1 እስራኤልያ አሳዉ ያዬዳ ጋሱዋን ያርኮ ካታማ ድርሳ ፐንገቱ ጎርደቲደ ናገቲኖ፤ ካታማ ገላናዉነ ካታማፐ ከሳናዉ ዳንዳይያ ኦንነ ባዋ። 2 መꬍና ጎዳይ ኢያሳ፥ “ጼላ፥ ታን ያርኮ ካታማ አ ካትያና አ ምኖ ኦላንቻቱዋካ ነ ኩሽያን አꬃደ እማድ። 3 ኔንነ ነ ኦላንቻቱ ሳልፒደ፥ ኡሱፑን ጋላሳይ ጋካናዉ ሀቼ ሀቼ ካታማ ድርሳ እት ገደ ዩይ አꬍተ። 4 ቃይ ላፑን ቄሳቱ ዶርሳቱዋ ካጭያፐ ከሴዳ ላፑን ማላካታቱዋ ኦይቂደ፥ ጾሳ ቃላ ጫቁዋ ታቦታ ስንꬃና ሀመትኖ። ላፑንꬃ ጋላስ ቄሳቱ ማላካታቱዋ ፑንሽን፥ ኦላንቻቱ ሳልፒደ፥ እትፐ ካታማ ላፑ ገደ ዩይ አꬍተ። 5 ሄዋፐ ጉይያን ማልካታቱዋ ፑኑዋ ጎቺደ ፑንያዋ ስስያ ዎደ፥ ኤለካ አሳይ ኡባይ ባረ ቃላ ꬎቁ ኦꬂደ ዋሶ። ያቶፐ ካታማ ድርሳ ግምቢ ኩንድና አሳይ ኡባይ ስንꬃዉ ላዉሁ ጊደ ገላና” ያጌዳ።

6 ነዌ ናአይ ኢያሱ ቄሳቱ ዋ ጼጊደ፥ “መꬍና ጎዳ ቃላ ጫቁዋ ታቦታ ቶክተ፤ ህንተፐ ላፑን ቄሳቱ ላፑን ማላካታቱዋ ኦይቂደ፥ ቃላ ጫቁዋ ታቦታፐ ስንꬃዉ አꬊደ ሀመትኖ” ያጌዳ። 7 አሳ፥ “ስንꬃዉ ቢተ፤ ካታማ ዩይ አꬍተ፤ ኦላዉ ጊጌዳዋንቱካ መꬍና ጎዳ ቃላ ጫቁዋ ታቦታ ስንꬃን ሀመትኖ” ያጊደ አዛዜዳ።

8 ኢያሱ አሳዉ ሃሳዬዳዋዳን፥ ላፑን ቄሳቱ ላፑን ማላካታቱዋ መꬍና ጎዳ ስንꬃን ኦይቂደ፥ ፑኒደ ሀመቴድኖ፤ ቃይ መꬍና ጎዳ ቃላ ጫቁዋ ታቦታይ ኡንቱንታ ካሌዳ። 9 ኦላዉ ጊጌዳዋንቱ ማላካታቱዋ ፑንያ ቄሳቱዋ ስንꬃን ብያ ዎደ፥ ጉየና ናግያ ኦላንቻቱ ቃላ ጫቁዋ ታቦታ ጉየና ካሌድኖ። ሄ ዎድያ ኡባን ማላካታቱ ፑነቲኖ። 10 ሽን ኢያሱ አሳ፥ “ታን ህንተንታ፥ ‘ዋስተ!’ ጋና ጋላሳይ ጋካናዉ፥ ኦላ ዋሱዋ ዋሶፕተ፤ ህንተንቱ ቃላይ ስሰቶፖ፤ እት ቃላካ ቃቶፕተ። ግድን ሄ ዎደ ዋስተ!” ያጊደ አዛዜዳ። 11 ያቲደ መꬍና ጎዳ ቃላ ጫቁዋ ታቦታይ ቶከቲደ፥ ሄ ካታማ እት ገደ ዩይ አꬋናዳን ኦꬄዳ። ሄዋፐ ጉይያን አሳይ ባረ ዱንካኔዳ ሳኣ ስሚደ፥ ቃማ ያን አቄዳ።

12 ዎንተꬃ ጋላስ ኢያሱ ጉሪደ ደንዴዳ፤ ቄሳቱካ መꬍና ጎዳ ቃላ ጫቁዋ ታቦታ ቶኬድኖ። 13 ላፑን ማላካታቱዋ ኦይቂደ ላፑን ቄሳቱ ስንꬃዉ አꬊደ፥ ማላካታቱዋ ፑኒደ መꬍና ጎዳ ቃላ ጫቁዋ ታቦታ ስንꬃን ሀመቴድኖ። ኦላዉ ጊጌዳዋንቱ ህንቱቱፐ ስንꬃና ሀመቴድኖ፤ ጉየና ናግያ ኦላንቻቱካ መꬍና ጎዳ ቃላ ጫቁዋ ታቦታ ጉየና ካሌድኖ። ሄ ዎድያ ኡባን ማላካታቱ ፑነቲኖ። 14 ላኤንꬆ ጋላስ ካታማ እት ገደ ዩይ አꬊደ፥ ባረንቱ ዱንካኔዳ ሳኣ ስሜድኖ። ኡሱፑን ጋላሳ ጋካናዉ ሄዋዳን ሀኔድኖ።

15 ላፑንꬃ ጋላስ ጻልቂ ዶልያ ዎደ ደንዲደ፥ ካሰዋዳን ካታማ ላፑ ገደ ዩይ ዩይ አꬌድኖ። ካታማ ኡንቱንቱ ላፑ ገደ ዩይ ዩይ አꬌዳዌ ሄ ጋላስ ጻላላና። 16 ላፑንꬃ ዩሻን፥ ቄሳቱ ማላካታቱዋ ፑንያ ዎደ፥ ኢያሱ አሳ፥ “መꬍና ጎዳይ ካታማ ህንተንቶ አꬂደ እሜዳ ድራዉ፥ ዋስተ! 17 ካታማይነ ካታማ ግዶን ደእያባይ ኡባይ መꬍና ጎዳዉ ሸቀቶዋ ግዲደ፥ ꬋያናዉ በሰ። ኑን ጋድያ ጌዳናዉ ኪቴዳ አሳቱዋ ቆሳደ አሼዳ ድራዉ፥ ሻርሙጽያ ራኣባነ እ ሶን እዝና እትፐ ደእያ አሳ ጻላላይ አታናዋ። 18 ሽን ህንተንቱ ሸቃ ግዴዳባፐ አያነ አከናዳን ህንተንቱ ሁጲያዉ ናገትተ። ሸቃ ግዴዳባፐ ህንተንቱ አኮፐ፥ እስራኤላቱ ዱንካኔዳ ሳኣ ባይያ ሳኣ ኦꬃንታ፤ ያቲደ ሄ ሳአዉ መቱዋ አሀንታ። 19 ብራይነ ዎርቃይ ኡባይ፥ ቃይ ናሃስያፐነ ብራታፐ መቴዳ ሚሻቱ ኡባይ መꬍና ጎዳዉ ጌዬዳዋ ግድኖ። ኡንቱንቱ መꬍና ጎዳ ሚሻ ምንጅያ ሳኣን ደእኖ” ያጌዳ።

20 ሄዋ ድራዉ ማላካታቱ ፑነትና አሳይ ዋሴዳ። ማላካታቱ ፑኑዋን አሳይ ባረ ቃላ ꬎቁ ኦꬂደ ዋሴዳ፤ ኤለካ ካታማ ድርሳ ግምቢ ኩንድ አጌዳ! ሄዋፐ ጉይያን አሳይ ኡባይ ስንꬃዉ ላዉሁ ግ ገልነ ካታማ ኦይቂ አጌዳ። [a] 21 ካታማን ሸምፑዋና ፓጻ ደኤዳዋ ኡባ፥ ማጫዋ አቱማዋ፥ ናናቱዋ ጭማ፥ ሚዛ፥ ዶርሳነ ሀርያ ኡባ ቃራ ማሻን ዉርስ ዎꬌዳ።

22 ኢያሱ ቢታ ጌዳናዉ ኪተቴዳ ላኡ አሳቱዋ፥ “ሻርሙጻት ራኣብ ሶ ቢደ ካሰ ህንተንቱ እዝዉ ጫቄዳዋዳን፥ እዞነ እዝዉ ደእያዋ ኡባ ጋጻ ከስተ” ያጌዳ። 23 ቢታ ጌዴዳ ዎዳላቱ ቢደ፥ ራኣቦ፥ እ አዉዋ፥ እ ዳዮ፥ እ እሻቱዋነ እዝዉ ደእያዋ ኡባ ጋጻ ከሴድኖ። እስራኤልያ አሳይ ዱንካኔዳ ሳኣፐ ጋጻና ዎꬄድኖ። 24 ሄዋፐ ጉይያን ካታማነ አ ግዶን ደእያዋ ኡባ ታማን ጹጌድኖ፤ ሽን ብራነ ዎርቃ ቃይ ናሃስያፐነ ብራታፐ መቴዳ ሚሻቱዋ መꬍና ጎዳ ሚሻ ምንጅያ ሳኣን ዎꬄድኖ። 25 ሽን ኢያሱ ሻርሙጻቶ ራኣቦ እ አዉዋ ሶ አሳናነ እዝዉ ደእያ ኡባባና ሀይቁዋፐ አሼዳ። አያዉ ጎፐ፥ ኢያሱ ያርኮ ካታማ ጌዳናዉ ኪቴዳ አሳቱዋ እዛ ካሰ ቆሳደ አሻዱ። እዝ ዛራቱ ሀቼ ጋካናዉ እስራኤልያ ቢታን ደኢኖ። [b]

26 ሄ ዎደ ኢያሱ፦