3 Ita kilakila va, arova ita nongo usilaa llo eaauliaa, angita ghe kilaiela. 4 Lo ateva taumattu eue va, “Aghi akilakilaia,” me karika enongonongo usilaa tee llo eaauliaa, tau nikamekame ia, me voto koronna karika isaa etana. 5 [c]Me arova kateva etaita enongo usilaa inangarina, ailousiaane ateva God etokatoka akoronna etana me ghulughuluena ia. Tale isaa o salana, aue ita kila va ita etana: 6 lo ateva eue va etokatoka tee Iesu, etani kasu nongina Iesu ekasukasu.
7 [d]Masi kapughu etoa, karika amene pitipiti righi ouna voto tani usilaa, ta pokane, llo oia ngam ghe ghaala tale aitiutiu. Isaa oia voto pokane ngam ghe nongola. 8 [e]Arongona ta pokane, amene pitipiti tani auliaa ouna voto tani usilaa, me am roo tani tara kanna voto koronna ta Iesu me ta ngetaimim, poli saurrom ateva ange kapakapa, me koronna ateva mallanga ang ghe llaala.
9 [f]Arova teva eue va ia tale mallanga ateva, me esessa tee tuena o nengane ateva, ia karika ghe kasu vuli saurrom ateva. 10 [g]Lo ateva eaielousiaa tuena o nengane ateva, etokatoka tale mallanga, me karika righi voto erooroo tani gheleia va ekatuu. 11 [h]Me lo ateva esessa tee tuena o nengane ateva, ia tale saurrom, me ekasukasu elome tale saurrom, me karika ekilakila va eaa elaolao, poli saurrom ateva eaakou runga matana me karika etaatara.
20 [n]Me am, lo ateva manga ia ghe amangaiemla me am akapaaili ngam ghe kilala llo koronna. 21 Karika va apitipiti etaimim poli karika am kilakila inangari koronna. Karika, ta am kilakila. Me poli am kilakila va nikamekame karika emaemae tale voto koronna. 22 [o]See tau nikamekame ia? Lo ateva taumattu eue va Iesu karika va Mesaea ia. Ia o ase taumattu ngateva, tau ngai ssateena ia Karisto, me eliuliu vilina ta Tamaita me Natuna. 23 [p]Lo ateva eliuliu vilina ta Natuna ateva God, Tamana karika ia etana. Me lo ateva eaulia ngaotu Natuna ateva God, Tamana ia etana.
24 Llo inangari am ghe nongola tale aitiutiu, am poso parasi. Arova am poso parasi, Natuna ateva God me Tamane aue lalu toka teeiem tale nau ekapa atoa. 25 Inangari nialokoi ia ghe auliaala, va maulue ateva tokatoka liu ia.
26 Apitipiti atu inangari toko tani aulia ngaotu kieimim tale taumattu ekamekame. 27 [q]Karisto ghe amangaiemla, liuna avalua o me karika am tuutukuna tale alomasaanga, ta poli Spirit Manga ateva, ia etaimim, eaapasunga ngakapaaili voto etaimim me inangarina akapaaili koronna, karika righi kamena. Liuna avalua o me am tokatoka aitauaa tee Karisto, nongina Spirit Manga ateva ghe apasungaala etaimim.
- a Hib 7:25-26; 9:24.
- b Jon 1:29; Kol 1:20; 1 Jon 4:10.
- c Jon 14:21, 23.
- d Jon 13:34; 2 Jon 5-6.
- e Rom 13:12; Jon 1:9.
- f 1 Jon 4:20.
- g Rom 14:13.
- h Jon 12:35.
- i Rom 8:7.
- j Rom 13:14.
- k Mat 7:21.
- l Mat 24:5, 24; 2 Jon 7.
- m Apos 20:30.
- n 1 Ko 2:15; 2 Ko 1:21; 2 Jon 2.
- o 1 Jon 4:3; 2 Jon 7.
- p Jon 5:23; 1 Jon 4:15; 5:1.
- q Jon 16:13.
- r 1 Jon 3:10.