5 ሄዋፔ ጉዪያን፥

11 ያቲና፥ ሳሉ ዶዬቴዳዋ ታኒ ቤዓዲ። ሄዋን ቦꬃ ፓራይ ዴዔ፤ ሄ ፓራ ቶጌዳዌ ኣማኔቲያዋኔ ቱማንቻ ጊዴ ፄሴቴ። ቶጌዳዌ ፂሎቴꬃን ፒርዴኔ ባሬ ኦላካ ኦሌቴ። [e] 12 ኣ ኣይፊ ታማ ላጩዋ ማላቴ፤ ቃሲ ኢ ባሬ ሁጲያን ዳሮ ኣኪሊሊያ ዎꬄዳ። ኣ ቦላ ፃፌቲ ኡቴዳ ሱንꬃይ ዴዔ፤ ሺን ሄ ሱንꬃይ ኣዬንቶኔ ኣፔ ኣቲን፥ ኦኒኔ ኤሬና። [f] 13 ኢ ማዬዳ ማዩ ሱꬃን ሙኪ ኬሴዳዋ። ኣ ሱንꬃይካ ፆሳ ቃላ። 14 ሳሉዋ ዎታዳራቱ ቦꬃ ጌሻ ሱፊያ ጌቴቲያ ኪሪያን ዳዴቴዳ ማዩዋ ማዪዴ፥ ቦꬃ ፓራቱዋ ቶጊዴ፥ ኣ ጌዱዋ ካሊኖ። 15 ኣሳ ዜሬꬃ ኢ ꬋዪሲያ ኩሳ ማሻይ ኣ ዶናፔ ኬሴ። ቢራታ ፃምዓን ኣሳ ኢ ሞዳና። ኡባፔ ዎልቃማ ፆሳይ ባሬ ሃንቁዋ ዎዪኒያ ኤሳይ ጉሚዔቲያሳን፥ ጉሚዒዴ ቤሳና። [g] 16 ኣ ማዩዋ ቦላኔ ኣ ዎዲሪያ ቦላ፥ «ካታቱዋ ካቲያኔ ጎዳቱዋ ጎዳ» ያጊያ ሱንꬃይ ፃፌቲ ኡቴዳ።

17 ሄዋፔ ጉዪያን፥ ታኒ ኢቲ ኪታንቻይ ኣዋን ኤቄዳዋ ቤዓዲ። ሄ ኪታንቻይ ሳሉዋን ꬎቂዴ ፓሊያ ካፉዋ ኡባቶ ባሬ ኮሻ ꬎቁ ኡዲዴ፥ «ሃ ዪቴ። ፆሳ ካዉዋሲ ኢቲሳዓ ሺቂቴ። [h] 18 ዪዴ ካታቱዋ ኣሹዋ፥ ሻላቃቱዋ ኣሹዋካ ዎታዳራቱዋ ኣሹዋ ሚቴ፤ ፓራቱዋ ኣሹዋካ ፓራቱዋ ቶጌዳዋንቱ ኣሹዋካ ሚቴ፤ ቃሲ ኣሳ ኡባ ኣሹዋ ኣይሊያዋኔ ዎማኑዋ፥ ꬎቃዋኔ ሆካዋ ሚቴ» ያጌዳ።

19 ፓራ ቶጌዳዋናኔ ኣ ዎታዳራቱዋና ኦሌታናው፥ ዶዓይኔ ሳዓ ካታቱ ቃሲ ኡንቱንቱ ዎታዳራቱ ኢቲ ሳዓ ሺቂ ኡቴዳዋንታ ታኒ ቤዓዲ። 20 ሄ ዶዓይ ኣ ሲንꬃን ማላታ ኦꬄዳ ዎርዶ ናቢያና ኢቲፔ ኦይቄቴዳ። ዶዓ ማላይ ዴዒያዋንታኔ ዶዓ ሚሲሌው ጎዪኔዳዋንታ ኢ ባሌꬄዳዌ ሄ ኦꬂያ ማላታቱዋና። ዶዓይኔ ዎርዱዋ ቲምቢቲያ ኦዲያዌ ላዓቱካ ዲኒያን ኤፂያ ታማ ኣባን ፓፃ ዬጌቴዲኖ። 21 ኡንቱንቱ ዎታዳራቱ ፓራ ቶጌዳዋ ዶናፔ ኬሲያ ማሻን ሃይቄዲኖ። ካፋቱ ኡባቱ ኡንቱንቱ ኣሹዋፔ ባሬንቶ ዳንዳዬዳዋ ኬና ሜዲኖ።

<- ሳፃ ማፃፋ 18ሳፃ ማፃፋ 20 ->