1 እት ጻጸቶ ማጻፋይ [a] ካዉተꬃ ኦይድያን ኡቴዳዋ ኡሸቻ ኩሽያን ደእያዋ በኣድ፤ ሄ ጻጸቶ ማጻፋይ ላኡ ባጋናካ ጻፈት ኡቴዳ፤ ቃይ ላፑ ማታፋይ አ ቦላ አታመቴዳ። [b] 2 ታን እት ዎልቃማ ኪታንቻይ ባረ ቃላ ꬎቁ ኦꬂደ፥ “ማታፋ ዶዪደ፥ ጻጸቶ ማጻፋ ብላናዉ በስያ ኡራይ ኦኔ?” ያጊደ፥ አዋይያዋ በኣድ። 3 ሳሉዋን ግድና ዎይ ሳኣን ግድና፥ ዎይ ሳኣፐ ጋርሳን [c] ግድና፥ ሄ ጻጸቶ ማጻፋ ብላናዉ ዎይ አ ግዱዋ ጼላናዉ ኦንነ በስያዌ ባዋ።

4 ጻꬃ ማጻፋ ብላናዉ ዎይ አ ግዱዋ ጼላናዉ በስያ ኡራይ ባይና ድራዉ፥ ታን ዳሮ ዬካድ። 5 ጭማቱዋፐ እቱ ታና፥ “ዬኮፓ፤ በአ፥ ይሁዳ ዛርያ ግዴዳ ጋሙ፥ ዳዊተ ዛሪ ጾኔዳ። እ ማታፋ ዶያናዉነ ጻጸቶ ማጻፋ ብላናዉ በሴ” ያጌዳ። [d]

6 ታን ካዉተꬃ ኦይድያፐ፥ ደኡዋን ደእያ ኦይዱ መታቱዋፐነ ቃይ ጭማቱዋፐ ግዱዋን፥ ሹከቴዳ ዶርሳ ማላቲደ ኤቄዳዋ በኣድ፤ አዉ ላፑ ካጨቱነ ላፑ አይፈቱ ደኢኖ። ሄዋንቱ አላምያ ኡባ ኪተቴዳ ጾሳ ላፑ አያናቱዋ። [e] 7 ሄ ዶርሳይ ቢደ፥ ካዉተꬃ ኦይድያ ቦላ ኡቴዳዋ ኡሸቻ ኩሽያፐ ጻጸቶ ማጻፋ አኬዳ። 8 እ ሄ ጻጸቶ ማጻፋ አኬዳ ዎደ፥ ደኡዋን ደእያ ኦይዱ መታቱነ ላታማነ ኦይዱ ጭማቱ አ ስንꬃን ኩንዴድኖ። ኡንቱንቱ ሁጲያን ሁጲያን ዲꬃነ እጻናይ ኩሜዳ ዎርቃ ሚሻ ኦይቄድኖ። ሄ እጻናይ ጌሻቱ ጾሳ ዎስያዋ። [f] 9 ኡንቱንቱ፥