1 N kpꞌbungu go etingitingi. N li ka Kraist, efahnge sang n kpꞌkimi. Ntir atahng enyame nyi Etingi Etohko wob no kp-m yiimi ntianse re, 2 eltim ename ebgbal ndon ndon.[a] Ala kpi-m nteele nteele. 3 Tibre mefono antahng, n jo sahb sꞌseb re me n jol ejum nkuk, fere yaame a Kraist tib esi ji abonanee ba e lohng ano a bo, 4 ba li abon Israel, ba Esowo ko bo ana abon ebe, fere ka bo ellub ene, a agbanngalung enye, a atahm, fere tib bo ana bo bahke jo kak-e, fere nyam anyam tong bo. 5 Bo lohng etꞌtohngo ajehng a babnso ejahre ba mahne mahne. Go eyaame ji ngubjing, Kraist tob lohng ano a bo, ye ji ejum ajehng ajehng wob-e go elwo, ye ji li Esowo bi e kp-e tehke go njinanjini. Emen.

6 Ane kpee ba lohng go etꞌtohngo ji Israel sang li ane ba Esowo yehke no.[b] Jia lohngem re, alum Esowo ebfere jol mbol mbol. 7 Ane kpee ba lohng go etꞌtohngo ji Ebraham sang li abon ba Ebraham. Tibre Esowo tongo Ebraham re, “Ane ba bahke lohngo go etꞌtohngo ji Aisik ba ba, bo bahke jo lung bo re abon eba.” 8 Jia lohngo re, abon ba bo jele bo go mbang nyehka nyehka sang li abon Esowo. Abon ba Esowo nyame no tong re bo bahke jele bo, bo ba li atingitingi abon.[c] 9 Tibre ana wo Esowo nyame no re, “Yabv, ngare nyꞌnehm ana nyi m bahke feere. N lꞌba, Sera ebjel mmon.”

10 Jol ye ntahngtahng sang. Ejum jꞌnehm a, ji tob lim Rebekka nkal Aisik, nso ejahre, ngare nyi á sa ela. 11-12 Ngare nyio á ka jel abon bao. Jol ejumjum bo ka lim ji kpꞌsabe, a ji kpꞌnobo. Esowo tongo Rebekka re, “Ngbokambang a mmon bahke jo loko nkalla,” eji ntoobo nyi Esowo lꞌyiimi, ye ji kpo lung ane ba á ma yehke bo. Esowo kpehme yehke ane tib go eltum ni bo kpꞌlimi. 13 Ana nwer Esowo bungu no re, “Jekob wo jo kor-m, Eso jo sab-m.”

14 Anv, e bahke bungu renan? Esowo limm go etingitinga? Eꞌee, ano sang!

15 Tibre á bungu tong Moses re,

19 Nne ewahne awohng li-m ma tong re, “Jen ji wahnge Esowo kpo ka nne ebi? Nne awo bahke ma kpan Esowo go nsol nyi á kpꞌlimi?” 20 Mbi, anv, wo elkohn nne awo no bahke ma faange Esowo go nnyo? Anv, etu kpo bahb ntꞌtoko re, “Jen ji wahnge a ma-m to ana?” 21 Ntokatu sang kpi nsahm nyi á bahke koko ndi, to etu ana kor-e noa? Á li ma ko ndi nyꞌnehm ona nyi á ma mong, to etu ji nno, a ji kpꞌsabe.[e]

22 Kpo kor Esowo re á tib erakatahng eje, fere lim ane kahn re á kpi nsahm. Owo wahnge á kpo kpuumu, fere jo kpooro tib go esi ane ba kpo lim re atahng jo rak-e, bo jio ji á ma toobo bo bum re á rannge bo,[f] 23 eji á lꞌlim ane kahn afang nyao nya ellub ene ni á bahke kake ane ba jo fil-e ndon, bo ji á ma toobo bo bum re bo bel ellub ene.[g]

24 Wahr ba li ane bao ba á ma lung, Jus ji ji sang, ane baka baka fvfo.

25 Ana Esowo bungu sehng go nnyo mi nnyehnamahr Hosea re,