1 ሄዋፔ ጉዪያን፥ ሳሉዋን ዎልቃማ ማላይ ቤቴዳ። ኣዋ ማዬዳ ኢቲ ሚሺራታ፥ ኣጌና ቦላ ኤቄዳዉና፥ ታማኔ ላዑ ፆሊንቲያ ኣኪሊሊያ ባሬ ሁጲያን ዎꬄዳዉና ሄዋን ዴዓው። 2 ሄ ሚሺራታ ሻሃራ፤ ኢዞ ዬሉዋ ኦይꬃይ፥ ኡንዔꬂና ዋሳዱ።

3 ሃራ ኢቲ ዎልቃማ ማላይ ሳሉዋን ቤቴዳ። ታሙ ካጪያና ዴዒያ ላፑ ሁጲያን ኣኪሊሊያ ዎꬄዳ ኢቲ ዎልቃማ ዞዖ ዳዊ ዴዔ። ዳን 7፡7 4 ሄ ዳዊ ባሬ ዱፊያን ሄዜንꬆ ኩሼ ፆሊንቲያ ሳሉዋፔ ዳፊዴ፥ ሳዓን ኦሌዳ። ሄ ዳዊ ዬሌቲ ዎꬎሳናካ ናዓ ማናው ዬላና ሃኒያ ሚሺራቲ ሲንꬃን ኤቄዳ። ዳን 8፡10

5 ሚሺራታ ኣቱማ ናዓ፥ ኣዪሁዳ ጊዴና ኣሳ ኡባ ቢራታ ፃምዓን ሞዳናዋ ዬላዱ። ሺን ናዓይ ፆሳኮኔ ኣ ኣራታኮ፥ ፑዴ ኤሌካ ኣኬቴዳ። ኢሳ 66፡7፤ ማዝ 2፡9 6 ሚሺራታ ኢቲ ሻዓኔ ላዑ ፄታኔ ኡሱፑን ታሙ ጋላሳው ሚዚዴኔ ኡሺዴ ዎꬃናው ፆሳይ ጊጊሲ ዎꬄዳ ሳዓ ባዙዋ ባቃታዱ።

7 ሄዋፔ ጉዪያን፥ ሳሉዋን ኦላይ ዴንዴዳ። ሚካዔሊ ባሬ ኪታንቻቱዋና ኢቲፔ ዳዊያ ኦሌቴዳ፤ ዳዊካ ባሬ ኪታንቻቱዋና ጊዲዴ፥ ዛሪ ኦሌቴዳ። ዳን 10፡13፣ 21፤ 12፡1፤ ዳት 9 8 ሺን ዳዊ ፆኔቲና ዳዊያሲኔ ኣ ኪታንቻቱዋሲ ሳሉዋን ሳዓይ ꬋዬዳ። 9 ዎሊቃማ ዳዊ፥ ፃላሂያ ካፑዋ ዎይ ሴፃና ጊያዌ፥ ቤኒ ሾሻይ፥ ኣላሚያ ኡባ ባሌꬂያዌ ኦሌቴዳ፤ ኢ ባሬ ኪታንቻቱዋና ኢቲፔ ዱጌ ሳዓው ኦሌቴዳ።

10 ሄዋፔ ጉዪያን፥ ታኒ ሳሉዋፔ ሃዋዳን ያጊያ ኮሻ ሲሳዲ፤