6 [g][h]Na Raraŋ Aetaniacna kakadmaina opotac mbuŋ tik, ma aina kabe, kabemo iroar damndamma aimo opotacna reac laŋna kirara moca neaŋgatna, aintik aina ramoot ianna, landamŋi mananna ramma momona ramootna kirarna kam toc ndop te, anna laŋ, ma ndona rɨtɨpacna mɨnna kambta mɨn niŋgik ndop. 7 [i]Na ramoot ian, ma Raraŋ Aetaniacna kabena meikramtaɨr ŋgotacna landamŋiap te, laŋ ma min ŋgopotacna aiŋ gidikca mo. Na ramootta ririptina aiŋa mona landamŋiap te, ma ririptina aiŋ gidikca mo. 8 [j]Na ramootta meikramtaɨrta iroar inkara moi gagarana landamŋiap te, ma meikramtaɨrta iroar inkara moi gagarana aiŋmo, aiŋ gidikca mo. Na ramootta reik matpirena meikramtaɨrmo reik kotac ndop te, ma minmo reikmo iro laŋap neaŋ. Na ramootta aiŋ ianna ŋginaŋa morenan te, ma an aiŋmo matau moi gagra. Na ramootta kabena meikramtaɨrmo kakadmaina opotaca morenan, ma minmo toŋgoca minmo otacrena.
13 [o]Na Raraŋ Aetaniacna meikramtaɨr ndeida, mina reik ndeida matpai te, ne minmo otac. Na kabena auŋna meikramtaɨr ndeida mina nen ndambuŋ nakɨp te, ne minmo matau ŋgoinna raupŋi.
14 [p]Na meikramtaɨra nenmo matau mo ŋgocora mo te, karica ne Raraŋ Aetaniacmo mbendeica ma minmo matau mo. Na anna gidik, ne Raraŋ Aetaniacmo mbendeica ma minmo matau mo. Na ne manmo mina moi ŋgocrai nake kai mbendei teac. 15 [q]Na ne an toŋgoca werairena meikramtaɨrap tɨkca ne muruŋa tɨkca toŋgo werei. Na ne an aerena meikramtaɨrap tɨkca ne muruŋa aeraŋ. 16 [r]Ne kabena meikramtaɨrmo an tɨp kirar kabe niŋgikca mo. Na ne ndorimo gainda kai lamŋi teac, “Aia meikramtaɨr anik ndeacnande.” Wanaiŋ. Na ne an iremb kocora wanaiŋ ndeacrena meikramtaɨr motocmo minap eteacna toŋtoŋap eac. Ne ndorita ia kai aŋgɨri ŋgepca gainda kai mbop teac, “Auk niŋgik, aku ndo landamŋiap.”
17 [s]Na mina nemo tɨp ŋgoreaca mo te, ne mina tɨp ŋgoreaca kai mac nda ruti teac. Kari. Memetmbaca ne meikramtaɨr muruŋcamiŋna lamnikmo tɨp kirar laŋ niŋgikca mona landamŋi, ndamŋi. 18 [t]Na ne mɨn ecte, ne ndori koinda kaega kai mo teac, ruŋna iro kai aŋgɨ teac. Memetmbaca ne kabena meikramtaɨrap iro wetwetta tɨkca tumbun ndeacna taupembta kore. 19 [u]Na ne aukna aikor laiŋ koind, ne ndori puŋga mina nenmo moekna tɨpemb ŋgorikmo, ne kai mac nda ruti teac. Ne Raraŋ Aetaniacmo wattacarica ma minmo nikkat. Na ne malamŋireke, Raraŋ Aetaniacna timbigta kapca gan kammap maeacreke, “Tɨp ŋgoreac mac nda rutinanna, anna aukna aiŋ. Aku ndo mina tɨp ŋgoreac minan mac nda rutica, minmo mo ŋgoreaca monande. 20 [v]Na ŋarikca una puŋndamootta nik wataica eacraŋ te, u manmo amna reac neaŋ. Na ma logot gagra te, u manmo puk neaŋ. U ainda mo te, ma numbira mocarinande, ndo morina tɨp ŋgoreacna moca.” 21 U tɨp ŋgoreacmo kai watcarica ma unmo kai kun teac. Wanaiŋ. Una tɨp laŋ niŋgik mbuŋa u tɨp ŋgoreacmo moi iriknande.
<- Rom 11Rom 13 ->- a Ŋap 50.13-14, na In 4.24, na Ro 6.11-13, na 1 Ko 6.13, na 6.20, na Ib 10.20, na 1 Pi 2.5
- b Epe 1.18, na 4.23, na 5.10, na 5.17, na Kol 1.21, na 1 Pi 1.14, na 1 Io 2.15
- c 1 Ko 3.10, na 12.7, na 12.11, na Gal 2.9, na Epe 4.7
- d Epe 4.16
- e 1 Ko 12.12
- f 1 Ko 12.27, na Epe 4.25
- g 1 Ko 12.28, na 13.2, na 1 Pi 4.10-11
- h 1 Ko 12.4-11
- i Up 13.1, na Gal 6.6, na 1 Ti 5.17
- j Up 15.32, na 20.28, na 2 Ko 9.7, na 1 Pi 5.2
- k Ŋap 34.14, na Emo 5.15, na 1 Ti 1.5, na 1 Pi 1.22
- l Pil 2.3, na Ib 13.1, na 1 Pi 1.22, na 2 Pi 1.7
- m Up 18.25, na KIEK 3.15
- n Up 2.42, na Pil 3.1, na 1 Te 5.16-17, na Ib 3.6, na 10.36, na Ie 1.4
- o 1 Ko 16.1, na 2 Ko 9.1, na 9.12, na Ib 13.2, na 13.16, na 1 Pi 4.9
- p Mt 5.44, na Lk 6.28, na Up 7.60, na 1 Ko 4.12, na 1 Pi 3.9
- q Ŋap 35.13
- r Ŋap 131.1-2, na ML 3.7, na Ais 5.21, na Ier 45.5, na Ro 11.20, na 15.5
- s Mt 5.39, na Ro 14.16, na 2 Ko 8.21, na 1 Te 5.15
- t Mk 9.50, na Ro 14.19, na Ib 12.14
- u TW 32.35, na ML 24.29, na Mt 5.39, na Ro 12.17, na 13.4, na 1 Te 1.6-7, na Ib 10.30
- v NA 23.4-5, na ML 25.21-22, na Mt 5.44