1 ዉርሰꬃ ጋላሳቱዋን መꬍና ጎዳ ጌሻ ጎልያ ኬጸቴዳ ደሪ ደረቱዋ ኡባፐ ꬎቂደ ቤታና፤ ከራ ኡባቱዋፐካ ቦላና ꬎቁ ꬎቁ ጋና። ጋድያ አሳይ አኮ ዛታና። 2 ዳሮ ካዉተꬃቱዋ አሳይ ዪደ፥ “ሃይተ፤ መꬍና ጎዳ ደርያ፥ ያቆባ ጾሳ ጌሻ ጎልያ አነ ፑደ ከሶይተ። እ ኮይያዋዳን ኑን ባና ማላ፥ እ ኑና ባረ ኦግያ ታማርሳና” ያጋና። አያዉ ጎፐ፥ ህጊ ጽዮነፐ፥ መꬍና ጎዳ ቃላይካ የሩሳላመፐ ከሳና። 3 እ ዳሮ አሳቱ ግዱዋን ፕርዳና፤ [a] ሃኩዋን ደእያ ምኖ ካዉተꬃቱዋ ፓሉምያካ ሻካና። ኡንቱንቱ ባረንቱ ማሻ ማራሻ፥ ባረንቱ ቶራካ ባጫ ከሳናዉ ቆጻና፤ ካተተꬃይ ካዉተꬃ ቦላ ማሻ ደንና። ሀዋፐ ጉይያን፥ ኡንቱንቱ ኡባና ኦላ ትምርትያ ታማርክኖ። 4 ሽን አሳይ ኡባይ ባረ ዎይንያ ቱራ ኩዋንነ ባላስያ ኩዋን ዎፑ ጊደ ኡታና፤ [b] አይ አሳይነ ኡንቱንታ ያሽሰና። አያዉ ጎፐ፥ ኡባፐ ዎልቃማ መꬍና ጎዳይ ሀዋ ሃሳዬዳ።
5 አሳይ ኡባይ ባረ መꬍና ጎዳ ጾሳ ሱንꬃን ሀመታና፤ ሽን ኑን መꬍና ጎዳ ኑ ጾሳ ሱንꬃን መꬍፐ መꬍናዉ ሀመታና።
8 ኔኖ፥ መꬍና ጎዳ አሳ ዎችያ የሩሳላመ ꬎቃ ግምቢያዉ፥ ነዉ ካሰ ነ ሞድያ ማታይ፥ ቃይ የሩሳላመ ካዉተꬃ ዛዋይ ኡባይካ ስማና።
9 ሀእ ኔን ኮሻ ꬎቁ ኦꬃደ ዋስያዌነ የሉ ኦይቄዳ ምሽራቲዳን ኡንኤꬅያዌ አያሴ? ነዉ ካቲ ባይና ግሻሴየ? ዎይ ኔና ዞርያዌ ꬋዬዳ ድራሴ? 10 ህንተኖ፥ ጽዮነ አሳቶ፥ የሉ ኦይቄዳ ምሽራቲዳን ኦሊደ ጎንዶረትተ። አያዉ ጎፐ፥ ህንተ ካታማፐ ከስያዌ አተና፤ ከሲደ ደምባን ደአና፤ ሄዋፐካ ባብሎነ ባና። ግዶፐነ፥ ያን ህንተ አታና፤ መꬍና ጎዳይ ህንተና ህንተ ሞርከቱዋ ኩሽያፐ ዎዛና።
11 ሽን ሀእ ዳሮ ካዉተꬃቱ ነ ቦላ ሺቄድኖ፤ ሺቂደ፥ “የሩሳላመ ቱኖ፤ ኑ አይፊካ ጽዮነ ደረቆ” ያጊኖ። 12 ሽን ኡንቱንቱ መꬍና ጎዳ ቆፋ ኤርክኖ፤ አ ሀልቹዋካ አኬክክኖ። ካꬃ ቡክያ ኡዱማዉ ሺሼዳ ምርቂያዳን፥ መꬍና ጎዳይ ኡንቱንታ ሙራናዉ ሺሼዳ።
13 ህንተኖ፥ የሩሳላመ አሳቶ፥ ደንድተ፤ ደንዲደ፥ ህንተ ሞርከቱዋ ቆጽተ። ታን ህንተ ካጭያ ብራታ፥ ህንተ ቅንጫፍልያካ ናሃሰ ኦꬃና። ህንተ ዳሮ ካዉተꬃቱዋ ክንቼሬꬃና፤ ኡንቱንቱ ሱገꬃን ሺሼዳባ ኡባ ህንተ መꬍና ጎዳዉ ዱማያና፤ ህንተ፥ ኡንቱንቱ አቁዋካ ሳኣ ኡባ ጎዳዉ እማና ያጌ።
<- ሚክያሳ 3ሚክያሳ 5 ->