1 Emuli tale isaa o voto aghe mene tarala mene kateva ensolo ghe sio mae epona liu, matuutulienaane namungaili, me mallangina ateva ghe mallangi ekapala kosa ateva. 2[a]Ghe sama anamungailiila, ghe ue va,
6[e]Am mene liu lao etana ase salana ghe gheelei lao ta katoa,
am tani liu ghaluaata eaikokkonoria tee gheeleiaane,
me tale unna kapa ateva ghe kaokao apasua,
am kao apasua me am ghelei ghaluaata nongina ghe gheelei.
7[f]Nau etoa ghe saasaeaa nannaane me ghe ghaaghaa oroi masi voto,
tale isaa oia nau utau lao nimmarikana tale vilikina me nialousiusi tani airooaa,
poli ia ghe ue va, ‘Aghi kuiini ieghi,
me aghi karika va vause raue vulu ieghi,
me karika aue aghateateaa nialousiusi.’
8[g]Ia avalua o me aue eateateaa sesa voto atoa tale kateva nonga nau;
nimate, nialousiusi me kinatama maloo,
me aue kura ateae eata voroia,
poli Vau ngepona ateva God sarasarakanaaili ia aue eghelei niaisakei eteae etana.
9[h]“Vara me lo atoa kingi tale kosa ateva laghe asoaso teeia tani ghelei ssavoto, me laghe masimasi eitauaa teeia, aue la ngala me la alousiusi nau eteva la tara asuna ateva elaa saesae, nau kura ateae eataataia. 10 Aue la tingina amasau tani taatara lao poli la maamatautu tani tara nimmarikana ateva, me aue la ue va,
Tale kateva nonga aoa ngateva me niaisakei ange ghaaiola!’
11[i]“Tau bisnisi etoa tale kosa ateva aue la ngala me la alousiusi teeia, poli karika toa aue la mene poli peiira. 12[j]Peiira nongina golo, silva, masi ngatu etoa, pel atoa, kalio malallake, kalio ghueghuenna, kalio silk, kalio raeraeana, asease voto atoa gheeghelei tale ai masi ngusungusuaane, me asease voto atoa gheeghelei tale ngisi elepen, me asease voto atoa gheeghelei tale ai aipolina namuu, brons, aeana, me atu eteva mabolo ia, 13 sinamon me mene katoa spais, aiaavusuvusuena, murr, frankinsens, uaeni, oliv oeli, palaoa, uiti, vulumakao, sipsipi, ooso, ai-ilou, me lo atoa la uungu me karika la tokatoka tale aloannaaira.
14 “Tau bisnisi etoa laghe ue etana va, ‘Masi voto atoa ughe aloanna tani tue peipeiena tee ang ghele aikapakapaiila, peim atoa me masi taataram atoa ang ghele kapala, karika aue umene tara poi.’ 15[k]Tau bisnisi etoa laghe aaippoliaa me laghe aaitauaa isaa o voto etam me laghe tau peipeienala, aue la nim tingina amasau mae poli la maamatauta nimmarikana ateva etam, me aue la ngala me la ghalousiusi, 16[l]me aue la ue va,
“ ‘Alousiusi, alousiusi, masaliki taatara ateae,
ughe molumoluaa masi kalio atoa, ghueghuenna me raeraeana kalio,
me ughe molumoluo tale golo me tale asease atu etoa masi taataraira atoa, me pel atoa.
17[m]Poli tale kateva nonga ia aoa ngateva isaa akapa kinatama masi voto atoa ngila tturungilala.’
“Me ila akapaaili kapteni etoa tale anua atoa me lo atoa la aikaai etaira me mene katoa la uungu elamana tani ghaa viliki veu aue la tingina amasau. 18[n]Me aue la sama anamuu nau eteva la tara asu kura ateae nau eteva eataataia, me la ue va, ‘Karika mene teae masaliki taatara nongina lo ateae oia.’ 19 Me aue la velu sae au ta uruira me la aore atingina me la ngala me la alousiusi me la ue va,
me am kapuna taumattu ngatoa God, me apostolo atoa me propete atoa,
ta God ang ghele gheleila niaisakei me sesa akapaaili ang ghele lao sio etana tale ase voto ghe gheelei etaimim.”
21[p]Vara me kateva ensolo korokoronganaaili ia ghe saula kinatama atu eteva, naanamungaane nongina lo ateva atu la gheelei eputuputu uiti etana me ghe sau velue siola ta paamanu, me ghe uela va,
“Tale ia o ase kinatama sarasarakana ateva
Babilon, kinatama masaliki taatara ateae, aue la tturungia,
