ଉଦେସ୍ ଲେଃକେ ବାରି ଅବ୍ରାହାମ୍ନେ ମୁଡ଼ି କୁଲ୍ବଁସ୍ଇଂକେ କେଚେ ଇସ୍ପର୍ ଆତେନ୍ ପାର୍ମାନ୍ ଡିଙ୍ଗ୍ବଗେ ଅଃତେନ୍ ରେମୁଆଁଇଂ ପାଙ୍ଗ୍ ଜାକ ନିୟମ୍ନେ ଦର୍କାର୍ ଲେଃଗେ । ମୁଇଂ ରେମୁଆଁନେ ବିତ୍ରେବାନ୍ କିତଂ ଦୁତ୍ଇଂନେବାନ୍ ନିୟମ୍ ପାଙ୍ଗ୍ଲେଃଗେ । ୨୦ ମାତର୍ ସପତ୍ ଡିଙ୍ଗ୍ଚେ ମୁଇଂ ପାକା ସାପାରେ ମିସୁ ଲେଃଆର୍ଗେ । ମେଁ ଡିଙ୍ଗ୍ଡିଙ୍ଗ୍କେ ନିଜେ ଇସ୍ପର୍ ।
୨୩ ବିସ୍ବାସ୍ନେ ଜୁଗ୍ ପାଙ୍ଗ୍ନେ ସେନୁଗ୍ ବା ତ୍ନା ଜାକ ନିୟମ୍ ଆନେ ସାପାରେକେ ଗାଗ୍ଚେ ବଗେ । ୨୪ କିସ୍ଟ ପାଙ୍ଗ୍ନେ ଜାକ ନିୟମ୍ ଆନେକେ ଅଦିକାର୍ରେ ବଗେ; ମାତର୍ ତେନ୍ଇଡ଼ିଂ ମୁଇଂ ବିସ୍ବାସ୍ ଏତେ ନେ ଇସ୍ପର୍ ସାର୍ମୁଆଃନ୍ନିଆ ଦସ୍ ଣ୍ଡୁ ଡାଗ୍ଚେ ମନେ ବାବେ ଡିଙ୍ଗ୍ଏ । ୨୫ ଏବେ ବିସ୍ବାସ୍ନେ ଜୁଗ୍ ପାଙ୍ଗ୍ଲେଃକେ ନେ ବାରି ନିୟମ୍ ଡାଗ୍ରା ନେଲେଃକେ ।
୨୬ ବିସ୍ବାସ୍ ଏତେ କିସ୍ଟ ଜିସୁ ଏତେ ମିସୁଚେ ପେ ସାପାରେ ଇସ୍ପର୍ନେ ଗଗିସିଆ ଡିଙ୍ଗ୍ପେଲେଃକେ । ୨୭ ଦିକ୍ୟା ଏତେ ପେ କିସ୍ଟ ଏତେ ମୁଇଂ ଡିଙ୍ଗ୍ପେଲେଃକେ ବାରି ଏବେ ଜିସୁ କିସ୍ଟନେ ଜିବନ୍ ରକମ୍ନେ ପାଟାଇ ୱାଡ଼େଗ୍ ପେଲେଃକେ । ୨୮ ତେସା ଜିଉଦି ବାରି ଅଣଜିଉଦି ଚାକର୍ ବାରି ସାକାର୍, ଙ୍ଗିରେ ବାରି ସେଲାମ୍ବୁଏଃ ବିତ୍ରେ ବାରି ମେଃଡିଗ୍ ଅଲ୍ଗା ଣ୍ଡୁ । ପେ ସାପାରେ ଜିସୁ କିସ୍ଟ ଏତେ ମିସୁଚେ ମୁଇଂ ଡିଙ୍ଗ୍ପେଲେଃ । ୨୯ [d]ଜଦି ପେ କିସ୍ଟନେ ପେ ଡିଗ୍ ଅବ୍ରାହାମ୍ନେ କୁଲ୍ବଁସ୍ଇଂ ବାରି ଇସ୍ପର୍ ମେଃନେ ସପତ୍ ଡିଙ୍ଗ୍ବକେ ଆତେନ୍ ପେବାଏ ।
<- ଗାଲାତିୟ 2ଗାଲାତିୟ 4 ->