1 የሱስ ባረና ካልያዋንታ፥ “አሳ ባለꬅያዌ ዬናን አተና፤ ሽን ባለꬅያዋ አህያ ኡራዉ አዉ አየ፤ 2 ሄ ብታኒ ሀ ጉꬃቱዋፐ እቱዋ ባለꬅያዋፐ፥ ጋጭያ ዎጻ ባረ ቆꬍያን ቃሸቲደ አባን ምተትያዌ አዉ ሎአ። 3 ህንተ ሁጰዉ ናገትተ።
5 ኪተቴዳዋንቱካ ጎዳ፥ “ኑዉ አማኑዋ ጉጃ” ያጊደ ኦቼድኖ።
6 ጎዳይካ፥ “ህንተዉ ሳናፍጭያ አይፍያ ኬና አማኑ ደእንቶ፥ ህንተንቱ ሀ ቦእያ፥ ‘ሀዋፐ ሾደታደ፥ አባን ቶከታ’ ግንቶ ህንተዉ ኤኖ ጋና” ያጌዳ።
14 የሱስ ኡንቱንታ በኢደ፥ “ቢደ፥ ህንተንቱ ቦላ ቄሳቱዋ በስተ” ያጌዳ።
15 ኡንቱንቱፐ እቱ ባረ ሀርግያፐ ፓጼዳዋ በኢደ፥ ባረ ኮሻ ꬎቁ ኦꬂደ፥ ጾሳ ቦንቺደ ስሜዳ። 16 ጋላቲደካ የሱሳ ገድያ ማታን ጉልባቴዳ። ሄ ብታኒ ሳማርያ አሳ።
17 የሱስ ዛሪደ፥ “ታሙ ፓጽበይክኖ? ያትና ኡዱፑናቱ ሀቃን ደኢኖ? 18 አይሁዳ አሳ ግደና ሳማርያ ብታንያፐ አትን፥ ጾሳ ቦንቻናዉ ስሜዳዋንቱ ባዋ ጉሴ?” ያጌዳ። 19 የሱስ አ፥ “ደንዳ ባ፤ ነ አማኑ ኔና ፓꬄዳ” ያጌዳ።
20 ፓርሳዋቱ እት ጋላስ፥ “ጾሳ ካዉተꬃይ አዉደ ያኔ?” ጊደ ኦችና የሱስ፥ “ጾሳ ካዉተꬃይ ህንተንቱ ናግያ ኦግያን ዬና” ያግ ዛሬዳ። 21 ቃይካ፥ “ኦንነ፥ ‘ጾሳ ካዉተꬃይ ሀዋን ደኤ’፥ ዎይ ‘ሄዋን ደኤ’ ጋናዉ ዳንዳየና፤ ጾሳ ካዉተꬃይ ህንተንቱ ዎዛና ግዶን ደኤ” ያጌዳ።
22 የሱስ ባረና ካልያዋንቶ ኦዲደ፥ “አሳ ናአይ ቆንጭያ ጋላሳቱዋፐ እቱዋ በአናዉ ህንተንቱ አሞትያ ዎዲ ያና፤ ሽን በእክታ። 23 ቃይ ኡንቱንቱ ህንተና፥ ‘ሀዌኩ ሀዋና’ ዎይ ‘ሄዋና’ ያጋናዋንታ። ሽን ኡንቱንታ ካሊደ፥ ኡንቱንቱና ቦፕተ። 24 ዋልቃንꬃይ ሳሉዋን ዎልቃምያ ዎደ፥ ሀ ጋጻፐ ህን ጋጻ ፖኡ ፖእያዋዳን፥ አሳ ናኣ ዩሳይካ ሄዋዳን ሀናናዋ። 25 ሽን ኮይሮቲደ አሳ ናአይ ዳሮ መቱዋ መቶታናዉነ ሄ ዎድያን ደእያ የለታን እጸታናዉ በሴ።
26 “ኖሄ ዎድያን ሀኖዋዳንካ፥ አሳ ናአይ ቆንጭያ ጋላሳንካ ሄዋዳን ሀናናዋ። [b] 27 ኖሄ ማርካብያ ገሎ ጋላሳይ ጋካናዉ ኡንቱንቱ፥ ሚድነ ኡሺደ፥ አኪድነ አከቲደ ደእሽን፥ ባሻ ሃꬃይ ዪደ ኡባ አሳካ ባይዜዳ። [c]
28 “ሄዋዳንካ፥ ሎጸ [d] ዎድያን፥ አሳይ ሚድነ ኡሺደ፥ ዛልኢደ፥ ቶኪድነ ጎልያ ኬጺደ ደኤድኖ። 29 ሽን ሎጸ፥ ሶዶማፐ ከሶ ጋላሳን ቃይ ሳሉዋፐ ታማይነ ኤጽያ ቦንቆ ሹቻይ ቡኬዳ፤ ኡባባካ ሚደ ዉርሴዳ። [e]
30 “አሳ ናአይ ቆንጭያ ጋላሳንካ ሀዋዳን ሀናናዋ። 31 ሄ ጋላሳን፥ ጎልያ ሁጲያን ደእያዌ፥ ጎለ ጋርሳን ደእያ ሚሻ አካናዉ ዎꬎፖ፤ ሀዋዳንካ ጎሻ ጋደን ደእያዌ፥ ጉየ ስሞፖ። [f] 32 አነ ሎጸ ማቻትባ ቆፕተ![g] 33 ባረ ሸምፑዋ አሻናዉ ኮይያ ኡባይ፥ ባይዜ፤ ባረ ሸምፑዋ ባይዝያ ኡባይ፥ ደኡዋን ናጌ። [h] 34 ታ ህንተዉ ኦድያዌ አዬ ጎፐ፥ ሄ ቃማን ላኡ አሳቱ እት ግሱዋን ግሳናዋንታ፤ ኡንቱንቱፐ እቱ አከትና ላኤንꬅያዌ አታናዋ። 35 ላኡ ማጫ አሳቱ እት ዎጻን ጋጫናዋንታ፤ እትና አከትና፥ እትና አታናዉኑ። 36 ላኡ አሳቱ ጎሻ ጋርሳን ደኢኖ፤ እቱ አከታናዋ፥ ላኤንꬅያዌ አታናዋ” ያጌዳ። [i]
37 አ ካልያዋንቱ የሱሳ፥ “ጎዳዉ፥ ሄዌ ሀቃን ሀናናዌ?” ያጌድኖ።