1 ኑኒ ሃሳዪያ ዎልቃማባይ ሃዋ፤ ሳሉዋን ኡባፔ ቦላ ፆሳይ ኡቲያ ካዉቴꬃ ኦይዲያፔ ኡሼቻ ባጋና ኡቴዳ ቄሳቱዋ ኡባቱዋ ካፑ፥ ሃዋ ማላይ ኑሲ ዴዔ። [a] 2 ጌሻ ሳዓኒኔ ቱሙ ዱንካኒያን ኢ ኦꬄ፤ ሄ ዱንካኒ ኣሳይ ኤሴዳዋ ጊዴናን፥ ፆሳይ ኤሴዳዋ።

3 ቄሳቱዋ ኡባቱዋ ካፑ ኡባይ ኢሙዋኔ ያርሹዋ ፆሳው ኢማናው ሱንꬄቴዳ ዲራው፥ ሃ ቄሳቱዋ ኡባቱዋ ካፖካ ያርሻናው ኢቲባይ ዴዓናው ኮሼ። 4 ሲሚ ሳዓን ኢ ዴዒያዋ ጊዶፔ፥ ኡባካ ቄሳ ጊዴና፤ ኣዪሲ ጎፔ፥ ሂጊ ኣዛዚያዋዳን፥ ኢሙዋ ኢሚያ ቄሳቱ ዴዒኖ። 5 ኡንቱንቱ ቄሳቱዋዳን ኦꬂያ ኪታይ ሳሉዋን ዴዒያ ኦሶ ቱሙ ሌሚሱዋኔ ኤሹዋ፤ ኣዪሲ ጎፔ፥ ሙሴ ዱንካኒያ ኤሳና ሃኒሺን፥ ፆሳይ ኣ፥ «ኣኬካ፤ ኡባባካ ታኒ ኔና ዴሪያ ሁጲያን ቤሴዳ ሌሚሱዋ ካላዴ ኦꬃ» ያጌዳ። [b] 6 ሺን ዬሱሲ ጋናቲያ ጫቁ ካሴዋፔ ኣꬊያዋዳንካ፥ ኣው ኢሜቴዳ ኦሱካ ኡንቱንቱዋፔ ኣꬌ፤ ኣዪሲ ጎፔ፥ ሄ ጫቁ ፆሳይ ኢማና ጌዳ ኡባፔ ኣꬊያ ኪታን ኦሴቴዳ።

7 ኣዪሲ ጎፔ፥ ኮይሮ ጫቁዋን ባላይ ባይናዋ ጊዲንቶ፥ ላዔንꬆ ጫቁዋ ኮሼና። 8 ሺን ኡንቱንታ ቦሪዴ፥ ጎዳይ ሃዋዳን ያጌ፤