4
ማዶ ኦማርስ ሺቅያ ዎሳ
ዛማረቱዋ ካፖ ዲꬃቱዋን የጸቴዳ፥ ዳዊታ ማዝሙርያ
1 አቤት ታና ጽልስያ ጾሳዉ፥
ታን ኔና ጼስያ ዎደ፥ ታዉ ኮያ።
ታን ኡንኤቴዳ ዎደ፥ ታና ሸምፕሳዳ።
ታዉ ኔን ቃረታደ ታ ዎሳ ስሳ።
2 ህንተኖ አሳቶ፥ አዉደ ጋካናዉ ታ ቦንቹዋ ካዉሺቴ?
ሾር ባይናባካ አዉደ ጋካናዉ ህንተ ሲቂቴ?
ዎርዱዋ አዉደ ጋካናዉ ጫድ ኦይቂ ካሊቴ?
3 ሽን መꬍና ጎዳይ ጾሳ አሳቱዋ
ባረዉ ዱማይ ዎꬄዳዋ ህንተ ኤርተ።
ታን መꬍና ጎዳ ጼስያ ዎደ፥
እ ታዉ ስሴ።
4 ሀንቀትተ፥ ሽን ህንተ ሀንቁዋን ናጋራ ኦꬆፕተ።[a]
ሂጻን ግስያ ዎደ፥
ህንተ ዎዛና ብድተነ ስርጵ ጊተ።
5 ልከ ያርሹዋ ያርሽተነ
መꬍና ጎዳን አማነትተ።
6 ዳሮቱ፥ “ኑና ሎኦባ በሳናዌ ኦኔ?” ያጊኖ።
አቤት መꬍና ጎዳዉ፥ ኔን ኑና ኬካ አይፍያን ጼላ።
7 ኔን ታ ዎዛናን ዎልቃማ ናሸቻ ኩንꬃዳ።
ሄዌነ፥ ካꬃ አይፊነ ኦራꬃ ዎይንያ ኤሳይ፥
ባረንቶ ዳርና ናሸትያ ናሸቻፐካ ዳርያዋ።
8 አቤት መꬍና ጎዳዉ፥
ነ ጻላላይ ታና ሳሩዋን ናጋ ዎꬅያ ድራዉ፥