1 ያቲና፥ ኑኒ ኑሲ ኣሹዋን ዛሬ ጊዲያ ኣብራሃሞ ኣያ ዴሜዳ ጋኔ? 2 ኣዪሲ ጎፔ፥ ኣብራሃሞ ኦሱዋን ፂሌዳዋ ጊዶፔ፥ ኣው ጬቄቲያባይ ዴዔ፤ ሺን ፆሳ ሲንꬃን ጬቄታና ዳንዳዬና። 3 ኣዪሲ ጎፔ፥ ፆሳ ማፃፋይ ዋጊ? «ኣብራሃሞ ፆሳ ኣማኔዳ፤ ፆሳይ ሄዋ ኣው ፂሎቴꬃን ፓይዴዳ» ያጌ። [a]

4 ኦꬂያ ኡራይ ኣኪያ ሚሻ ባሬው ቤሲና ኣኬፔ ኣቲን፥ ኣው ጮ ኢሜቲያዋዳን ፓይዴቴና። 5 ሺን ኦሱዋ ኦꬄናን፥ ናጋራንቻ ፂሊሲያ ፆሳ ኣማኒያ ኡራ፥ ፆሳይ ኣ ኣማኑዋን ኣ ፂሊሴ። 6 ሃዋዳንካ፥ ኣይ ኦሱኔ ባይናን፥ ፆሳይ ፂሉዋዳን ፓይዴዳ ኣሳ ናሼቺያባ ዳዊቴ ሃሳዬዳ ዎዴ ጌዳዌ ሃዋ።

13 ኣብራሃሞሲኔ ኣ ዜሬꬃው ፆሳይ፥ «ሃ ሳዓ ታኒ ሂንቴንቶ ኢማና» ያጌዳዌ፥ ኣብራሃሞ ፆሳ ኣማኒዴ ፂሌዳ ዲራሳፔ ኣቲን፥ ሂጌው ኢ ኣዛዜቴዳ ዲራሳ ጊዴና። [d] 14 ኣዪሲ ጎፔ፥ ሂጌው ኣዛዜቲያዋንቱ ፆሳይ ኢማና ጌዳዋ ላቲያዋንታ ጊዶፔ፥ ኣሳ ኣማኑ ማዴናባ ጊዴዳ፤ ፆሳይ ጌዳዌካ ሜላ ጊዴዳ፤ 15 ሂጊ ፆሳ ቦሻ ኣሄ፤ ሺን ሂጊ ባይናሳን ሂጊያ ሜንꬂያባይ ባዋ።

16-17 ሄዋ ዲራው፥ ሂጊያ ናጊያዋንቱ ፃላላው ጊዴናን፥ ቃሲ ኣብራሃሞ ኣማኔዳዋዳን፥ ኣማኒያ ኣብራሃሜ ዜሬꬃ ኡባው ፆሳይ ኢማና ጌዳዌ፥ ዎይታዳን ቱማታናዌ ኣማኑዋና። ኣብራሃሞ ኑሲ ኡባው ኣዉዋ። ፆሳ ማፃፋይ፥ «ታኒ ኔና ጮራ ካዉቴꬃቶ ኣዎ ኦꬃዲ» ጊያዋዳን፥ ሃይቄዳዋንቶ ዴዑዋ ኢሚያ፥ ባሬ ኣዛዙዋን ባይናባ ዴዒያባዳን ኦꬂዴ ፄሲያ፥ ኢ ኣማኔዳ ፆሳ ሲንꬃን ኣብራሃሞ ኑሲ ኡባው ኣዉዋ። [e]

18 ፆሳ ማፃፋይ ኣብራሃሞሲ፥ «ኔ ዜሬꬃይ ሃዋ ኬና ጊዳና» ያጌዳዋዳን፥ ሃዋ ኬና ጊዳና ጊዴ፥ ናሼቻን ናጋናው ዳንዳዬና ዎዴ፥ ኣብራሃሞ ኣማኒዴኔ ሲንꬃፔ ዴማና ጊዴ፥ ናሼቻን ናጊዴ፥ ጮራ ዜሬꬃው ኣዉዋ ጊዴዳ። [f] 19 ሄ ዎዴ፥ ኣብራሃሞ ዬሌቶዴፔ ፄቱ ላይꬃ ኩማና ሃኒያ ጪማ፤ ሺን ባሬ ዳቡራንቻ ኣሳቴꬃኔ ሳራ ናዓ ዬላናው ዳንዳዬናዋ ቆፔዳ ዎዴ፥ ኢ ባሬ ኣማኑዋን ዳቡሪቤና። [g]

20-21 ፆሳ ኢ ቦንቺዴ፥ ኣው ኢማና ጌዳ ፆሳይ ቃሲ ፖላናው ዳንዳዪያዋ ሎይꬂ ኤሪዴ ባሬ ኣማኑዋን ሚኔዳዋፔ ኣቲን፥ ኣማኔናን ኢፂዴ፥ ፆሳይ ኢማና ጌዳዋ ሲꬊቤና። 22 ሄዋ ዲራው፥ ፆሳይ ቃሲ ኣ ኣማኑዋ ፂሎቴꬃን ፓይዴዳ።

23 «ኣው ፂሎቴꬃን ፓይዴዳ» ጊያ ቃላይ ኣ ፃላላው ፃፌቲቤና። 24 ሄ ቃላይ ኑ ጎዳ ዬሱሳ ሃይቁዋፔ ዴንꬄዳ ፆሳ ኣማኒያ ኑሲካ ፂሎቴꬃን ፓይዴታና ማላ ፃፌቴዳ። 25 ፆሳይ ኣ ኑ ናጋራ ዲራው፥ ሃይቆ ኣꬂዴ ኢሚና፥ ኢ ኑና ፂሊሳናው ሃይቁዋፔ ዴንዴዳ። [h]

<- ሮሚያ 3ሮሚያ 5 ->