1 ዬሱሲ ባሬና ካሊያዋንታ፥ «ኣሳ ባሌꬂያዌ ዬናን ኣቴና፤ ሺን ባሌꬂያዋ ኣሂያ ኡራው ኣው ኣዬ፤ 2 ሄ ቢታኒ ሃ ጉꬃቱዋፔ ኢቱዋ ባሌꬂያዋፔ፥ ጋጪያ ዎፃ ባሬ ቆꬊያን ቃሼቲዴ ኣባን ሚቴቲያዌ ኣው ሎዓ። 3 ሂንቴ ሁጴው ናጌቲቴ።
5 ኪቴቴዳዋንቱካ ጎዳ፥ «ኑሲ ኣማኑዋ ጉጃ» ያጊዴ ኦቼዲኖ።
6 ጎዳይካ፥ «ሂንቴው ሳናፊጪያ ኣይፊያ ኬና ኣማኑ ዴዒንቶ፥ ሂንቴንቱ ሃ ቦዒያ፥ ‹ሃዋፔ ሾዴታዴ፥ ኣባን ቶኬታ› ጊንቶ ሂንቴው ኤኖ ጋና» ያጌዳ።
14 ዬሱሲ ኡንቱንታ ቤዒዴ፥ «ቢዴ፥ ሂንቴንቱ ቦላ ቄሳቱዋ ቤሲቴ» ያጌዳ።
15 ኡንቱንቱፔ ኢቱ ባሬ ሃርጊያፔ ፓፄዳዋ ቤዒዴ፥ ባሬ ኮሻ ꬎቁ ኡዲዴ፥ ፆሳ ቦንቺዴ ሲሜዳ። 16 ጋላቲዴካ ዬሱሳ ጌዲያ ማታን ጉልባቴዳ። ሄ ቢታኒ ሳማሪያ ኣሳ።
17 ዬሱሲ ዛሪዴ፥ «ታሙ ፓፂቤይኪኖ? ያቲና ኡዱፑናቱ ሃቃን ዴዒኖ? 18 ኣዪሁዳ ኣሳ ጊዴና ሳማሪያ ቢታኒያፔ ኣቲን፥ ፆሳ ቦንቻናው ሲሜዳዋንቱ ባዋ ጉሴ?» ያጌዳ። 19 ዬሱሲ ኣ፥ «ዴንዳ ባ፤ ኔ ኣማኑ ኔና ፓꬄዳ» ያጌዳ።
20 ፓሪሳዋቱ ኢቲ ጋላሲ፥ «ፆሳ ካዉቴꬃይ ኣዉዴ ያኔ?» ጊዴ ኦቺና ዬሱሲ፥ «ፆሳ ካዉቴꬃይ ሂንቴንቱ ናጊያ ኦጊያን ዬና» ያጊ ዛሬዳ። 21 ቃሲካ፥ «ኦኒኔ፥ ‹ፆሳ ካዉቴꬃይ ሃዋን ዴዔ›፥ ዎይ ‹ሄዋን ዴዔ› ጋናው ዳንዳዬና፤ ፆሳ ካዉቴꬃይ ሂንቴንቱ ዎዛና ጊዶን ዴዔ» ያጌዳ።
22 ዬሱሲ ባሬና ካሊያዋንቶ ኦዲዴ፥ «ኣሳ ናዓይ ቆንጪያ ጋላሳቱዋፔ ኢቱዋ ቤዓናው ሂንቴንቱ ኣሞቲያ ዎዲ ያና፤ ሺን ቤዒኪታ። 23 ቃሲ ኡንቱንቱ ሂንቴና፥ ‹ሃዌኩ ሃዋና› ዎይ ‹ሄዋና› ያጋናዋንታ። ሺን ኡንቱንታ ካሊዴ፥ ኡንቱንቱና ቦፒቴ። 24 ዋልቃንꬃይ ሳሉዋን ዎልቃሚያ ዎዴ፥ ሃ ጋፃፔ ሂኒ ጋፃ ፖዑ ፖዒያዋዳን፥ ኣሳ ናዓ ዩሳይካ ሄዋዳን ሃናናዋ። 25 ሺን ኮይሮቲዴ ኣሳ ናዓይ ዳሮ ሜቱዋ ሜቶታናዉኔ ሄ ዎዲያን ዴዒያ ዬሌታን ኢፄታናው ቤሴ።
26 «ኖሄ ዎዲያን ሃኖዋዳንካ፥ ኣሳ ናዓይ ቆንጪያ ጋላሳንካ ሄዋዳን ሃናናዋ። [b] 27 ኖሄ ማርካቢያ ጌሎ ጋላሳይ ጋካናው ኡንቱንቱ፥ ሚዲኔ ኡሺዴ፥ ኣኪዲኔ ኣኬቲዴ ዴዒሺን፥ ባሻ ሃꬃይ ዪዴ ኡባ ኣሳካ ባዪዜዳ። [c]
28 «ሄዋዳንካ፥ ሎፄ [d] ዎዲያን፥ ኣሳይ ሚዲኔ ኡሺዴ፥ ዛሊዒዴ፥ ቶኪዲኔ ጎሊያ ኬፂዴ ዴዔዲኖ። 29 ሺን ሎፄ፥ ሶዶማፔ ኬሶ ጋላሳን ቃሲ ሳሉዋፔ ታማይኔ ኤፂያ ቦንቆ ሹቻይ ቡኬዳ፤ ኡባባካ ሚዴ ዉርሴዳ። [e]
30 «ኣሳ ናዓይ ቆንጪያ ጋላሳንካ ሃዋዳን ሃናናዋ። 31 ሄ ጋላሳን፥ ጎሊያ ሁጲያን ዴዒያዌ፥ ጎሌ ጋርሳን ዴዒያ ሚሻ ኣካናው ዎꬎፖ፤ ሃዋዳንካ ጎሻ ጋዴን ዴዒያዌ፥ ጉዬ ሲሞፖ። [f] 32 ኣኔ ሎፄ ማቻቲባ ቆፒቴ! [g] 33 ባሬ ሼምፑዋ ኣሻናው ኮዪያ ኡባይ፥ ባዪዜ፤ ባሬ ሼምፑዋ ባዪዚያ ኡባይ፥ ዴዑዋን ናጌ። [h] 34 ታ ሂንቴው ኦዲያዌ ኣዬ ጎፔ፥ ሄ ቃማን ላዑ ኣሳቱ ኢቲ ጊሱዋን ጊሳናዋንታ፤ ኡንቱንቱፔ ኢቱ ኣኬቲና ላዔꬂያዌ ኣታናዋ። 35 ላዑ ማጫ ኣሳቱ ኢቲ ዎፃን ጋጫናዋንታ፤ ኢቲና ኣኬቲና፥ ኢቲና ኣታናዉኑ። 36 ላዑ ኣሳቱ ጎሻ ጋርሳን ዴዒኖ፤ ኢቱ ኣኬታናዋ፥ ላዔꬂያዌ ኣታናዋ» ያጌዳ። [i]
37 ኣ ካሊያዋንቱ ዬሱሳ፥ «ጎዳው፥ ሄዌ ሃቃን ሃናናዌ?» ያጌዲኖ።