1 Kun pay narpas na, inilak nan nanatkafian ay pantiw ad chaya.

Kasinku chinngor nan hana ay kali ay kaman kiangos chi tarampet ay kanana, “Omabratka hena, at epailak kan he-a nan ommat as kasin.” 2 Hiya at chi ya pinmigsa nan pannakafialin nan Espiritu Santo kan ha-un,*Pal. 1:10; 17:3; 21:10 ya inilak ad chaya nan usa ay trono ay wacha nan nangatokor. 3 Nan ilan nan nangatokor at kaman as nan chiyuycha munliyaw ay fiatu ay makali un haspe†Nan haspe at nafiaror ya tukutukún chi kialetna. ya karnelia.‡Nan karnelia at nafiaror ya munchachara nan na. Nan tronona at liniliwus nan tilag ay kaman fiatu ay esmeralda§Nan esmeralda at nafiaror ya berde nan kialetna. nan ilana.*Gen. 9:11-16 4 Nan trono at liniliwus nan chuwan puru ya opat ay trono ay nangatokoran nan chuwan puru ya opat ay anam-amá. Nafiafiachuwancha as munpupukaw ya nakokoronaancha as fialetok. 5 As nan munkiakiawa ay trono, cha murmurpu nan fiakilat, nunkapigsa ay kali ya komanikong ay kud-or. As nan sangwanan nan trono, wachacha nan pitu ay napapaskuchan ay penakad ay cha kumilkilarok. Chicha nan pitu ay kail-an nan pannakafialin nan Espiriton Apo Dios. 6 As nan sangwanan nan trono, wacha us nan kaman fiayfiay†Pal. 15:2; 21:1 ay naamma as sarming ay munmallag ay kaman kristal.

As nan kiawan nan opat ay trono, wachacha nan opat ay matataku ay finayang Apo Dios.‡Ezek. 1:4-28; Isa. 6:2 Waschi un namataan nan intiru ay achorcha as sangu ya kaman us as uchug.§Pal. 5:6; 6:1-7; 7:11; 14:3; 15:7; 19:4 7 Nan omona ay matataku ay nafiayang at kaman layon nan ilana. Nan maekadwa at kaman urfun ay fiaka. Nan maekatlu at wachay lupana ay kaman as nan lupan chi taku, ya nan maekap-at at kaman as nan muntat-ayaw ay nawi. 8 Napapayakan nan tunggal matataku ay nafiayang as hin-un-um ya namataan nan intiru ay achorcha patí nan payakcha. Achicha ikinkinak ay cha munkantakanta as inurkiw ya lenafi ay mangarkali,