1 ሄዋፐ ጉይያን፥ ኢዮብ መꬍና ጎዳዉ ሀዋዳን ያጊደ ዛሬዳ፤ 2 “ኔን ኡባባ ኦꬃናዉ ዳንዳይያዋነ ነ ሀልቹዋካ ድጋናዉ ዳንዳይያዌ ባይናዋ ታን ኤራይ። 3 ‘ላ ሀ ኤራይ ባይናን ታ ዞርያ ገንꬅያዌ ኦኔ?’ ያጋደ ታና ኦቻዳ። [a] ቱሙፐ ታን ታዉ ገልቤናባ ሃሳያድ፤ ታ ኤራፐ ሃኬዳ ማላልስያባ ሃሳያድ።
4 “ኔን ታና፥ ‘ታን ኦድያ ዎደ ሀይዛ፤ [b] ታን ኦችያ ዎደ ኦዳ’ ያጋዳ።
5 “ታን ካሰ ነባ ታ ሀይꬃን ስሳድ፤ ሽን ሀእ ታ አይፍያን ኔና በኣድ። 6 ሄዋ ድራዉ፥ ታን ሃሳዬዳዌ ታና ዬላዬዳ። ታን ብድንꬃንነ ባናን ኡታደ ፓጻይ” ያጌዳ።
7 መꬍና ጎዳይ ሀዋ ኢዮባዉ ሃሳዬዳዋፐ ጉይያን፥ ተማናፐ ዬዳ ኤልፋዛ ሀዋዳን ያጌዳ፤ “ታ ቆማ እዮበዋዳን፥ ህንተ ታዋ ልከ ሃሳይቤና ድራዉ፥ ነ ቦላነ ነ ላኡ ላገቱዋ ቦላ ታ ሀንቁ ኤጽ ከሴዳ። 8 ሄዋ ድራዉ፥ ሀእ ላፑን ኮሩማቱዋነ ላፑን ዶርሳ ኦርገቱዋ አኪደ፥ ታ ቆማ ኢዮባኮ ቢተ፤ ጹግያ ያርሹዋ ህንተ ባይዞ ያርሽተ። ታ ቆማይ ኢዮብ ህንተዉ ዎሳና፤ ታንካ አ ዎሳ ስሳደ፥ ህንተ ባይዙዋዳን ሙርከ። ህንተ ታ ቆማ እዮበዋዳን ታባ ልከ ሃሳይበይክታ” ያጌዳ።
9 ሄዋፐ ጉይያን፥ ተማናፐ ዬዳ ኤልፋዝ፥ ሹሀፐ ዬዳ ብልዳድነ ናእማፐ ዬዳ ጾፋር ቢደ፥ መꬍና ጎዳይ ኡንቱንታ አዛዜዳዋዳን ኦꬄድኖ። መꬍና ጎዳይካ ኢዮባ ዎሳ ስሴዳ።
12 መꬍና ጎዳይ ኢዮባ ዉርሰꬃ ላይꬃ ኮይሮ ላይꬃፐ አꬂደ አንጄዳ። ኢዮባዉ ታማነ ኦይዱ ሻኡ ዶርሳቱ፥ ኡሱፑን ሻኡ ጋሎቱ፥ እት ሻኡ ዋꬃ ቦራቱነ እት ሻኡ ማጫ ሀረቱ ደኢኖ። 13 ቃይ አዉ ላፑን አቱማ ናናቱነ ሄዙ ማጫ ናናቱ የለቴድኖ። 14 ባይራ ማጫ ናቶ ይሚሞ፥ ላኤንꬅያና ቃጺኦ፥ ሄዘንꬅያና ቀረንሀፉኮ ያጊደ ሱንꬄዳ። 15 ኢዮባ ማጫ ናናቱዋዳን ማላ ሎኦ ማጫ አሳይ ቢታን ሳኣን ሀቃንነ ቤተና። ኡንቱንቱ አዉ ኡንቱንቶ ኡንቱንቱ እሻቱዋና ላትያ ቢታ ሻኪደ እሜዳ።