26
ጌሻ አሳ ዎሳ
ዳዊታ ማዛሙርያ
1 አቤት መꬍና ጎዳዉ፥ ታን ሱረተꬃን ሀመቴዳ ድራዉነ፥
ስꬊ ባይናን መꬍና ጎዳ አማነቴዳ ድራዉ፥
ታዉ ፕርዳ።
2 አቤት መꬍና ጎዳዉ፥ ታና ፓጫ፥ ታና ብዳ፤
ታ ዎዛና ጾሞሳ።
3 አያዉ ጎፐ፥ አገና ነ ሲቁ ታ ስንꬃን ደኤ፤
ታን ነ ቱማተꬃ ኦግያን ሀመታይ።
4 ታን ጭምያ አሳቱዋና እትፐ ኡትከ፤
ሎአ ማላትያ ኢታቱዋ ማባራን ገልከ።
5 ኢታ ኦꬅያ አሳቱዋ ሺቁዋ ታን እጻይ፤
ማካላንቻቱዋና እትፐ ኡትከ።
6 አቤት መꬍና ጎዳዉ፥ ታን ቆሀቤናዋ በሳናዉ
ታ ኩሽያ ሜጫይ።
ነዉ ያርሽያ ሳኣ ዩያይ፤
7 ነ ጋላታ የꬃ የጻይነ
ኔን ኦꬄዳ ኦራꬃባ ኡባ ኦዳይ።
8 አቤት መꬍና ጎዳዉ፥ ኔን ደእያ ጎልያ፥
ነ ቦንቹ አቅያ ሳኣ ታን ዶሳይ።
9 ታና ናጋራንቻቱዋና እትፐ ፕቶፓ፤
ዎይ አሳ ዎꬍያዋንቱና እትፐ ꬋይሶፓ።
10 ኡንቱንቱ ኩሽያን ኢታ ሀልቹ ደኤ፤
ቃይ ኡንቱንቱ ኡሸቻ ኩሽያን ማታዪ ኩም ኡቴዳ።
11 ሽን ታና ግዶፐ፥ ታን ሱረተꬃን ሀመታይ።
ታና ዎዛ፤ ታዉ ቃረታ።
12 ታ ገዲ ደምባ ሳኣን ኤቄዳ፤