9 ሳዓ ካታቱ፥ ኢዚና ዎሹሚዴ ኢሻሌዳዋንቱ ሄ ካታማታ ጉዴቲና፥ ኬሲያ ጩዋ ቤዔዳ ዎዴ፥ ካታማቲው ኡንቱንቱ ዋሳናኔ ዬካና። [f] 10 ኡንቱንቱ ሄ ካታማቲ ኡጋው ያዬዳ ዲራው፥ ሃኪ ኤቂዴ፥ «ሃ ዎልቃማ ካታማቴ! ዎልቃማ ካታማቴ! ባቢሎኔ፥ ኔው ኣዬሮ! ኔኒ ኣይ ማላ ቱጋታኒሻ። ኔኒ ኢቲ ሳቲያ ጊዶን ኔ ፒርዳ ኣካዳ» ያጋና።

11 ኡንቱንቱ ማርካቢያ ጫና ሃዋፔ ሲንꬃናው ሻሚያባይ ባይና ዲራው፥ ሳዓን ዴዒያ ዛሊዓንቻቱ ሄ ካታማቲው ዋሳናኔ ካዮታና። [g] 12 ኡንቱንቱ ዎርቃ፥ ቢራ፥ ቦንቾ ሹቻ፥ ኢንቁዋ ጌቴቲያ ኣልዖ ሹቻ፥ ቴራ ኦቻ ማላቲያ ማዩዋ፥ ሱፊያ ማላ ማዩዋ፥ ሃሪያ ጌቴቲያ ማዩዋ፥ ዞዖ ማዩዋ፥ ኡባ ቆሞ ሳዊያ ሚꬃ፥ ኡባ ቆሙዋን ኦꬄዳ ዳንጋርሳ ኣቻ፥ ኣልዖ ሚꬃፔ ሜꬌቴዳባ፥ ናሃሲያ፥ ቢራታ፥ ኢቢኔቤሬዲያ ጌቴቲያ ሹቻ፥ [h] 13 ቃራፋ፥ ቂማሚያ፥ ኢፃና፥ ሺቱዋ፥ ሳዊያ ኢፃና ꬊሊያ፥ ዎዪኒያ ኤሳ፥ ዎጋራ ዛይቲያ፥ ሊቄዳ ꬊሊያ፥ ዛርጋ፥ ሚዛ፥ ዶርሳ፥ ፓራኔ ፓራይ ጎቺያ ጋሪያ፥ ኡንቱንቱ ኣይሌቱዋኔ ሃራይ ኣቶ ኣሳ ሼምፑኔ ሻሚያባይካ ባዋ።

15 ሄ ካታማቲን ዛሊዒዴ ዱሬቴዳ ዛሊዓንቻቱ ኢዚ ኡጋው ያዪዴ፥ ኢፔ ሃኪዴ ኤቃና። ኡንቱንቱ ዬካናኔ ካዮታና። [i] 16 ቃሲ፥