5 [d]“Na aku ndo wain ŋgatɨk, na ne ŋgatɨk wainna ŋaik. Na ramootta aukmo mɨkca, na aku mana mɨk te, ma amta reik wɨt ŋgernandet. Na ne aukmo tɨkcari te, ne reac ianna mba moitndai. 6 [e]Na ramoot ianna aukmo mɨk ŋgocor te, mina manmo ik ŋaca mo kecarirena kirara mina manmo ainda monandet, na ma gurunandet. Na ainta ŋgatɨk ŋaikca mina aŋgɨ punica taca ke mbukca wɨrrenan.
7 [f]“Na ne aukmo mɨk te, na aukna kambca nenapa eacrenan, ne ndorita toŋtoŋgarta mɨnna reikta digi te, an reikca ne mboprina kirar ndarunandet. 8 [g]Na ne amta reik wɨt ŋgera aukna iŋa raŋgairena ramtaɨr ndeacnande. Na an tɨpna kirar mbuŋa aukna Aetta ma i aniac aŋgɨnandet. 9 Na Aetta ma aukmo mamatŋirenan, na an tɨpna kirar kabea aku nenmo matŋirena. Na memetmbaca ne an aukna mamatŋina inik ndeacraŋ. 10 [h]Na ne aukna tɨpemb wandikapa aukna kambca matau raŋgairaŋ te, ne aukna mamatŋina inik ndeacnandet. Na an tɨpna kirara aku ndona Aetna tɨpembapa kambca mataua raŋgairenan, na aku mana toŋtoŋna inik ndeacrenan. 11 [i]Na an reikca aku nenmo mboprinanna. Na aku toŋgorinanna, aukna toŋtoŋa nenap eaca, na an toŋtoŋa ma nena nikinik iroarmo moi mɨn koinda tɨknande. 12 [j]Na aukna tɨp wandɨkca ma gaind, ne kabe, kabea ne kabena meikramtaɨrmo matau matŋi, na an tɨpna kirara aku nenmo matŋirenan. 13 [k]Na ramoot ianna ma ndona aikndamtaɨrmo mamatŋi ŋgoin, na ma ndona eteacna wat ndonanmo kecarica min ŋgotac te, na an kabena meikramtaɨrmo matau matŋirena tɨpna kirara, ma kabena meikramtaɨra matŋina tɨpna kirarmo kunda tamuŋmbai. 14 [l]Na auk mbopatnanna, ne ainda mo te, ne aukna aikndamtaɨra eacnandet. 15 [m]Na mbaiŋna ramootta ma ndona kacootna morena reikca ma mba lamŋirenan. Ainda moca aku nenmo gainda mba ŋgacri, ‘Ne mbaiŋna ramtaɨr.’ Wanaiŋ. Na kambca aku Aet ndambuŋa muruŋa waracrinanna, anna aku nenmo mboprena. Aintik aku nenmo, ‘Aikndamtaɨr ŋgacrena.’
16 [n]“Na ne aukmo mba larapaca aku nenap eacrenan. Wanaiŋ. Aku nenmo larapaca ne aukna wiwit ndeacrenan. Na aku nenmo aiŋ neaŋrinan, ne taŋga an aiŋa mo gagra, na mana gagamma ma larunandet, te, ma mba ŋgocraiitndai. Ainda moca ne Aetmo aukna i mbuŋa mbendeica reac ianna digi te, ma nenmo neaŋnandet. 17 [o]Na aku nenmo gagraca mambopek. Ne kabe, kabea kabena meikramtaɨrmo matŋiraŋ.”
22 [t]“Na aku kɨpca minmo kambca neaŋ ŋgocor, te, mina tɨpemb ŋgorikta makukara mba mbukitndai. Na mandeaca mina ndorita tɨp ŋgoreacna makukara iŋgorocna taupemb kocor. 23 [u]Na ramootta aukmo puŋndamootta mo te, ma aukna Aet motocmo ma puŋndamootta monande. 24 [v]Na an aiŋir gargarara ramoot ianna mina rɨkmo ŋgaua mo ŋgocornanna, aku an aiŋir anikca mo ŋgocor te, na mina anna wat te, mina ndorita tɨpemb ŋgorikta makukara mba aŋgɨitndait. Na mina aukna aiŋira muruŋa watrinan, na mina aukmo puŋndamootta morina, na aukna Aet motocmo, ainda morina. 25 [w]Na an tɨpna kirara mina moatnanna anna ma laruca mina Tɨp Wandɨkna kam ianna moca mɨnna tɨkna. Na an kamma ma gaind, ‘Meikramtaɨra aukmo wanaiŋa puŋndamootta morena.’
26 [x]“Na nenmo opotacna Ŋeroŋa ma Aetap eacrenan, na aku manmo mbagɨrica nen ndambuŋa kɨpnandet. Na an Ŋeroŋa ma kam gidik ndoprena, na ma Aetap eacrenan, na ma kɨpnandet. Na ma kɨp te, ma aukna aiŋapa tɨpna kirarmo mbopi laru garacnandet. 27 [y]Ainda moca ne toco aukna kambmo wiwiti mbop, na anna ne aukap eaca aku an mɨnna aiŋa moa ŋgeprinan, na ne aukap eaca kɨpca mandeacna mɨn.
<- Ion 14Ion 16 ->- a Mt 3.10, na 15.13
- b In 13.10, na 17.17, na Epe 5.26, na 1 Pi 1.22
- c In 6.56, na Kol 1.23, na 1 Io 2.6
- d Osi 14.8, na In 15.16, na 2 Ko 3.5, na Pil 1.11, na 4.13
- e Mt 3.10, na 7.19, na 13.42
- f Mt 7.7, na In 14.13-14, na 15.16, na 16.23
- g Mt 5.16, na In 8.31, na Pil 1.11
- h In 14.15, na 14.21-23, na 1 Io 2.5
- i In 16.24, na 17.13, na 1 Io 1.4
- j In 13.34, na 15.17, na 1 Te 4.9, na 1 Pi 4.8, na 1 Io 3.11, na 3.23, na 4.21, na 2 Io 1.5
- k In 10.11, na Ro 5.7-8, na Epe 5.2, na 1 Io 3.16
- l Mt 12.50, na In 14.15, na 14.23
- m In 17.26, na Up 20.27
- n Mt 28.19, na Mk 16.15, na In 6.70, na 14.13, na 1 Io 4.10, na 4.19
- o In 13.34
- p Mt 10.22, na 1 Io 3.1, na 3.13
- q In 17.14, na 1 Io 4.5
- r Esi 3.7, na Mt 10.24, na Lk 6.40, na In 13.16
- s Mt 5.11, na 10.22, na 24.9, na Mk 13.13, na In 16.3
- t In 9.41, na Ro 1.20, na Ie 4.17
- u Lk 10.16, na 1 Io 2.23
- v In 3.2, na 7.31, na 9.32, na 9.41, na 14.11
- w Ŋap 35.19, na 69.4
- x Lk 24.49, na In 14.26, na 16.7, na 16.13, na Up 2.33, na 1 Io 5.6
- y Lk 1.2, na 24.48, na Up 1.8, na 1.21-22, na 1 Pi 5.1, na 2 Pi 1.16