36
ናጋራንቻ ኢታተꬃነ ጾሳ ሎኦተꬃ
ዛማረቱዋ ካፖ የጸቴዳ፥ መꬍና ጎዳ ቆማ ዳዊታ ማዝሙርያ
1 ኢታ አሳይ ባረ ዎዛናን ደእያ ኢታተꬃ ኮሻ ሀይዜ። [a]
ጾሳዉ ያይያዌ አ ቆፋን ባዋ።
2 አያዉ ጎፐ፥ እ ባረና ሎይꬅ ናሼ፤
ሄዎ እ ባረ ናጋራ ደማናዉነ እጻናዉ ዳንዳየና።
3 አ ዶናፐ ከስያ ሃሳያይ ገንያነ ዎርዱዋ።
አꬌዳ ኤራባነ ሎኦባ ኦꬅያዋ እ አጌዳ።
4 እ ባረ ሂጻን ደኢደካ ገንያባ ኦꬃናዉ ሀልቼ።
እ ሎኦ ግደና ኦግያን ኤቄዳ፤
እ ኢታባ እጸና።
5 አቤት መꬍና ጎዳዉ፥ አገና ነ ሲቁ ሳሎቱዋ ጋኬ፤
ነ ቱማተꬃይካ ቦላ ሻርያዳን ꬎቄ።
6 ነ ጽሎተꬃይ ኡባፐ ꬎቃ ደረቱዋ ማላ፤
ነ ፕርዳይካ ኡባፐ ዝቃ ጪማ ማላ።
አቤት መꬍና ጎዳዉ፥ ኔን አሳካ ዶኣካ ናጋሳ።
7 አቤት ጾሳዉ፥ አገና ነ ሲቁ አይባ አልኦቤ!
አሳይ ነ ቀፍያ ግዶ ባቃት አቴ።
8 ኡንቱንቱ ነ ሶ ግዶን ፓላሆ ማዳፐ ሚደ ካሊኖ፤
ነ ኬካተꬃ ሻፋፐ ኔን ኡንቱንታ ኡሻሳ።
9 አያዉ ጎፐ፥ ደኡዋ ፑልቱ ነ ማታን ደኤ፤
ነ ፖኡዋን ኑን ፖኡዋ በኤቶ።
10 ኔና ኤርያዋንታ ኔን ሲቅያ ሲቁዋነ
ሱረቶ ኬክያ ኬካ አጎፓ።
11 ኦቶራንቻ ገዲ ታና የꬎፖ፤
ናጋራንቻቱዋ ኩሺ ታና የደርሶፖ።
12 ኢታ አሳቱ ኩንዴዳዋንታ በእተ፤